ଆମେରିକାରେ ଆତଙ୍କୀ ହମଲା ! ତୀବ୍ର ହେଲା ପାକିସ୍ତାନ ବିରୋଧୀ ସ୍ୱର
କନକ ବ୍ୟୁରୋ : ଚବିଶ ଘଂଟା ଭିତରେ ଆମେରିକାରେ ଦୁଇଟି ବଡ ଆତଙ୍କବାଦୀ ଆକ୍ରମଣ । ଆମେରିକାର ନିଦ ହଜାଇ ଦେଇଛି, ଦୋହଲାଇ ଦେଇଛି ଆମେରିକା ସୁରକ୍ଷା ବ୍ୟବସ୍ଥା । ୯/୧୧ ଆତଙ୍କବାଦୀ ଆକ୍ରମଣ ପରେ ଗତକାଲି ଆତଙ୍କି ହମଲାରେ ଆଠଜଣ ପ୍ରାଣ ହରାଇଥିଲେ ।ଡେନବର ଉପନଗରୀସ୍ଥିତ ଏକ ଓ୍ଵାଲମାର୍ଟ ଷ୍ଟୋରରେ ଗୁଳିକାଣ୍ଡ । ଆତାତୟୀଙ୍କ ଗୁଳିରେ ତିନିଜଣ ମୃତ୍ୟୁବରଣ କରିଥିବା ବେଳେ ଏକାଧିକ ଆହତ ହୋଇଛନ୍ତି । କଲରାଡୋ ଅନ୍ତର୍ଗତ ଥର୍ଣ୍ଣଟନ ପୋଲିସ ପୀଡ଼ିତମାନଙ୍କର ସଂଖ୍ୟା ପ୍ରକାଶ କରିନାହିଁ କି, ଆକ୍ରମଣକାରୀଙ୍କୁ ହାଜତକୁ ନିଆଯାଇଛି କି, ନାହିଁ ସେ କଥା ମଧ୍ୟ ସ୍ପଷ୍ଟ କରିନାହିଁ। ଆହତଙ୍କ ସୁରକ୍ଷାକୁ ପ୍ରାଥମିକତା ଦେଇଛି ଆମେରିକା ପୋଲିସ ।
Kanak News is now on WhatsApp
Join and get latest news updates delivered to you via WhatsApp
ଗତକାଲି ନ୍ୟୁୟର୍କର ଲୋୟର ମେନହଟନର ୱାଲଡ ଟ୍ରେଡ ସେଂଟର ମୋମୋରିଆଲ ନିକଟରେ ଏକ ଟ୍ରକ ଲୋକଙ୍କ ଉପରେ ଚଢିଯାଇଥିଲା । ଏଥିରେ ପ୍ରାୟ ୮ ଜଣ ପ୍ରାଣ ହରାଇଥିବାବେଳେ ଅନେକ ଆହତ ହୋଇଥିଲେ । ଆକ୍ରମଣ ପରେ ସନ୍ଦିଗ୍ଧ ଆତଙ୍କବାଦୀ ଫେରାର ପାଇଁ ଉଦ୍ୟମ କରୁଥିବା ସମୟରେ ପୋଲିସ ଗିରଫ କରିଥିଲା । ଦୁଇ ଦିନ ଭିତରେ ଦୁଇଟି ଆକ୍ରମଣ ଲୋକଙ୍କ ଚିନ୍ତା ବଢାଇଦେଇଛି ।ଟ୍ରକ ଚଢାଇ ଆଠ ଜଣଙ୍କୁ ମାରିଥିବା ଅଭିଯୁକ୍ତ ଉକ୍ସବେକିସ୍ତାନ ନାଗରିକ ବୋଲି ରାଷ୍ଟ୍ରପତି ଡୋନାଲଡ ଟ୍ରମ୍ଫ କହିଛନ୍ତି । ଆତଙ୍କି ହମଲା କରିଥିବା ସଏଫୁଲୋ ସାଇପଭ ସମ୍ପର୍କରେ ଅନେକ ଚାଂଚଲ୍ୟକର ତଥ୍ୟ ମିଳିଛି । ହମଲା ପରେ ସାଇପଭ ଡାକ୍ତରଖାନାର ନିଜ ରୁମରେ ଆଇଏସଆଇଏସ ପତାକା ଝୁଲାଇଥିଲା । ବସକୁ ଧକ୍କା ଦେଇ ଦୁଇ ହାତରେ ଦୁଇଟି ବନ୍ଧୁକ ଧରି ଓହ୍ଳାଇବା ସମୟରେ ତା ପେଟରେ ଦୁଇଟା ଗୁଲି ବାଜିଥିଲା । ସେତେବେଳେ ଆରବି ଭାଷାରେ କହିଥିଲା, ‘ଆଲ୍ଲା ମହାନ’ । ମାରିବା ପରେ ଖୁସିଥିଲା ସାଇପଭ ।
ସରକାରୀ ଓଳିଲଙ୍କ କହିବାନୁସାରେ, ଆତଙ୍କୀ ହମଲା କରିବା ପାଇଁ ବର୍ଷେ ପୂର୍ବରୁ ଯୋଜନା କରିଥିଲା ଅଭିଯୁକ୍ତ । ତା ମୋବାଇଲରେ ଥିବା ୯୦ ଭିଡିଓ ଓ ୩୮୦୦ ଫଟୋ ଭିତରୁ ଅଧିକ ସର୍ବାଧିକ ଆଇଏସଆଇଏସ ସମ୍ବନ୍ଧୀୟ । ଏଫବିଆଇର ତଦନ୍ତକାରୀ ଅଧିକାରୀ ଅମ୍ବର ଟାଇରି କହିଛନ୍ତି, ସେ ଆଇଏସଆଇଏସର ଭିଡିଓ ଦେଖି ପ୍ରଭାବିତ ହେବା ସହ ଟ୍ରକ ମଡାଇମାରିବାକୁ ଦୁଇ ମାସ ଆଗରୁ ଯୋଜନା କରିଥିଲା । ସେ ଇଂଟରନେଟରୁ ବିଭିନ୍ନ ତଥ୍ୟଖୋଜିବା ସହ ଅକ୍ଟୋବର ୨୨ରେ ଗୋଟିଏ ଟ୍ରକ ଭଡାରେ ନେଇଥିଲା ।ସେପଟେ ଆତଙ୍କୀ ହମଲା ପରେ ଆମେରିକା ନେତା ଅଧିକ ପ୍ରତିକ୍ରିୟାଶୀଳ ହୋଇଛନ୍ତି । ପାକିସ୍ତାନ ଆତଙ୍କବାଦୀଙ୍କ ଚରାଭୂଇଁ ପାଲଟିଛି । ପାକିସ୍ତାନରୁ ଆମେରିକା ଆସିବାକୁ ଚାହୁଁଥିବା ଲୋକମାନ ସୁଧୁରିବା ଦରକାର ବୋଲି ସେ କହିଛନ୍ତି ।
ସେହିପରି ଗତକାଲି ଆତଙ୍କ ହମଲା ରଚିଥିବା ଆଇଏସଆଇଏସ ପ୍ରଭାବିତ ଭଜବେକ ନାଗରିକର ଗ୍ରୀନ କାର୍ଡ ଲଟେରୀ ଉଚ୍ଛେଦ କରାଯିବ ବୋଲି କହିଛନ୍ତି ରଷ୍ଟ୍ରପତି ଟ୍ରମ୍ଫ । କଂଗ୍ରେସ ମ।।ନ ପିଟର କିଂଗ କହିଛନ୍ତି ସବୁଠୁ ଅଧିକ ଆତଙ୍କବାଦୀ ଥିବା ଦେଶରୁ ଆସୁଥିବା ନାଗରିକ ମାନଙ୍କର ଅଧିକ ତଦନ୍ତ ହେବା ଦରକାର ଯେପରି କୌଣସି ଅଘଟଣ ଭବିଷ୍ୟତରେ ନଘଟେ । ସେପଟେ ପାକିସ୍ତାନକୁ କଡା ଚେତାବନୀ ଦେଇଛନ୍ତି ପିଟର କିଙ୍ଗ ।