ଖଣ୍ଡଗିରିରେ ଟଙ୍କା ଦେବାକୁ ବିରୋଧ କରିବାରୁ ଯୁବକଙ୍କ ଉପରେ କିନ୍ନରଙ୍କ ସଂଘବଦ୍ଧ ଆକ୍ରମଣ: କିନ୍ନରଙ୍କ ସ୍କୁଟିରେ ନିଆଁ ଲଗାଇଦେଲେ ଉତ୍ୟକ୍ତ ଲୋକେ
କନକ ବ୍ୟୁରୋ: ଯୁବକଙ୍କ ଉପରେ କିନ୍ନରଙ୍କ ସଂଘବଦ୍ଧ ଆକ୍ରମଣ । ଏଭଳି ଏକ ଅଭାବନୀୟ ଘଟଣା ଘଟିଛି ଭୁବନେଶ୍ୱର ଖଣ୍ଡଗିରି ଛକରେ । ଅଭିଯୋଗ ଅନୁସାରେ, ଜଣେ ଯୁବକଙ୍କ ଠାରୁ କିଛି କିନ୍ନର ଜୋର ଜବରଦସ୍ତ ଟଙ୍କା ଛଡାଇ ନେବାରୁ ପାଟିତୁଣ୍ଡ ହୋଇଥିଲା । ଝଗଡ଼ା ପରବର୍ତୀ ସମୟରେ ଉଗ୍ରରୂପ ନେଇଥିଲା । ସଂଘବଦ୍ଧ ହୋଇ କିନ୍ନରମାନେ ଯୁବକଙ୍କୁ ମାରପିଟ୍ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ଘଟଣାକୁ ନେଇ ସ୍ଥାନୀୟ ଅଂଚଳରେ ଉତେଜନା ପ୍ରକାଶ ପାଇଥିବା ବେଳେ କିନ୍ନରଙ୍କ ଗୋଟିଏ ସ୍କୁଟିରେ ନିଆଁ ଲଗାଇ ଦେଇଥିଲେ । ଏହି ଘଟଣାରେ ଆହତ ଯୁବକଙ୍କୁ ନିକଟସ୍ଥ ଡାକ୍ତରଖାନରେ ଭର୍ତି କରାଯାଇଛି । ଏନେଇ ଖବର ପାଇବା ପରେ ଘଟଣାସ୍ଥଳରେ ଖଣ୍ଡଗିରି ଥାନା ପୁଲିସ ପହଂଚି ସ୍ଥିତିକୁ ନିୟନ୍ତ୍ରଣ କରିଥିଲା । ଏହି ଘଟଣାରେ ୪ କିନ୍ନରଙ୍କୁ ଅଟକ ରଖି ପଚରାଉଚୁରା କରୁଛି ପୁଲିସ ।
ସୂଚନାଯୋଗ୍ୟ କିଛି ମାସ ତଳେ ଖଣ୍ଡଗିରି ଅଞ୍ଚଳରେ କିନ୍ନରମାନେ ଜଣେ ସାଧୁଙ୍କୁ ନିସ୍ତୁକ ମାଡ଼ ମାରିଥିଲେ। ଏ ନେଇ ଖଣ୍ଡଗିରି ଥାନରେ ସାଧୁ ଜଣକ ଅଭିଯୋଗ କରିଥିଲେ। ଖଣ୍ଡଗିରି ଅଞ୍ଚଳରେ କିନ୍ନରଙ୍କ ଉତ୍ପାତ ଦିନକୁ ଦିନ ବଢୁଥିବାରୁ ବୁଦ୍ଧିଜୀବୀ ମହଲରେ ତୀବ୍ର ଅସନ୍ତୋଷ ପ୍ରକାଶ ପାଇଛି।