କର୍ଣ୍ଣାଟକରେ ଆୟକର ବିଭାଗର ଚଢାଉ ! ଜବତ ହେଲା ୨କୋଟି ୮୯ ଲକ୍ଷ ଟଙ୍କା
କନକ ବ୍ୟୁରୋ : ବିମୁଦ୍ରାକରଣ ପରେ କର୍ଣ୍ଣାଟକରେ ଆୟକର ବିଭାଗର ଏକ ବଡ ଧରଣର ଚଢାଉ କରାଯାଇଛି । ବେଙ୍ଗାଲୁରୁର ଏକ ଆପାର୍ଟମେଂଟରୁ ଦୁଇକୋଟି ୮୯ ଲକ୍ଷ ଟଙ୍କା ଜବତ କରାଯାଇଛି । ଏହାମଧ୍ୟରୁ ଦୁଇକୋଟି ୨୫ଲକ୍ଷ ଟଙ୍କା କେବଳ ନୂଆ ୨୦୦୦ଟଙ୍କିଆ ନୋଟ୍ ଥିବା ଜଣାପଡିଛି । ଆପାର୍ଟମେଂଟରେ ଚଢାଉ କଲାବେଳେ ଜଣେ ବୃଦ୍ଧା ଏବଂ ଦୁଇଟି କୁକୁର ଛଡା ଆଉ କାହାକୁ ଦେଖିବାକୁ ମିଳିନଥିଲା ।
Kanak News is now on WhatsApp
Join and get latest news updates delivered to you via WhatsApp
ଆୟକର ବିଭାଗର ଅଧିକାରୀ ମାନେ ବେଙ୍ଗେଲୁରୁର ଯଶୱନ୍ତପୁର ଅଂଚଳରେ ଥିବା ଆପାର୍ଟମେଂଟ ଉପରେ ଚଢାଉକରିବା ପାଇଁ ଗଲାବେଳେ ଘରେ ଥିବା ମହିଳା ଜଣଙ୍କ କୁକୁର ମାନଙ୍କୁ ଖୋଲା ଛାଡିଦେଇଥିଲେ । କୁକୁରମାନେ ଏତେ ପରିମାଣରେ ହିସ୍ରଂ ଥିଲେ ଯେ, ସେ ଘରେ ପଶିବା ପାଇଁ ଆୟକର ଅଧିକାରୀଙ୍କୁ ନାକେଦମ୍ ହେବାକୁ ପଡିଥିଲା । ପୁଲିସ ଏବଂ ପଡୋଶୀମାନଙ୍କ ସହାୟତାରେ ଅଧିକାରୀ ମାନେ ଘରେ ପଶିବାରେ ସକ୍ଷମ ହୋଇପାରିଥିଲେ ।