କନକ ବ୍ୟୁରୋ: ଜମ୍ମୁ-କଶ୍ମୀରର ପୁଲଓ୍ଵାମାଠାରେ ପୁଣି ଏକ ଆତଙ୍କବାଦୀ ଆକ୍ରମଣ ଘଟିଛି। ପୁଲଓ୍ଵାମାସ୍ଥିତ ଭାରତୀୟ ଷ୍ଟେଟ୍ ବ୍ୟାଙ୍କ୍ ନିକଟରେ କିଛି ଆତଙ୍କବାଦୀ ସିଆରପିଏଫ୍ ଯବାନଙ୍କର ଏକ ଦଳ ଉପରକୁ ଗ୍ରେନେଡ୍ ମାଡ଼ କରିଥିବା ସୂଚନା ରହିଛି । ଏହି ଗ୍ରେନେଡ୍ ଆକ୍ରମଣରେ ଜଣେ ଯବାନ ଆହତ ହୋଇଛନ୍ତି। ଷ୍ଟେଟ୍ ବ୍ୟାଙ୍କକୁ ଯବାନମାନେ ଜଗିଥିବା ବେଳେ ଏହି ଆକ୍ରମଣ ଘଟିଛି।
Kanak News is now on WhatsApp
Join and get latest news updates delivered to you via WhatsApp
Jammu & Kashmir: Terrorists lobbed grenade near SBI branch in Pulwama, today. No casualties/injuries reported. pic.twitter.com/IsUSy1Lemt
— ANI (@ANI) March 30, 2019
ସେପଟେ ଆଜି ସକାଳୁ ଜମ୍ମୁ-କଶ୍ମୀରର ବନିହାଲ୍ ଜିଲ୍ଲାର ରାଜପଥରେ ଏକ କାର୍ ବିସ୍ଫୋରଣ ହୋଇଥିଲା । ବିସ୍ଫୋରଣରେ ସିଆରପିଏଫର ଉକ୍ତ ଗାଡ଼ିଟ ସାମାନ୍ୟ ପ୍ରଭାବିତ ହୋଇଥିଲା । ସକାଳ ପ୍ରାୟ ୧୦.୩୦ ସମୟରେ ଏହି ଦୁର୍ଘଟଣା ଘଟିଥିଲା । ଗାଡ଼ି ଭିତରେ ଥିବା ଗ୍ୟାସ୍ ସିଲିଣ୍ଡର ହେତୁ ଏହି ବିସ୍ଫୋରଣ ହୋଇଥିବା ଜାଣିବାକୁ ମିଳିଥିଲା। ଏହି ଦୁର୍ଘଟଣାରେ ଜଣେ ସିଆରିଏଫ୍ ଯବାନ ଆହତ ହୋଇଥିବାବେଳେ କେହି ମୃତାହତ ହୋଇ ନାହାନ୍ତି ବୋଲି ସୂଚନା ମିଳିଛି ।
ଅନ୍ୟପଟେ ଗତ ଫେବୃୟାରୀ ୧୪ ତାରିଖରେ ଘଟିଥିବା ପୁଲୱାମା ଆତଙ୍କୀ ହମଲାରରେ ୪୦ ଯବାନ ସହିଦ ହେବା ଘଟଣା ଦେଶବାସୀଙ୍କ ମନରୁ ନଲିଭୁଣୁ କିଛି ଦିନ ଅନ୍ତରରେ ସୀମାରେ ଆତଙ୍କବାଦୀମାନେ ପୁଣି ଆକ୍ରମଣ କରିବାରେ ଲାଗିଛନ୍ତି।