ସୁନ୍ଦର ଚେହେରା ସାଙ୍ଗକୁ ସୁନ୍ଦର ତଥା ଆକର୍ଷଣୀୟ ଘନ କେଶ ମହିଳାଙ୍କ ସୌନ୍ଦର୍ଯ୍ୟକୁ କରିଥାଏ ଦ୍ୱିଗୁଣିତ । ଘନ କେଶ ଜଣେ ନାରୀର ସୁନ୍ଦରତାକୁ ବଢାଇବାରେ ସହାୟକ ହୋଇଥାଏ । ଏମିତି ବି କିଛି ଅଦ୍ଭୁତ ସ୍ଥାନ ରହିଛି,ଯେଉଁ ସ୍ଥାନର ମହିଳାମାନେ ଘନ କେଶ ପାଇଁ ସୋସିଆଲ ମିଡିଆରେ ଚର୍ଚ୍ଚାର ବିଷୟ ପାଲଟିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଚୀନ ଦେଶର ଗୁଆଂଗଶୀ ସୀମାନ୍ତରେ ଅବସ୍ଥାପିତ ହୁଆଂଗଲୁଓ ଗାଁ, ଏଠି ବାସ କରୁଥିବା ମହିଳାଙ୍କ ଘନ କେଶ ଲାଗି ସେହି ଗାଁଟି ଏବେ ଚର୍ଚ୍ଚାର ବିଷୟ ପାଲଟିଛି । ଏହି ଗାଁ’ର ଅଧିକାଂଶ ମହିଳାଙ୍କ କେଶର ଲମ୍ବ ରହିଛି ପାଖାପାଖି ୩ରୁ ୭ ଫୁଟ୍ ବିଶିଷ୍ଟ ।
ଘଟଣାଟି ହେଲା, ଏହି ଗାଁରେ ବାସ କରୁଥିବା ଲୋକମାନେ ପ୍ରାୟ ଦୁଇ ଶହ ବର୍ଷ ପୁରୁଣାର । ଏବଂ ଯେଉଁମାନଙ୍କ ମଧ୍ୟରେ ରହିଛନ୍ତି ପାଖାପାଖି ୬୦ ଜଣ ମହିଳା ଓ ଏମାନେ ସମସ୍ତେ ଏକ ନିର୍ଦ୍ଦିଷ୍ଟ ସଂପ୍ରଦାୟର ମହିଳା ଯେଉଁମାନେ କି ନିଜର କଳା ଘନ ଆକର୍ଷଣୀୟ କେଶ ପାଇଁ ସାରା ଚୀନ ଦେଶରେ ନିଜର ଏକ ଅଲଗା ପରିଚୟ ସୃଷ୍ଟି କରିଛନ୍ତି । ଏହି ଗାଁରେ ସବୁଠାରୁ କମ୍ କେଶ ୩ ଫୁଟ୍ ଲମ୍ବ ବିଶିଷ୍ଟ ଏବଂ ସବୁଠାରୁ ଅଧିକ କେଶ ହେଲା ୭ ଫୁଟ୍ ଲମ୍ବ ବିଶିଷ୍ଟ ।
ତେବେ ଏହି ଗାଁର ମହିଳାମାନେ ନିଜର ପରମ୍ପରାକୁ ବଜାୟ ରଖିବାକୁ ଏଭଳି କେଶ ରଖିଛନ୍ତି ବୋଲି ଜାଣିବାକୁ ମିଳିଛି । ସେମାନଙ୍କ କହିବା ଅନୁସାରେ ଗାଁରେ ଗୋଟିଏ କନ୍ୟା ସନ୍ତାନ ଜାତ ହେଲେ ତେବେ କନ୍ୟାଟିର ଜନ୍ମରୁ ୧୮ ବର୍ଷ ବୟସ ପର୍ଯ୍ୟନ୍ତ କେଶ କଟା ଯାଇ ନ ଥାଏ ।
ଆଉ କନ୍ୟାଟିକୁ ଯେତେବେଳେ ୧୮ ବର୍ଷ ବୟସର ହୋଇଯାଏ, ସେତେବେଳେ ତା’ର କେଶ କଟାଯାଇଥାଏ ।ତା’ର ଅର୍ଥ ହେଲା କନ୍ୟାଟି ଏବେ ଯୌବନ ଅବସ୍ଥାରେ ପାଦଦେଲା, ଓ କନ୍ୟାଟି ବର୍ତମାନ ବିବାହ ଯୋଗ୍ୟ ହୋଇଯାଇଛି । ତାପରେ କନ୍ୟାଟିର ଆଉ କେଶ କଟା ଯାଇପାରିବ ନାହିଁ ।