ଜାଣନ୍ତୁ ଦୁନିଆର ସବୁଠାରୁ ଅଳସୁଆ ଦେଶ କିଏ ? ଭାରତ ମଧ୍ୟ ଏହି ସୂଚିରେ ରହିଛି ସାମିଲ ।
ଆମେରିକୀୟ ଷ୍ଟେନଫୋର୍ଡ ବିଶ୍ୱବିଦ୍ୟାଳୟର ଏକ ରିସର୍ଚ୍ଚରୁ ଜଣାପଡିଛି ଦୁନିଆର ସବୁଠାରୁ ଅଳସୁଆ ଦେଶ ବିଷୟରେ । ରିସର୍ଚ୍ଚ ଅନୁସାରେ ହଂକଂ ଦୁନିଆର ସବୁଠାରୁ କ୍ରିୟାଶୀଳ ଦେଶ ହୋଇଥିବା ବେଳେ ଇଣ୍ଡୋରନେସିଆ ଦୁନିଆର ସବୁଠାରୁ ଅଳସୁଆ ଦେଶ ଭାବେ ପରିଗଣିତ ।
Kanak News is now on WhatsApp
Join and get latest news updates delivered to you via WhatsApp
୪୬ ଦେଶକୁ ନେଇ ହୋଇଥିବା ଏକ ରିସର୍ଚ୍ଚରେ ଭାରତକୁ ମଧ୍ୟ ଦୁନିଆର ସବୁଠାରୁ ଅଳସୁଆ ଦେଶ ସୂଚିରେ ସାମିଲ କରାଯାଇଛି । ଯେଉଁଥିରେ ଭାରତ ୩୯ ନମ୍ବରରେ ରହିଛି । ଭାରତରେ ଜଣେ ବ୍ୟକ୍ତି ପ୍ରତିଦିନ ପ୍ରାୟ ୪୨୯୭ ପାଦ ଚାଲୁଥିବା ବେଳେ ସବୁଠାରୁ ଅଧିକ ପାଦ ହଂକଂର ଲୋକମାନେ ଚାଲିଥାନ୍ତି । ହଂକଂରେ ଜଣେ ବ୍ୟକ୍ତି ପ୍ରତିଦିନ ୬୮୮୦ ପାଦ ଚାଲିଥାଏ । କିନ୍ତୁ ଅନ୍ୟପଟେ ଇଣ୍ଡୋରନେସିଆର ଜଣେ ବ୍ୟକ୍ତି ପ୍ରତିଦିନ ୩୫୧୩ ପାଦ ଚାଲିଥାଏ । ତେଣୁ ଅନ୍ୟ ଦେଶ ମାନଙ୍କ ଠାରୁ ଇଣ୍ଡୋରନେସିଆକୁ ସବୁଠାରୁ ଅଳସୁଆ ଦେଶ ଭାବେ ବିବେଚିତ କରି ଅଳସୁଆ ଦେଶ ସୂଚିରେ ସର୍ବାଧିକ ସ୍ଥାନ ଦିଆଯାଇଛି ।
କିପରି ହେଲା ରିସର୍ଚ୍ଚ
ଅଧିକାସଂ ସ୍ମାର୍ଟଫୋନରେ ଏକ୍ସେଲେରୋମିଟରର ସୁବିଧା ରହିଛି । ଯହାଦ୍ୱାରା ବ୍ୟକ୍ତି କେତେ ପାଦ ଚାଲୁଛି ତାହା ଆକଳନ କରାଯାଇ ପାରିଥାଏ । ରିସର୍ଚ୍ଚ ଟିମ୍ ୪୬ ଦେଶରୁ ପ୍ରାୟ ୭ ଲକ୍ଷ ଲୋକଙ୍କ ତଥ୍ୟ ଏକାଠି କରିଥିଲା ଯେଉଁମାନେକି ଅର୍ଗସ ଆକ୍ଟିଭିଟି ମନିଟରିଂ ଆପ ବ୍ୟବହାର କରୁଥିଲେ । ରିସର୍ଚ୍ଚ ଟିମରେ ସାମିଲ ରହିଥିବା ବାୟୋ ଇଞ୍ଜିନିୟରିଂର ପ୍ରଫେସର ସ୍କଟ ଡେଲ୍ପ କହିଛନ୍ତି, ଏହି ଅଧ୍ୟୟନ ମାନବ ବିକାଶ ଉପରେ କରାଯାଇଥିବା ଅନ୍ୟ କୌଣସି ରିସର୍ଚ୍ଚ ଠାରୁ ୧୦୦୦ ଗୁଣା ବଡ । ପୂର୍ବରୁ ଏହି ଭଳିି ଅନେକ ରିସର୍ଚ୍ଚ କରାଯାଇଛି କିନ୍ତୁ ଏହି ଅଧ୍ୟୟନରେ ଅଧିକ ଦେଶର ତଥ୍ୟ ଏକାଠି କରାଯାଇଛି । ଏହି ରିସର୍ଚ୍ଚ ମାଧ୍ୟମରେ ଗତିବିଧି, ବ୍ୟବହାର ଏବଂ ଅନ୍ୟାନ୍ୟ ବେଶେଷତା ଉପରେ ନଜର ରଖାଯାଇ ତଥ୍ୟ ସଂଗ୍ରହ କରାଯାଇଥିଲା । କେବଳ ସେତିକି ନୁହେଁ ଏହି ରିସର୍ଚ୍ଚରୁ ଏହା ମଧ୍ୟ ଜଣା ପଡିଥିଲା ପୁରୁଷ ମାନଙ୍କ ଅପେକ୍ଷା ଫିଟନେସ ମାମଲାରେ ନାରୀ ମାନେ ସବୁଠାରୁ ପଛରେ ରହିଛନ୍ତି ।
ସମ୍ପୁର୍ଣ୍ଣ ଲିଷ୍ଟ
ହଂକଂ ୬୮୮୦ (ସବୁଠାରୁ ଫିଟ ଦେଶ)
ଚୀନ ୬୧୮୯
ୟୁକ୍ରିନ ୬୧୦୭
ଋଷ ୫୯୬୯
ବ୍ରିଟେନ ୫୪୪୪
ଭାରତ ୪୨୯୭
ମାଲେସିଆ ୩୯୬୩
ଇଣ୍ଡୋରନେସିଆ ୩୫୧୩ (ସବୁଠାରୁ ଅଳସୁଆ ଦେଶ)