ଐତିହାସିକ ବିଜୟ ପରେ ପଡିଆରେ ନାଚିଲା ଟିମ୍ ଇଣ୍ଡିଆ ! ଦେଖନ୍ତୁ ଭିଡିଓ ।
୭୨ ବର୍ଷର ଲମ୍ବା ଅପେକ୍ଷାକୁ ଶେଷ କରିବା ସହ ଭାରତୀୟ କ୍ରିକେଟ୍ ଟିମ୍ ଅଷ୍ଟ୍ରେଲିଆ ପଡିଆରେ ପ୍ରଥମ ଥର ପାଇଁ ଟେଷ୍ଟ ସିରିଜ ଜିତି କ୍ରିକେଟ୍ ଇତିହାସରେ ସ୍ୱର୍ଣ୍ଣିମ ଅଧ୍ୟାୟ ଯୋଡିଛି । ସିଡନୀ କ୍ରିକେଟ୍ ଗ୍ରାଉଣ୍ଡରେ ଭାରତ-ଅଷ୍ଟ୍ରେଲିଆ ମଧ୍ୟରେ ଖେଳାଯାଇଥିବା ଚତୁର୍ଥ ତଥା ଅନ୍ତିମ ଟେଷ୍ଟରେ ବର୍ଷା ବାଧକ ସାଜିବାରୁ ମ୍ୟାଚଟି ଡ୍ର ହୋଇଥିଲା । ଆଉ ଏହା ୨-୧ରେ ସିରିଜ ଜିତିନେଇଛି ବିରାଟ ବାହିନୀ ।
Kanak News is now on WhatsApp
Join and get latest news updates delivered to you via WhatsApp
ଅଷ୍ଟ୍ରେଲିଆ ମାଟିରେ ଐତିହାସିକ ବିଜୟ ପରେ ଟିମ୍ ଇଣ୍ଡିଆର ଅଧିନାୟକ ବିରାଟ କୋହଲି ନିଜ ଖେଳାଳୀମାନଙ୍କୁ ଦମଦାର ଡାନ୍ସ କରାଇଥିଲେ । କ୍ରିକେଟ୍ ଅଷ୍ଟ୍ରେଲିଆର ଅଫିସିଆଲ୍ ୱେବସାଇଟ୍ cricket.com.au ପକ୍ଷରୁ ଟିମ୍ ଇଣ୍ଡିଆର ଏହି ବିଜୟ ପରେ ସେମାନଙ୍କର ଡାନ୍ସ ଭିଡିଓ ସେୟାର କରିଛନ୍ତି । ଯେଉଁଥିରେ ଦେଖିବାକୁ ମିଳିଛି କିଛି ନିଆରା ଅନ୍ଦାଜରେ ବିରାଟ କୋହଲି ସାଥୀ ଖେଳାଳୀଙ୍କ ସମେତ ଡାନ୍ସ କରୁଛନ୍ତି ।
ଦୀର୍ଘ ୭୦ ବର୍ଷର ଭାରତ-ଅଷ୍ଟେ୍ଲିିଆ କ୍ରିକେଟ ସଂପର୍କରେ ଭାରତ ପ୍ରଥମ ଥର ପାଇଁ ଟେଷ୍ଟ ଶୃଙ୍ଖଳା ଜିତିବାର ରେକର୍ଡ କରିଛି । ବର୍ଷା ବାଧିତ ସିଡନୀ ଟେଷ୍ଟ ମ୍ୟାଚକୁ ଅମୀମାଂସିତ ଘୋଷଣା କରିବା ପରେ ଐତିହାସିକ ବିଜୟର ସ୍ୱାଦ ଚାଖିଛି କୋହଲି ବାହିନୀ । ଭାରତ- ଅଷ୍ଟ୍ରେଲିଆ ମଧ୍ୟରେ ୪ ମ୍ୟାଚ ବିଶିଷ୍ଟ ଟେଷ୍ଟ ସିରଜରେ ପୂର୍ବରୁ ଭାରତ ୨-୧ରେ ସିରିଜ ଅଗ୍ରଣୀ ଥିଲା । ସିଡନୀରେ ଚତୁର୍ଥ ତଥା ଅନ୍ତିମ ମ୍ୟାଚ ଖେଳାଯାଇଥିଲା ।
Cheteshwar Pujara: can bat, can’t dance? 🤣🤣
Celebrations have well and truly begun for Team India! #AUSvIND pic.twitter.com/XUWwWPSNun
— cricket.com.au (@cricketcomau) January 7, 2019
ଭାରତ ପ୍ରଥମେ ବ୍ୟାଟିଂ କରି କଙ୍ଗାରୁ ଦଳ ଆଗରେ ୬୨୨ରନର ବିଶାଳ ସ୍କୋର ରଖିଥିଲା । ଚେତେଶ୍ୱର ପୂଜାରଙ୍କ ଚମକ୍ରାର ୧୯୩ ରନ, ମୟଙ୍କ ଅଗ୍ରୱାଲଙ୍କ ଦମଦାର ୭୭ ରନ ବଳରେ ୬୨୨ ରନର ସ୍କୋର କରିପାରିଥିଲା ଭାରତ । ଏହାପରେ ଘରୋଇ ଦଳ ଭାରତୀୟ ବୋଲରଙ୍କୁ ମୁକାବିଲା କରିନପାରି ମାତ୍ର ୩ ଶହ ରନରେ ଅଲଆଉଟ ହୋଇ ଫଲୋଅନ ହୋଇଥିଲେ । କୁଲଦୀପ ଯାଦବ ୫ ୱିକେଟ ନେଇ କଙ୍ଗାରୁ ଦଳର ବ୍ୟାଟିଂ ମେରୁଦଣ୍ଡ ଭାଙ୍ଗି ଦେଇଥିଲେ । କାଲି ପୁଣି କଙ୍ଗାରୁ ଦଳ ବ୍ୟାଟିଂ ଆରମ୍ଭ କରି ମାତ୍ର ୪ ଓଭର ଖେଳି ୬ ରନ କରିଥିଲା । ଏହାପରେ ଖରାପ ପାଗ ଯୋଗୁଁ ଖେଳ ବନ୍ଦ କରିଥିଲେ ଅମ୍ପାୟାର । ଫଳରେ ଭାରତ ୩୧୬ରନରେ ଆଗୁଆ ରହିଥିଲା । ଆଜି ବର୍ଷା ଯୋଗୁଁ ଖେଳକୁ ଅମୀମାଂସିତ ଘୋଷଣା କରାଯାଇଛି । ଆଉ ଭାରତ କଙ୍ଗାରୁ ଗଡରେ କଙ୍ଗାରୁ ଦଳକୁ ହରାଇବାର ଗୌରବ ଅର୍ଜନ କରିଛି ।