ଜୀବନରେ ୩ ଟି ଭୁଲ୍ ଯୋଗୁଁ ପସ୍ତାଉଛନ୍ତି ଗୋବିନ୍ଦା ! ନଚେତ୍ ବାଦଶାହ ଓ ସୁଲତାନଙ୍କୁ ଦେଇଥାନ୍ତେ ଟକ୍କର ।
ଆପଣ ମଧ୍ୟ ଗୋବିନ୍ଦାଙ୍କ କମେଡି, ଏକ୍ସପ୍ରେସନ ଏବଂ ଜବରଦସ୍ତ ଡ୍ୟାନ୍ସର ଫ୍ୟାନ ହୋଇଥିବେ । ଏକ ସମୟ ଥିଲା ଯେତେବେଳେ ଗୋବିନ୍ଦାଙ୍କୁ ସଫଳ ଫିଲ୍ମର ଗ୍ୟାରେଣ୍ଟି କୁହାଯାଉଥିଲା । ଗୋବିନ୍ଦା ପ୍ରତ୍ୟେକ ରୋଲ ଖାସ କରି କମେଡି ରୋଲକୁ ଦର୍ଶକ ଖୁବ ପସନ୍ଦ କରୁଥିଲେ । ତାଙ୍କର ଫିଲ୍ମ ବକ୍ସ ଅଫିସରେ ରିଲିଜ ହେବା ପରେ ହାଉସଫୁଲ ବୋର୍ଡ ଥିଏଟର ବାହାରେ ଦେଖିବାକୁ ମିଳୁଥଲା । ଏପରି ବି ସମୟ ଥିଲା ଗୋବିନ୍ଦା ଗୋଟିଏ ମାସରେ ୪୦ ଟି ଫିଲ୍ମ ସାଇନ କରିଥିଲେ । କିନ୍ତୁ ଏବେ ଗୋବିନ୍ଦାଙ୍କ ହାତକୁ ଗୋଟିଏ ମଧ୍ୟ ଫିଲ୍ମ ଆସୁନାହିଁ ।
Kanak News is now on WhatsApp
Join and get latest news updates delivered to you via WhatsApp
ଗୋବିନ୍ଦାଙ୍କ ଫିଲ୍ମ କ୍ୟାରିୟର ଗ୍ରାଫ ୮୦ ଏବଂ ୯୦ ଦଶକ ପରେ ଏତେ କମିବାକୁ ଲାଗିଲା ଯେ ତାଙ୍କ କ୍ୟାରିୟର ପୁଣିଥିରେ ଆଗ ଭଳି ହୋଇପାରିଲା ନାହିଁ । ତେବେ ଫିଲ୍ମ ସମୀକ୍ଷକଙ୍କ ମତରେ ଗୋବିନ୍ଦାଙ୍କ କ୍ୟାରିୟର ଗ୍ରାଫ କମିବା ପଛରେ ଗୋବିନ୍ଦାଙ୍କର ହିଁ ଭୁଲ ରହିଛି । କୁହାଯାଉଛି ଯେ ଗୋବିନ୍ଦାଙ୍କ ୩ଟି ଭୁଲ ପାଇଁ ତାଙ୍କ ଫିଲ୍ମ କ୍ୟାରିୟର ଗ୍ରାଫ ତଳକୁ ଖସିବାକୁ ଲାଗିଲା । ତେବେ ଆସନ୍ତୁ ଜାଣିବା ଗୋବିନ୍ଦାଙ୍କ କେଉଁ ଭୁଲ ପାଇଁ ତାଙ୍କ କ୍ୟାରିୟର ଗ୍ରାଫ କମିବାକୁ ଲାଗିଲା ।
କ୍ୟାରିୟର ଗଢିଥିବା ଲୋକଙ୍କ ସହିତ ଝଗଡା-
ଗୋବିନ୍ଦା ଏବଂ ଡେଭିଡ ଧୱନଙ୍କ ଯୋଡି ସୁପରସକ୍ସେସଫୁଲ ଥିଲା । ଗୋବିନ୍ଦା ନିଜ କ୍ୟାରିୟରର ଅଧିକାଂଶ ହିଟ ଫିଲ୍ମରେ ଡେଭିଡ ଧୱନଙ୍କ ସହିତ କାମ କରିଛନ୍ତି । କିନ୍ତୁ ଗୋବିନ୍ଦା ଡେଭିଡଙ୍କ ସହିତ ଝଗଡା କରିଥିଲେ । ଏହାପରେ ଡେଭିଡ ଗୋବିନ୍ଦାଙ୍କୁ ଫିଲ୍ମ ଅଫର କରିବା ବନ୍ଦ କରି ଦେଇଥିଲେ । ଗୋବିନ୍ଦାଙ୍କ କ୍ୟାରିୟର ଗ୍ରାଫ କମିବାର ଏହା ହେଉଛି ଏକ ମୁଖ୍ୟ କାରଣ ।
ଡେରିରେ ପହଁଚିବା-
ଶୁଣିବାକୁ ମିଳେ ଯେ ଗୋବିନ୍ଦା ସୁଟିଂ ସେଟକୁ ଡେରିରେ ପହଁଚୁଥିଲେ । ସୁଟିଂ ସିଡ୍ୟୁଲ ହିସାବରେ ସେ ନିଜ ଟାଇମକୁ ମ୍ୟାନେଜ କରୁନଥିଲେ । ନିଜ ହିସାବରେ ସୁଟିଂକୁ ଯାଉଥିଲେ । ଏହାକୁ ନେଇ ଅନେକ ଲୋକ ତାଙ୍କୁ ବୁଝାଇବାକୁ ଚେଷ୍ଟା କରିଥିଲେ କିନ୍ତୁ ତାହାର ପ୍ରଭାବ ଗୋବିନ୍ଦାଙ୍କ ଉପରେ ପଡିନଥିଲା । ଗୋବିନ୍ଦାଙ୍କର ଏହି ବ୍ୟବହାର ଫିଲ୍ମ ନିର୍ମାତା ମାନଙ୍କୁ ପସନ୍ଦ ଆସୁନଥିଲା ।
ଫିଟନେସ ପ୍ରତି ଧ୍ୟାନ ଦେଉନଥିଲେ-
ଆଜିକାଲି ଫିଲ୍ମ ଅଭିନେତାମାନେ ନିଜର ଫିଟନେସ୍ ପ୍ରତି ଅଧିକ ଧ୍ୟାନ ଦେଉଥିବା ଦେଖିବାକୁ ମିଳୁଛି । କିନ୍ତୁ ଗୋବିନ୍ଦା ସଫଳତାର ଶୀର୍ଷରେ ଥାଇ ମଧ୍ୟ ଫିଟନେସ ପ୍ରତି ଧ୍ୟାନ ଦେଉନଥିଲେ । ସମୟ ସହିତ ତାଙ୍କ ବଡି ଫିଜିକ ଖରାପ ହେବାକୁ ଲାଗିଲା । ଏହି କାରଣରୁ ତାଙ୍କୁ ଫିଲ୍ମ ମିଳିବା ଧିରେ ଧିରେ କମ ହେବାକୁ ଲାଗିଲା ।