ଭୁବନେଶ୍ୱର ଏମ୍ସରେ ରୋଗୀ ମୃତ୍ୟୁକୁ ନେଇ ଉତ୍ତେଜନା ! ରୋଗୀଙ୍କ ସମ୍ପର୍କୀୟଙ୍କୁ ଡାକ୍ତର ମାଡ ମାରିଥିବା ଅଭିଯୋଗ, ଥାନାରେ ଏତଲା
କନକ ବ୍ୟୁରୋ: ଭୁବନେଶ୍ୱର ଏମ୍ସରେ ଉତ୍ତେଜନା । ରୋଗୀ ମୃତ୍ୟୁକୁ ନେଇ ଏମ୍ସରେ ଉତ୍ତେଜନା ଦେଖାଦେଇଛି । ରୋଗୀଙ୍କ ସମ୍ପର୍କୀୟଙ୍କ ସହ ମୁହାଁମୁହିଁ ହୋଇଛନ୍ତି ଡାକ୍ତର । ରୋଗୀଙ୍କ ସମ୍ପର୍କୀୟଙ୍କୁ ଡାକ୍ତର ମାଡ ମାରିଥିବା ଅଭିଯୋଗ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ନିଃଶ୍ୱାସ ପ୍ରଶ୍ୱାସରେ ସମସ୍ୟା ନେଇ ରାତି ପ୍ରାୟ ୨ଟାରେ ଏମ୍ସର ଏମର୍ଜେନ୍ସି ୱାର୍ଡରେ ଆଡମିସନ୍ ନେଇଥିଲେ ଭୁବନେଶ୍ୱର ଛୋଟରାୟପୁର ଅଂଚଳରେ ଜଣେ ରୋଗୀ । ତେବେ ଅକସିଜେନ୍ ନମିଳିବାରୁ ରୋଗୀଙ୍କ ସମ୍ପର୍କୀୟ, ନାଇଟ୍ ଡ୍ୟୁଟିରେ ଥିବା କର୍ମଚାରୀଙ୍କୁ ପଚାରିଥିଲେ । ତେବେ ଉପସ୍ଥିତ ଥିବା ଡାକ୍ତର ଚେୟାର ଉଠାଇ ତାଙ୍କୁ ମାଡ ମାରିଥିବା ରୋଗୀଙ୍କ ପୁଅ ଅଭିଯୋଗ କରିଛନ୍ତି ।
ଏ ନେଇ ସେ ଖଣ୍ଡଗିରି ଥାନାରେ ଏତଲା ଦେବା ପରେ ଘଟଣାସ୍ଥଳରେ ପୋଲିସ ପହଂଚି ତଦନ୍ତ ଜାରି ରଖିଛି । ଚିକିତ୍ସା ଅବହେଳାରୁ ରୋଗୀଙ୍କ ମୃତ୍ୟୁ ହୋଇଥିବା ଅଭିଯୋଗ କରି ୨୦ ଲକ୍ଷ ଟଙ୍କା କ୍ଷତିପୂରଣ ଦାବି କରିଛନ୍ତି ସମ୍ପର୍କୀୟ । ଉତେଜନାକୁ ଦୃଷ୍ଟିରେ ରଖି ୧ ପ୍ଲାଟନ୍ ପୋଲିସ ମୁତୟନ କରାଯାଇଛି ।