କରଞ୍ଜିଆ ଠାକୁରମୁଣ୍ଡାରେ ଯାତ୍ରା ଦେଖି ଫେରୁଥିବାବେଳେ ଆଦିବାସୀ ନାବାଳିକାକୁ ଗଣଦୁଷ୍କର୍ମ : ଜବରଦସ୍ତ ମଦ ପିଆଇ ଉଠାଇନେଇଥିବା ଅଭିଯୋଗ, ଜଣେ ଅଟକ
କନକ ବ୍ୟୁରୋ : ପୁଣି ଏକ ନାବାଳିକାକୁ ଗଣଦୁଷ୍କର୍ମ ଅଭିଯୋଗ । ମୟୂରଭଞ୍ଜ ଜିଲ୍ଲା ଠାକୁରମୁଣ୍ଡାରେ ଘଟିଛି ଏପରି ଅଭାବନୀୟ ଘଟଣା । ବିଳମ୍ବିତ ରାତିରେ ଜଣେ ଆଦିବାସୀ ନାବାଳିକାକୁ କିଛି ଦୁର୍ବୃତ୍ତ ନିଶା ଦେଇ ଗଣଦୁଷ୍କର୍ମ କରିଥିବା ଅଭିଯୋଗ ହୋଇଛି । ଉଡା ଯାତ୍ରା ଦେଖିବାକୁ ନାବାଳିକା ଜଣକ ଠାକୁରମୁଣ୍ଡାକୁ ଆସିଥିଲେ ।
Kanak News is now on WhatsApp
Join and get latest news updates delivered to you via WhatsApp
ବିଳମ୍ବିତ ରାତିରେ ତାଙ୍କୁ ଏକୁଟିଆ ପାଇ ଦୁର୍ବୃତ୍ତମାନେ ଉଠାଇ ନେଇ ଜୋର ଜବରଦସ୍ତ ନିଶା ଦେଇ ଗଣଦୁଷ୍କର୍ମ କରିଥିବା ଅଭିଯୋଗ ହୋଇଛି । ରାତିରେ ପୋଲିସ ଖବର ପାଇ ପୀଡିତା ନାବାଳିକାଙ୍କୁ କରଞ୍ଜିଆ ମେଡିକାଲରେ ଭର୍ତ୍ତି କରିଛି । ତେବେ ଏହି ଘଟଣାକୁ ନେଇ ଆଜି ଆଦିବାସୀ ସୁରକ୍ଷା ମଂଚ ପକ୍ଷରୁ ଠାକୁରମୁଣ୍ଡା ବନ୍ଦ ଡାକରା ଦିଆଯାଇଛି । ପୀଡିତାଙ୍କୁ ନ୍ୟାୟ ଦେବା ସହ ଅଭିଯୁକ୍ତଙ୍କୁ ତୁରନ୍ତ ଗିରଫ କରିବାକୁ ଦାବି ହୋଇଛି ।
ଏଭଳି ଏକ ଲଜ୍ଜାଜନକ ଘଟଣା ଘଟିଥିଲା ଭୂବନେଶ୍ୱର କ୍ୟାପିଟାଲ ଥାନା ଆଦିବାସୀ ପଡିଆ ବସ୍ତି ଅଞ୍ଚଳରେ । ନିଜ ୧୦ ବର୍ଷୀୟ ଝିଅକୁ ବଳାତ୍କାର କରିଥିଲା ବାପା । ୧୦ ବର୍ଷୀୟ ଝିଅଟିର ମା ଘରେ ନଥିବା ବେଳେ ସୋମବାର ରାତିରେ ବାପା ନିଶାସକ୍ତ ଅବସ୍ଥାରେ ଘରକୁ ଫେରିଥିଲା । ଆଉ ଏହା ପରେ ଝିଅକୁ ନିଜ ଶୋଇବା ଘରକୁ ଟେକି ନେଇ ବଳାତ୍କାର କରିଥିଲା । ଝିଅଟିର ମା ଘଟଣା ସମ୍ପର୍କରେ ଜାଣିବା ପରେ ଥାନାରେ ଅଭିଯୋଗ କରିଥିଲେ । ତେବେ ଅଭିଯୋଗ ଆଧାରରେ ପୋଲିସ ଅଭିଯୁକ୍ତ ବାପାକୁ ଥାନାରେ ଅଟକ ରଖିଛି ।