ପରୀକ୍ଷା ପାଇଁ ଚମତ୍କାରୀ ପେନ ! ଶତପ୍ରତିଶତ କୃତକାର୍ଯ୍ୟ ହେବାରେ କରିବ ସାହାଯ୍ୟ
ପରୀକ୍ଷା ପାଖେଇ ଆସିଲେ ସବୁ ଛାତ୍ରଛାତ୍ରୀ ଭଲ ନମ୍ବର ଆଣିବାପାଇଁ ଚେଷ୍ଟା ଆରମ୍ଭ କରନ୍ତି । ପରିଶ୍ରମ କରୁଥିବା ଛାତ୍ର ତ ପରୀକ୍ଷା ଭଲ କରନ୍ତି କିନ୍ତୁ ଏପରି ଅନେକ ଛାତ୍ରଛାତ୍ରୀ ଥାଆନ୍ତି ଯେଉଁମାନେ ଭଲରେ ପଢାପଢି ନକରି ପାସ ହେବା ପାଇଁ ଚାହାନ୍ତି । ଏମିତ ଛାତ୍ରଙ୍କ ମନରେ ଅନେକ ଥର ଭାବନା ଆସେ କି କୌଣସି ଯାଦୁର ପେନ ମିଳିଯାଆନ୍ତା କି ଆମେ ପରୀକ୍ଷାରେ ଖୁବ ସହଜରେ ପାସ କରିଯାଆନ୍ତୁ । ଏମିତି ଛାତ୍ରଛାତ୍ରୀ ମାନଙ୍କୁ ପାସ କରିବା ପାଇଁ ଗୁଜୁରାଟର ପଞ୍ଚମହଲ ଜିଲ୍ଲାର ଏକ ମନ୍ଦିରରୁ ଏକ ଅଜବ ଦାବି ହେଉଛି ।
Kanak News is now on WhatsApp
Join and get latest news updates delivered to you via WhatsApp
ଏହି ମନ୍ଦିର ତରଫରୁ ଏକ ଚମତ୍କାରୀ ପେନର ବିଜ୍ଞାପନ କରାଯାଉଛି ଯାହା ଛାତ୍ରଛାତ୍ରୀଙ୍କୁ ପରୀକ୍ଷାରେ ସଫଳତା ଦେବାରେ ସାହାଯ୍ୟ କରିବ । ଗୁଜୁରାଟୀ ଭାଷାରେ ଛପା ହୋଇଥିବା ବିଜ୍ଞାପନରେ ମନ୍ଦିରର ଜଣେ ହନୁମାନ ସେବକ ଦାବି କରିଛନ୍ତି ହନୁମାନ ଓ ସରସ୍ୱତୀଙ୍କର ଯଜ୍ଞ ପରେ ଏହି ପେନରେ ଅଲୌକିକ କ୍ଷମତା ଆସି ଯାଇଛି । ଏହି ଅଲୌକିକ କ୍ଷମତାଧାରୀ ପେନର ମୂଲ୍ୟ ରହିଛି ୧୯୦୦ ଟଙ୍କା ।
ଏହା ସହ ବିଜ୍ଞାପନରେ ଲେଖା ହୋଇଛି ଯଦି ଏହି ପେନରେ ଲେଖି ମଧ୍ୟ କେହି ପରୀକ୍ଷାରେ ଅସଫଳ ହେଉଛନ୍ତି ତେବେ ତାଙ୍କୁ ପୁରା ଟଙ୍କା ଫେରସ୍ତ କରାଯିବ । ଏହା ସହ ଏହି ପେନ କିଣିବା ପାଇଁ ଇଚ୍ଛୁକ ଥିବା ଗ୍ରାହକଙ୍କୁ କିଛି ବିଶେଷ ସୂଚନା ଦେବାକୁ ପଡିବ ଯେଉଁଠି ମୋବାଇଲ ନମ୍ବର,ପରୀକ୍ଷା ରସିଦ ଏବଂ ହଲ ଟିକେଟର ଫଟୋକପି ଓ ସ୍କୁଲ କିମ୍ବା କଲେଜର ପରିଚୟପତ୍ର ଦେବାକୁ ପଡିବ । ଏବେ ଏହି ଅଦ୍ଭୁତ ପେନକୁ ନେଇ ସୋସିଆଲ ମିଡିଆରେ ବିଭିନ୍ନ ତର୍କ ବିତର୍କ ଆରମ୍ଭ ଯୋଇଯାଇଛି ।