ଘୋର ବିପଦରେ ଦୁନିଆର ଏକ ଚତୁର୍ଥାଂଶ ଲୋକ : ସାବଧାନ ନହେଲେ ଯାଇପାରେ ଜୀବନ
ଆଜିକାଲିର ବ୍ୟସ୍ତବହୁଳ ଜୀବନରେ ଲୋକମାନେ ଅଧିକ ଶାରୀରିକ ପରିଶ୍ରମ କରିବା ପାଇଁ ପସନ୍ଦ କରୁନାହାନ୍ତି । କାରଣ ଛୋଟରୁ ବଡ଼ କାମ ସବୁ ମୋବାଇଲରେ ହୋଇଯାଉଛି । କିଛି କରିବା ପାଇଁ ଆଉ ଆଗ ପରି ଧାଁଧପଡ଼ କରିବା ପାଇଁ ପଡ଼ୁନାହିଁ । ମାତ୍ର ଗୋଟିଏ କ୍ଲିକରେ ସବୁକିଛି ସମ୍ଭବ ହୋଇପାରୁଛି । ଆଉ ଏଥିପାଇଁ ଲୋକାଙ୍କୁ ଅଧିକ ପରିଶ୍ରମ କରିବା ପାଇଁ ପଡ଼ୁନାହିଁ । ଆଉ ଧୀରେ ଧୀରେ ଲୋକମାନେ ଅଳସୁଆ ହୋଇଯାଉଛନ୍ତି । ତେବେ ଆପଣ ବି ଯଦି ଏପରି ହୋଇ ଯାଇଛନ୍ତି, ତେବେ ଆପଣଙ୍କ ପାଇଁ ଖବର ଶୁଭ ନୁହେଁ । ବର୍ତ୍ତମାନର ଆରାମଦାୟକ ଜୀବନ କିଛି ଦିନ ପରେ ଭୟଙ୍କର ସମସ୍ୟା ସୃଷ୍ଟି କରିବ । ଏବେ ବସି ରହିବା ପାଇଁ ଆମେ ପସନ୍ଦ କରୁଛନ୍ତି, କିନ୍ତୁ କିଛି ବର୍ଷ ପରେ ଏହି ଆରାମଦାୟକ ଜୀବନ ଜୀବନ ବି ନେଇଯାଇପାରେ । ଗତ ବୁଧବାର ଦିନ ବିଶ୍ୱ ସ୍ୱାସ୍ଥ୍ୟ ସଂଗଠନର ରିପୋର୍ଟ ଅନୁସାରେ ଦୁନିଆର ଏକ ଚତୁର୍ଥାଂଶ ଜନସଂଖ୍ୟା ସୁସ୍ଥ ରହିବା ପାଇଁ ଆବଶ୍ୟକ ଅନୁଯାୟୀ ଶାରୀରିକ ପରିଶ୍ରମ କରନ୍ତି ନାହିଁ । ଯେଉଁଥିପାଇଁ ହୃଦୟ ସମ୍ମନ୍ଧିତ, ଡାଇବେଟିସ୍, କ୍ୟାନସର ପରି ବିଭିନ୍ନ ପ୍ରକାର ଭୟଙ୍କର ରୋଗର ହେବାର ସମ୍ଭାବନା ରହିଛି । ଅନ୍ତର୍ଜାତୀୟ ମେଡ଼ିକାଲ ଜର୍ଣ୍ଣାଲରେ ପ୍ରକାଶିତ ଅଧ୍ୟୟନ ଅନୁସାରେ ପୁରା ଦୁନିଆରେ ୧.୪ ଆରବ ଲୋକଙ୍କ ଜୀବନ ଘୋର ବିପଦରେ ଅଛି । ଦୁନିଆରେ ପ୍ରତି ୩ ଜଣରେ ଜଣେ ମହିଳା ଓ ପ୍ରତି ୪ ଜଣରେ ଜଣେ ପୁରୁଷ ଏହି ସମସ୍ୟାର ଶିକାର ହେଉଛନ୍ତି । ୨୦୦୧ରୁ ଏଥିରେ କୌଣସି ସୁଧାର ଆସିନାହିଁ । ଭାରତରେ ୨୫ ପ୍ରତିଶତ ପୁରୁଷ ଓ ୫୦ ପ୍ରତିଶତ ମହିଳା ମଧ୍ୟ ଏହି ଶ୍ରେଣୀ ଅନ୍ତର୍ଭୁକ୍ତ ।
Kanak News is now on WhatsApp
Join and get latest news updates delivered to you via WhatsApp
ମଣିଷ ଜୀବନରେ ଜ୍ଞାନକୌଶଳର ପ୍ରଭାବ ଏତେ ଅଧିକ ମାତ୍ରାରେ ଅଛି ଯେ ସକାଳୁ ଉଠିବା ଠାରୁ ଆରମ୍ଭ କରି ରାତିରେ ଶୋଇବା ପର୍ଯ୍ୟନ୍ତ ସବୁବେଳେ ମୋବାଇଲ, କମ୍ପ୍ୟୁଟରରେ ବିତୁଛି । ଏପରି ହେବା ଦ୍ୱାରା ଲୋକେ ଅଧିକ ଅଳସୁଆ ହୋଇଯାଉଛି । ଇଂଟରନେଟ୍ କ୍ରାନ୍ତି ପରେ ଉଦ୍ୟୋଗିତ କ୍ଷେତ୍ରରେ କମ୍ପ୍ୟୁଟରରେ ବ୍ୟବହାର ମଣିଷ ମସ୍ତିସ୍କକୁ ମଧ୍ୟ ନିଷ୍କ୍ରିୟ ହୋଇଯାଉଛି ।
ଗରିବ ଦେଶ ତୁଳନାରେ ବ୍ରିଟେନ୍ ଓ ଆମେରିକା ପରି ଦେଶରେ ୩୭ ପ୍ରତଶିତ ଲୋକ ପର୍ଯ୍ୟାପ୍ତ ଶାରୀରିକ ପରିଶ୍ରମ କରନ୍ତି । ମଧ୍ୟମ ଧରଣର ଆୟ କରୁଥିବା ଦେଶ ଗୁଡ଼ିକରେ ଏହା ୨୬ ପ୍ରତିଶତ ରହିଛି । ମିଶ୍ର ଆୟ କରୁଥିବା ଦେଶରେ ଏହାର ରହିଛି ୧୬ ପ୍ରତିଶତ । ଗରିବ ଦେଶରେ ଲୋକମାନେ ନିଜର ଜୀବିକା ନିର୍ବାହ ପାଇଁ ଅଧିକ କାମ କରନ୍ତି । ତେଣୁ ଉକ୍ତ ଦେଶ ଗୁଡ଼ିକରେ ଏପରି ସମସ୍ୟା କମ୍ ଦେଖିବା ପାଇଁ ମିଳୁଛି । ତେବେ ସୂଚନା ଅନୁସାରେ ସମସ୍ତ ଦେଶରେ ପୁରୁଷଙ୍କ ତୁଳନାରେ ମହିଳାମାନେ ଅଧିକ ନିଷ୍କ୍ରିୟ ଅଟନ୍ତି ।