ବିଶ୍ୱର ଷଷ୍ଠ ସର୍ବାଧିକ ପ୍ରଶଂସିତ ବ୍ୟକ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି : ପଛରେ ପଡ଼ିଲେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ
କନକ ବ୍ୟୁରୋ : ଲଗାତାର ଦ୍ୱିତୀୟ ଥର ସତ୍ତା ହାସଲ ପରେ ବିଶ୍ୱ ସ୍ତରରେ ପ୍ରଧାନମନ୍ତ୍ରୀ ମୋଦିଙ୍କ ଛବି ଦିନକୁ ଦିନ ଚମକିବାରେ ଲାଗିଛି । ବ୍ରିଟେନର ଏକ ଇଣ୍ଟରନେଟ୍ ମାର୍କେଟ୍ ରିସର୍ଚ୍ଚ ଏବଂ ଡାଟା ଆନାଲିଟିକ୍ସ କମ୍ପାନି ‘ୟୁଗଭ୍’ ଦ୍ବାରା ହୋଇଥିବା ସର୍ବେକ୍ଷଣରୁ ଏହା ଜଣାପଡ଼ିଛି । YouGov ଦ୍ଵାରା ଚଳିତ ବର୍ଷର ଦୁନିଆର ଶୀର୍ଷ ୨୦ ପ୍ରଶଂସିତ ମହିଳା ଓ ପୁରୁଷଙ୍କ ତାଲିକା ପ୍ରକାଶ କରାଯାଇଛି । ବିଶ୍ୱର ଷଷ୍ଠ ସର୍ବାଧିକ ପ୍ରଶଂସିତ ବ୍ୟକ୍ତି ହୋଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ଏହାବ୍ୟତୀତ ମୋଦି ୨୦୧୯ ମସିହାରେ ସମଗ୍ର ବିଶ୍ବରେ ସର୍ବାଧିକ ପ୍ରଶଂସିତ ଭାରତୀୟ ଭାବେ ବିବେଚିତ ହୋଇଛନ୍ତି । ଏହି ତାଲିକାରେ ଦ୍ଵିତୀୟରେ ବଲିଉଡ ଅଭିନେତା ଅମିତାଭ ବଚ୍ଚନ ରହିଥିବା ବେଳେ ଭାରତୀୟ ମହିଳାଙ୍କ ମଧ୍ୟରେ ଦୀପିକା ପାଦୁକୋନ୍ ପ୍ରଥମ ସ୍ଥାନରେ ଅଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦୁନିଆରେ ସବୁଠୁ ଅଧିକ ପ୍ରଶଂସା ସାଉଁଟିବା ତାଲିକାରେ ଭାରତୀୟ ଭାବେ ପ୍ରଥମ ସ୍ଥାନରେ ଅଛନ୍ତି । ମୋଦି ବାଦ୍ କ୍ରିକେଟର ମହେନ୍ଦ୍ର ସିଂହ ଧୋନୀ, ଶିଳ୍ପପତି ରତନ ଟାଟା , କ୍ରିକେଟ କିମ୍ବଦନ୍ତୀ ସଚିନ ତେନ୍ଦୁଲକର, ବିରାଟ କୋହଲି ବଲିଉଡ ସୁପରଷ୍ଟାର ଶାହରୁଖ ଖାନ୍ ମଧ୍ୟ ଏହି ତାଲିକାରେ ରହିଛନ୍ତି । ତାଲିକାରେ ଅମିତାଭଙ୍କୁ ୧୨ତମ ସ୍ଥାନରେ ରଖିଛି । କିଙ୍ଗ ଖାନ ଶାହରୁଖ ଏହି ତାଲିକାରେ ୧୬ତମ ସ୍ଥାନରେ ଅଛନ୍ତି । YouGovର ସବୁଠୁ ଅଧିକ ପ୍ରଶଂସା ସାଉଁଟିଥିବା ୨୦ ଅଭିନେତ୍ରୀଙ୍କ ତାଲିକାରେ ବ ଐଶ୍ଵର୍ଯ୍ୟା ରାୟ, ପ୍ରିୟଙ୍କା ଚୋପ୍ରା ସହିତ ଦୀପିକା ପାଦୁକୋନ୍ ଏବଂ ସୁସ୍ମିତା ସେନଙ୍କ ନାମ ମଧ୍ୟ ସାମିଲ ।
ତେବେ ତାଲିକାରେ ବିଲ୍ ଗେଟ୍ସ ବିଶ୍ୱର ସର୍ବାଧିକ ପ୍ରଶଂସିତ ବ୍ୟକ୍ତି ବ୍ୟକ୍ତିତ୍ବ ବିବେଚିତ ହୋଇଥିବା ବେଳେ ମିସେଲ୍ ଓବାମା ବିଶ୍ବର ସର୍ବାଧିକ ପ୍ରଶଂସିତ ମହିଳା ବିବେଚିତ ହୋଇଛନ୍ତି । ଆଞ୍ଜେଲିନା ଜୋଲିଙ୍କୁ ବାଦ୍ ଦେଇ ମିସେଲ୍ ଓବାମା ବିଶ୍ବର ସର୍ବାଧିକ ପ୍ରଶଂସିତ ମହିଳା ବିବେଚିତ ହୋଇଛନ୍ତି । ଏହି ସର୍ବେକ୍ଷଣ ଅନଲାଇନରେ ହୋଇଥିଲା ଏବଂ ଗତବର୍ଷ ଡିସେମ୍ବରରୁ ଏହି ପ୍ରକ୍ରିୟା ଆରମ୍ଭ ହୋଇଥିଲା ।