ଆତଙ୍କବାଦୀଙ୍କ ପୁଣି ଏକ ବର୍ବରତା ! ୧୦ ବର୍ଷର ନାବାଳିକାକୁ କଲେ ମାନବ ବୋମା
ନାଇଜେରିଆରେ ଆତଙ୍କବାଦୀଙ୍କ ବର୍ବରତାର ଅନ୍ୟ ଏକ ଜଘନ୍ୟ ଘଟଣା ସାମ୍ନାକୁ ଆସିଛି । ନୂଆବର୍ଷର ପୂର୍ବ ଦିନ ନାଇଜେରିଆର ଉତ୍ତର-ପୂର୍ବ ସହର ମୈଦୁଗୁରିରେ ଆତଙ୍କବାଦ ପକ୍ଷରୁ ଆତ୍ମଘାତୀ ବିସ୍ଫୋରଣ କରାଯାଇଥିଲା । ଯଦିଓ ଏହି ବିସ୍ଫୋରଣ ବେଶି କେହି ମୃତାହତ ହୋଇ ନଥିଲେ । ବର୍ତ୍ତମାନ ଏହି ଘଟଣାକୁ ନେଇ ଏକ ଚାଂଚଲ୍ୟକର ତଥ୍ୟ ପଦାକୁ ଆସିଛି । ଯାହାକୁ ଶୁଣିଲେ ଆପଣ ହତଚକିତ ହୋଇଯିବେ ।
Kanak News is now on WhatsApp
Join and get latest news updates delivered to you via WhatsApp
ତେବେ, ନାଇଜେରିଆର ମୈଦୁଗୁରିଠାରେ ହୋଇଥିବା ବିସ୍ଫୋରଣରେ ଆତଙ୍କିମାନେ ଜଣେ ୧୦ ବର୍ଷର ନାବାଳିକାକୁ ମାନବବୋମା ରୂପେ ବ୍ୟବହାର କରିଥିବାର ସୂଚନା ମିଳିଛି । ପ୍ରତ୍ୟକ୍ଷଦର୍ଶୀଙ୍କ କହିବା ମୁତାବକ, ଦୁର୍ଘଟଣା ଦିନ ପାଖାପାଖି ୧୦ ବର୍ଷର ଜଣେ ନାବାଳିକା ଲୋକମାନେ କିଣାକିଣି କରୁଥିବା ଭିଡ ମଧ୍ୟରେ ପ୍ରବେଶ କରିଥିଲା ଆଉ ପରେ ପରେ ସେ ନିଜକୁ ଉଡେଇ ଦେଇଥିଲା ।
ଯଦିଓ, ଏହି ବିସ୍ଫୋରଣକୁ ନେଇ କୌଣସି ଆତଙ୍କବାଦୀ ସଂଗଠନ ନିଜକୁ ଦାୟୀ କରିନାହିଁ । ତଥାପି ଏହି ବିସ୍ଫୋରଣ ପଛରେ ବୋକୋ ହରମ ନାମକ ଏକ ଆତଙ୍କବାଦ ସଂଗଠନର ହାତଥିବା ସନ୍ଦେହ କରାଯାଇଛି । କାରଣ ଏହି ସଂଗଠନ ମହିଳ । ଓ ଶିଶୁମାନଙ୍କୁ ବିଭିନ୍ନ ବିସ୍ଫୋରଣରେ ବ୍ୟବହାର କରିଥାଏ ।