ସିଭିଲ ସର୍ଭିସ ପରୀକ୍ଷାର୍ଥୀଙ୍କୁ ମିଳିଲା ଆଶ୍ୱସ୍ଥି : ସ୍ପଷ୍ଟ କଲେ ସରକାର, ପରୀକ୍ଷାର୍ଥୀଙ୍କ ବୟସ ସୀମାରେ ହେବ ନାହିଁ ପରିବର୍ତ୍ତନ
ପ୍ରଶାସନିକ ସେବା ପରୀକ୍ଷାରେ ସାମିଲ ହେବାକୁ ଥିବା ଛାତ୍ରଛାତ୍ରୀଙ୍କ ପାଇଁ ଖୁସି ଖବର । ସର୍ବାଧିକ ବୟସ ସୀମାକୁ କମ୍ କରିବା ଖବରକୁ ନେଇ କେନ୍ଦ୍ରମନ୍ତ୍ରୀ ଜିତେନ୍ଦ୍ର ସିଂହ କହିଛନ୍ତି କି, ସରକାର ଏମିତି କୌଣସି ପଦକ୍ଷେପ ନେଇ ନାହାନ୍ତି । ଏହି ବିଷୟରେ ଯେଉଁ ଆକଳନ କରାଯାଉଥିଲା, ତା’ ଉପରେ ପୂର୍ଣ୍ଣଛେଦ ପଡିବା ଉଚିତ୍ । କିଛି ଦିନ ପୂର୍ବରୁ ନୀତି ଆୟୋଗ କେନ୍ଦ୍ର ସରକାରଙ୍କୁ ସୁପାରିଶ କରିଥିଲେ କି, ସିଭିଲ ସେବା ପରୀକ୍ଷା ପାଇଁ ପରୀକ୍ଷାର୍ଥୀଙ୍କ ସର୍ବାଧିକ ବୟସ ସୀମା କମ୍ କରାଯିବା ଉଚିତ୍ । ଆୟୋଗ ପରାମର୍ଶ ଦେଇଥିଲା କି, ସାଧାରଣ ବର୍ଗର ପରୀକ୍ଷାର୍ଥୀଙ୍କ ପାଇଁ ବୟସ ସୀମା ୩୦ ବର୍ଷରୁ କମାଇ ୨୭ ବର୍ଷ କରାଯିବା ଉଚିତ୍ ।
Kanak News is now on WhatsApp
Join and get latest news updates delivered to you via WhatsApp
ଏବେ ରାଜ୍ୟମନ୍ତ୍ରୀ ଜିତେନ୍ଦ୍ର ସିଂହ ଏହି ବିଷୟରେ କହିଛନ୍ତି କି, ସରକାର ସିଭିଲ ସେବା ପରୀକ୍ଷାରେ ସାମିଲ ହେବାର ବୟସରେ କୌଣସି ପରିବର୍ତ୍ତନ କରିବାର ପଦକ୍ଷେପ ନେଇ ନାହାଁନ୍ତି । ବୟସ ସୀମାକୁ କମାଇବାକୁ ନେଇ ପରାମର୍ଶକୁ ନୀତି ଆୟୋଗ ବର୍ଷ ୨୦୨୨-୨୩ ପର୍ଯ୍ୟନ୍ତ ଲାଗୁ କରିବା ପାଇଁ କହିଥିଲେ ।
MoS PMO Dr. Jitendra Singh to ANI: There is no move by Government to alter the age criteria of eligibility to appear in civil service examinations. Reports and speculations should be put to rest. (file pic) pic.twitter.com/81ye4L6DUv
— ANI (@ANI) December 25, 2018
‘ନୂଆ ଭାରତ ପାଇଁ ରଣନୀତି@୭୫’ ଦସ୍ତାବିଜରେ ଆୟୋଗ ସମସ୍ତ ସିଭିଲ ସେବା ପାଇଁ ଗୋଟିଏ ପରୀକ୍ଷା ଆୟୋଜନ କରିବା ଉପରେ ଜୋର ଦେଇଥିଲା । ଦସ୍ତାବିଜରେ କୁହାଯାଇଥିଲା କି, କେନ୍ଦ୍ର ଓ ରାଜ୍ୟ ସ୍ତରରେ ବର୍ତ୍ତମାନ ୬୦ରୁ ଅଧିକ ଭିନ୍ନ ଭିନ୍ନ ସିଭିଲ ସେବା ଅଛି । ସେବାଗୁଡିକୁ ଯୁକ୍ତିସଂଗତ ବନାଇବା ଓ ତାଳମେଳ ଜରିଆରେ ଏହାର ସଂଖ୍ୟାକୁ କମ୍ କରାଯିବାର ଆବଶ୍ୟକତା ଅଛି । ଦସ୍ତାବିଜ୍ ଅନୁସାରେ, କେନ୍ଦ୍ରୀୟ ଟ୍ୟାଲେଣ୍ଟ ପୁଲରେ ନିଯୁକ୍ତି କରାଯିବା ଉଚିତ୍ । ଏହା ପରେ ପ୍ରାର୍ଥୀଙ୍କୁ କ୍ଷମତା ଓ ରୋଜଗାରର ଆବଶ୍ୟକତା ଆଧାରରେ ତାଙ୍କର ଆବଣ୍ଟନ କରାଯିବା ଉଚିତ୍ ।