ଥାଇଲ୍ୟାଣ୍ଡ ଯୁବତୀଙ୍କୁ ଓଡିଶା ଛାଡିବା ପାଇଁ ଡେଡଲାଇନ ଦେଲା ପୋଲିସ ! ଭୟଭୀତ ହୋଇ ନିର୍ଧାରିତ ସମୟ ପୂର୍ବରୁ ଫେରିଗଲେ ଯୁବତୀ ।
କନକ ବ୍ୟୁରୋ : ଦେଶରୁ ବିଦା ହେଲେ ବିଦେଶିନୀ । କମିଶନରେଟ୍ ପୋଲିସର ନାଲି ଆଖି ଆଗରେ ବାଧ୍ୟ ହୋଇ ପେଡି ପୁଟୁଳା ବାନ୍ଧି ଭାରତ ଛାଡ଼ିଛନ୍ତି ଥାଇଲାଣ୍ଡର ୮ ଯୁବତୀ । ଭୁବନେଶ୍ୱରର ଏକ ସ୍ପା ସେଣ୍ଟରରୁ ଉଦ୍ଧାର ହୋଇଥିବା ଏହି ଯୁବତୀଙ୍କ ନାଁରେ ଅଭିଯୋଗ ହୋଇଛି ଯେ, ଏମାନେ ଟୁରିଷ୍ଟ ଭିସାରେ ଆସି ଓଡ଼ିଶାରେ କାମ କରନ୍ତି । ତେବେ ନିର୍ଦ୍ଧାରିତ ସମୟ ପୂର୍ବରୁ ଦେଶ ନଛାଡ଼ିଲେ କାର୍ଯ୍ୟାନୁଷ୍ଠାନର ଆଶଙ୍କା ଥିବାରୁ ଆଜି ସ୍ୱଦେଶ ଫେରିଯାଇଛନ୍ତି ବିଦେଶିନୀ ।
Kanak News is now on WhatsApp
Join and get latest news updates delivered to you via WhatsApp
ଓଡିଶାକୁ ବିଦେଶ ସହ ଯୋଡିବା ପାଇଁ ଆରମ୍ଭ ହୋଇଥିବା ବିଜୁ ପଟ୍ଟନାୟକ ବିମାନ ବନ୍ଦରରୁ ଆଜି ବିଦା ହୋଇଛନ୍ତି ବିଦେଶିନୀ । କମିଶନରେଟ ପୋଲିସ ଆଜି ତାର ଶକ୍ତି ଦେଖାଇ ଏହି ବିଦେଶୀ ଯୁବତୀଙ୍କୁ ଭାରତ ଛାଡିବା ପାଇଁ ସଂଧ୍ୟା ୮ଟା ପର୍ଯ୍ୟନ୍ତ ସମୟ ଦେଇଥିଲା । ଆଉ କୁହାଯାଇଥିଲା ନିର୍ଦ୍ଧାରିତ ସମୟ ପୂର୍ବରୁ ଭୁବନେଶ୍ୱର ନଛାଡିଲେ ପୋଲିସ ପଦକ୍ଷେପ ନେବ । ଆଉ ଏପଟେ ଭୁବନେଶ୍ୱରରେ ଯିଏ ଯେଉଁଠି ଥାଇଲାଣ୍ଡର ଯୁବତୀ ଥିଲେ ସେମାନେ ଭୟଭୀତ ହୋଇ ପେଡି ପୁଟୁଳା ବାନ୍ଧି ବିମାନବନ୍ଦର ଦୌଡିଥିଲେ ।
ଏବେ ଜାଣନ୍ତୁ କଣ ଅଭିଯୋଗ ଥିଲା ଏହି ବିଦେଶୀ ଯୁବତୀଙ୍କ ବିରୋଧରେ । ଥାଇଲାଣ୍ଡରୁ ଆସିଥିବା ଏହି ଯୁବତୀ ମାନେ ଭୁବନେଶ୍ୱରର ବିଭିନ୍ନ ମସାଜ ପାର୍ଲରରେ କାମ କରନ୍ତି । ଏବଂ ତାଙ୍କ ଦୋଷ ହେଉଛି ସେମାନେ ଟୁରିଷ୍ଟ ଭିସାରେ ଆସି ଏଠାରେ କିଛି ମାସ ରହି କାମ କରନ୍ତି । ଗତ ୧୯ ତାରିଖରେ ରାଜଧାନୀର ଏକ ମସାଜ ସେଂଟର ଉପରେ ରେଡ୍ କରି କମିଶନରେଟ ପୁଲିସ ଏମାନଙ୍କୁ ଅଟକ ରଖିଥିଲା । ଏମାନଙ୍କୁ ଗିରଫ କରାଯିବା ପରେ ଭୁବନେଶ୍ୱରର ସୁଧାର ଗୃହରେ ରଖାଯାଇଥିଲା । ଏବଂ ଆଜି ସୁଦ୍ଧା ଭାରତ ଛାଡିବା ପାଇଁ ଡେଡଲାଇନ ଦିଆଯାଇଥିଲା ।