ବାରମୂଳା ସେନା କ୍ୟାମ୍ପରେ ଆକ୍ରମଣ : ପାଲଟା ଆକ୍ରମଣରେ ୨ଆତଙ୍କବାଦୀ ନିହତ, ଜଣେ ଯବାନ ସହିଦ
କନକ ବ୍ୟୁରୋ : ଜମ୍ମୁ ଓ କଶ୍ମୀରର ବାରମୂଳା ରାଷ୍ଟ୍ରୀୟ ରାଇଫଲ୍ସ ସେନା କ୍ୟାମ୍ପକୁ ଟାର୍ଗେଟ କରିଛନ୍ତି ଆତଙ୍କବାଦୀ । ରବିବାର ରାତି ପ୍ରାୟ ସାଢେ ୧୦ଟା ବେଳେ ୪୬ରାଷ୍ଟ୍ରୀୟ ରାଇଫଲ୍ସ କ୍ୟାମ୍ପରେ ଆତଙ୍କବାଦୀ ଆକ୍ରମଣ କରି ବିଫଳ ହୋଇଛନ୍ତି । ଆତଙ୍କବାଦୀଙ୍କୁ କଡା ଜବାବ ଦେଇଛନ୍ତି ଭାରତୀୟ ସେନା। ଯବାନଙ୍କ ପ୍ରତି ଆକ୍ରମଣରେ ଦୁଇ ଜଣ ଆତଙ୍କବାଦୀ ନିହତ ହେବା ସହ ଜଣେ ଯବାନ ସହିଦ ହୋଇଛନ୍ତି । ଏହାସହ ଚାରି ଜଣ ଯବାନ ଆହତ ହୋଇଛନ୍ତି । ଦୁଇ ଜଣ ଆତଙ୍କବାଦୀ ପ୍ରଥମେ ଗ୍ରେନେଡ ମାଡ କରିଥିଲେ ।ଏବଂ ପରେ ଗୁଳିମାଡ ଆରମ୍ଭ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ସେନାକ୍ୟାମ୍ପକୁ ଲାଗିରହିଥିବା ଏକ ପାର୍କ ଜରିଆରେ ଆତଙ୍କୀମାନେ କ୍ୟାମ୍ପ ଭିତରକୁ ପ୍ରବେଶ କରିବା ପାଇଁ ଚେଷ୍ଟା କରିଥିଲେ ମଧ୍ୟ ଯବାନଙ୍କ ପାଲଟା ଆକ୍ରମଣ ଯୋଗୁଁ କ୍ୟାମ୍ପ ଭିତରେ ପ୍ରବେଶ କରିପାରିନାହାନ୍ତି । ସ୍ଥାନୀୟ ଅଂଚଳରେ ଏବେବି ସର୍ଚ୍ଚ ଅପରେସନ ଜାରି ରହିଛି । ବାରମୂଳା ଆତଙ୍କୀ ଘଟଣା ଉପରେ ନଜର ରଖିଛନ୍ତି ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ଅଜିତ ଦୋଭାଲ । ଏହାସହ ବିଏସଏଫ ଡିଜି କେ.କେ.ଶର୍ମା ଆକ୍ରମଣ ସମ୍ପର୍କରେ ଗୃହମନ୍ତ୍ରୀ ରାଜନାଥ ସିଂହଙ୍କୁ ଅବଗତ କରାଇଛନ୍ତି । ଘଟଣାକୁ ନେଇ ଗୃହମନ୍ତ୍ରୀ ରାଜନାଥ ସିଂହଙ୍କ ସହ ଅଜିତ ଦୋଭାଲ ଆଲୋଚନା କରିଛନ୍ତି ।