କାଲିଠୁ ‘ମହାଭାରତ’ । ରାମାୟଣ ପରେ ପୁଣି ଟିଭି ପରଦାକୁ ଫେରିବ, ପୌରାଣିକ ସ୍ମୃତିକୁ ତାଜା କରିବ ଲୋକପ୍ରିୟ ଧାରାବାହିକ ‘ମହାଭାରତ’ । ଜାଣନ୍ତୁ କେତେବେଳେ ହେବ ପ୍ରସାରଣ
କନକ ବ୍ୟୁରୋ: ରାମାୟଣ ପରେ ମଭାଭାରତ । ଆସନ୍ତାକାଲି ଠାରୁ ପୁଣି ଟିଭି ପରଦାକୁ ଫେରିବ ମହାଭାରତ । କାଲିଠାରୁ କୌରବ-ପାଣ୍ଡବଙ୍କ କାହାଣୀ ସହ ୧୮ ଦିନର ମହାଭାରତ ଯୁଦ୍ଧ ଦେଖିବେ ଭାରତୀୟ । ଟିଭି ପରଦାରେ ମହାଭାରତର ପୁନଃପ୍ରସାରଣ ଦେଶବାସୀଙ୍କ ପୁରୁଣା ଦିନର ସ୍ମୃତିକୁ ତାଜା କରିଦେବ । ତେବେ ଆସନ୍ତାକାଲି ଠାରୁ ଡିଡି ଭାରତୀରେ ଏହି ଲୋକପ୍ରିୟ ଧାରାବାହିକ ପ୍ରସାରଣ ହେବ । ପ୍ରତିଦିନ ମଧ୍ୟାହ୍ନ ୧୨ଟାରେ ଏବଂ ସନ୍ଧ୍ୟା ୭ଟାରେ ଏହା ପ୍ରସାରଣ କରାଯିବ ଆଉ ଦର୍ଶକ ଏହାର ମଜା ଉଠାଇପାରିବେ ବୋଲି ଟ୍ୱିଟ କରି କହିଛନ୍ତି ସୂଚନା ଓ ପ୍ରସାରଣ ମନ୍ତ୍ରୀ ପ୍ରକାଶ ଜାଭଡେକର ।
Kanak News is now on WhatsApp
Join and get latest news updates delivered to you via WhatsApp
Happy to announce that DD Bharati will relay from tomorrow Saturday 28th March, the popular serial ‘Mahabharat’ at 12 noon and 7 pm every day: Prakash Javadekar, Information & Broadcasting Minister (file pic) pic.twitter.com/9Ag6sltywR
— ANI (@ANI) March 27, 2020
ସେପଟେ କରୋନା ପାଇଁ ସାରା ଦେଶରେ ତାଲା ବନ୍ଦ । ଘରେ ଲୋକେ ବନ୍ଦ ରହିବାକୁ ସରକାର ବାରମ୍ବାର ଆବେଦନ କରୁଛନ୍ତି । ଏପରି ସମୟରେ ଲୋକଙ୍କ ବିପୁଳ ଚାହିଦାକୁ ନଜରରେ ରଖି ଦୂରଦର୍ଶନର ଲୋକପ୍ରିୟ ପୌରାଣିକ ଧାରାବାହିକ ‘ରାମାୟଣ’ର ପୁନଃ ପ୍ରସାରଣ କରାଯାଉଛି ।
୮୦ ଦଶକରେ ଅର୍ଥାତ ୧୯୮୭ ମସିହାରେ ପ୍ରସାରିତ ହେଉଥିବା ରାମାନନ୍ଦ ସାଗରଙ୍କ ‘ରାମାୟଣ’ର ହେବ ପୁନଃ ପ୍ରସାରଣ । କରୋନା ଭୂତାଣୁ ପାଇଁ ସାରା ଦେଶରେ ତାଲା ବନ୍ଦ ହୋଇଥିବାବେଳେ, ଗଳି କନ୍ଦି ରାସ୍ତା ଘାଟ ସବୁ ଶୁନ୍ସାନ ହୋଇ ଯାଇଛି । ଆଉ ଯେଉଁ ରାମାୟଣକୁ ଦେଖିଲାବେଳେ ରାସ୍ତାଘାଟ ଶୂନାସାନ ହୋଇଯାଉଥିଲା, ଏବେ ତାଲାବନ୍ଦ ପରିସ୍ଥିତିରେ ପୁଣିଥରେ ଲୋକଙ୍କୁ ମନୋରଂଜନ ଯୋଗାଇବ ସେହି ରାମାୟଣ । ଏନେଇ ସୂଚନା ଦେଇଛନ୍ତି କେନ୍ଦ୍ର ସୂଚନା ଓ ପ୍ରସାରଣ ମନ୍ତ୍ରୀ ପ୍ରକାଶ ଜାଭଡେକର । ପ୍ରତ୍ୟେକ ଦିନ ସକାଳ ୯ଟା ରୁ ୧୦ଟା ଓ ପୁଣି ରାତି ୯ଟାରୁ ୧୦ଟା ଟିଭି ପରଦାରେ ରାମାନନ୍ଦ ସାଗରଙ୍କ ରାମାୟଣ ଦେଖିପାରିବେ ଦେଶବାସୀ ।
ସେପଟେ ରାମାୟଣ ଓ ମହାଭାରତର ପୁନଃ ପ୍ରସାରଣ ଖବର କଥା ଶୁଣି ଅନେକ ଲୋକ ନିଜର ପୁରୁଣା ଦିନର ସ୍ମୃତିକୁ ମନେପକାଇଛନ୍ତି । ପିଲାଦିନେ କେମିତି ସେମାନେ ବାପାମାଆ ଓ ପରିବାର ସହ ରାମାୟଣ, ମହାଭାରତ ଦେଖୁଥିଲେ ସେସବୁ ସ୍ମୃତିକୁ ତାଜା କରିଛନ୍ତି । ବୟସ୍କ ଲୋକ ବି ସ୍ମୃତି ଚାରଣ କରିବାରୁ ପଛରେ ନାହାନ୍ତି । ୮୦ ଦଶକରେ କେଉଁ କେଉଁ ଗାଁରେ ଗୋଟିଏ ଦୁଇଟି ଟିଭି ଥିବ, ତାହା ପୁଣି କଳାଧଳା ଆଉ ସନ୍ଧ୍ୟା ହେବା କ୍ଷଣି ଗାଁର ବୃଦ୍ଧ, ବୃଦ୍ଧାମାନେ ଟିଭି ଆଗରେ ହାଜର ହୋଇଯାଆନ୍ତି । ପିଲାମାନେ ଏସବୁ ଦେଖିବାକୁ ତ ଭୋକ ଶୋଷ ଭୁଲି ଯାଆନ୍ତି ବୋଲି କିଛି ବୟସ୍କ ଲୋକ ସ୍ମୃତିକୁ ମନେପକାଇଥିବା ସୋସିଆଲ ମିଡିଆରେ ପୋଷ୍ଟ କରିଛନ୍ତି । ତେବେ ଲକଡାଉନ ସମୟରେ କେନ୍ଦ୍ର ସରକାରଙ୍କ ଏଭଳି ନିଷ୍ପତ୍ତି ପୁରୁଣା ସ୍ମୃତିକୁ ସତେଜ କରି ଦେଇଛି ।