ପୁଲୱାମାରେ ପୁଣି ଆତଙ୍କବାଦୀ ଆକ୍ରମଣ । ପୁଲୱାମାର ପୋଲିସ ଥାନା ଉପରେ ଗ୍ରେନେଡ ଆକ୍ରମଣ ହୋଇଥିବା ବେଳେ ଏଥିରେ ୮ ଜଣ ସାଧାରଣ ଲୋକ ଗୁରୁତର ଭାବେ ଆହତ ହୋଇଛନ୍ତି । ଆଉ ଏହି ଘଟଣା ପରେ ପୂରା ଅଞ୍ଚଳକୁ ସିଲ୍ କରାଯାଇଛି ।
Kanak News is now on WhatsApp
Join and get latest news updates delivered to you via WhatsApp
ମିଳିଥିବା ସୂଚନା ଅନୁଯାୟୀ, ଆତଙ୍କବାଦୀ ମାନେ ପୁଲୱାମା ପୋଲିସ ଥାନା ଉପରେ ଗ୍ରେନେଡ ଆକ୍ରମଣ କରିଥିଲେ ମଧ୍ୟ ଏହା ଥାନା ବାହାରେ ବିସ୍ଫୋରଣ ହୋଇଥିଲା । ଯେଉଁଥିରେ ୮ ଜଣ ସାଧାରଣ ନାଗରିକ ଗୁରୁତର ଭାବେ ଆହତ ହୋଇଛନ୍ତି । ଯେଉଁମାନଙ୍କୁ ହସ୍ପିଟାଲରେ ଭର୍ତ୍ତି କରାଯାଇଛି ।
ଗତ କିଛି ଦିନ ହେବ ଜମ୍ମୁ-କାଶ୍ମୀରରେ ଲଗାତାର ଭାବେ ଆତଙ୍କବାଦୀ ଆକ୍ରମଣ ହେଉଛି । ଏପରିକି ଗତକାଲି ପୁଲୱାମାରେ ହୋଇଥିବା ଆଇଡି ବିସ୍ଫୋରଣରେ ଦୁଇ ଜଣ ଯବାନ ମଧ୍ୟ ଶହୀଦ ହୋଇଛନ୍ତି । ସେହିଭଳି ମଙ୍ଗଳବାର ଅନନ୍ତନାଗରେ ଆତଙ୍କବାଦୀଙ୍କ ସହ ଗୁଳି ବିନିମୟରେ ଦୁଇ ଜଣ ଆତଙ୍କବାଦୀ ନିହତ ହୋଇଥିବା ବେଳେ ଜଣେ ଯବାନ ମଧ୍ୟ ଶହୀଦ ହୋଇଛନ୍ତି ।
ଏହାପୂର୍ବରୁ ପୁଲୱାମାରେ ଆଇଡି ବିସ୍ପୋରଣ ହୋଇପାରେ ବୋଲି ସୂଚନା ମଧ୍ୟ ମିଳିଥିଲା । ୪୪ ରାଷ୍ଟ୍ରୀୟ ରାଇଫଲ୍ ସେନା ଗାଡି ଉପରେ ସେତେବେଳେ ଆକ୍ରମଣ କରାଯାଇଥିଲା ଯେତେବେଳେ ଯବାନ ମାନେ ଗାଡିରେ ଆରିଆଲ ଅଞ୍ଚଳରେ ପେଟ୍ରୋଲିଂ କରୁଥିଲେ । ଏହି ଗାଡି ବୁଲେଟପ୍ରୁଫ୍ ଥିଲେ ମଧ୍ୟ ବିସ୍ଫୋରଣରେ ୯ ଜଣ ଯବାନ ଆହତ ହୋଇଥିଲେ । ଆଉ ଆହତ ଯବାନଙ୍କ ମଧ୍ୟରୁ ଆଜି ସକାଳେ ଦୁଇ ଜଣ ଶହୀଦ ହୋଇଥିଲେ ।