ଶିକ୍ଷକ ଆନ୍ଦୋଳନ ସ୍ଥଗିତ । ଦାବି ପୂରଣ ନେଇ ସରକାରଙ୍କ ପ୍ରତିଶ୍ରୁତି ପରେ ନଭେମ୍ବର ୩୦ ପର୍ଯ୍ୟନ୍ତ ଆନ୍ଦୋଳନ ସ୍ଥଗିତ ରଖିଲା ମିଳିତ ମଞ୍ଚ ।
କନକ ବ୍ୟୁରୋ: ସ୍ଥଗିତ ହେଲା ଶିକ୍ଷକଙ୍କ ଆନ୍ଦୋଳନ । ଶିକ୍ଷକ ଓ ଅଧ୍ୟାପକ ମିଳିତ ମଞ୍ଚ ସରକାରଙ୍କ ସହ ଆଲୋଚନା ପରେ ଶିକ୍ଷକ ଆନ୍ଦୋଳନ ସ୍ଥଗିତ । ଦାବି ପୂରଣ ପ୍ରତିଶ୍ରୁତି ମିଳିବା ପରେ ଆନ୍ଦୋଳନ ସ୍ଥଗିତ କଲେ ଶିକ୍ଷକ ମିଳିତ ମଞ୍ଚ । ନଭେମ୍ବର ୩୦ ତାରିଖ ପର୍ଯ୍ୟନ୍ତ ସରକାରଙ୍କୁ ମହଲତ ଦେଲା ମିଳିତ ମଞ୍ଚ । ତେବେ ଭୁବନେଶ୍ୱର ଲୋୟର ପିଏମଜିରେ ୫୯ ଦିନ ଧରି ଆନ୍ଦୋଳନ ଚଳାଇଥିଲେ ମିଳିତ ଶିକ୍ଷକ ସଂଘ ।
Kanak News is now on WhatsApp
Join and get latest news updates delivered to you via WhatsApp
ଅନ୍ୟପଟେ ଶିକ୍ଷକଙ୍କ ୪୬ ଦିନର ଦରମା ଦେବାକୁ ସରକାର ରାଜି ହେବାରୁ ଆନ୍ଦୋଳନକୁ ସାମୟିକ ଭାବେ ସ୍ଥଗିତ କରିବାକୁ ନିଷ୍ପତି ନେଇଛି ସଂଘ । ସେହିପରି କଲେଜ ଅଧ୍ୟାପକଙ୍କ ୩୦ ଦିନର ବକେୟା ଦରମା ଦିଆଯିବ ବୋଲି ସୂଚନା ମିଳିଛି । ଏହି ସବୁ ଦାବିକୁ ନେଇ ସରକାରଙ୍କ ଠାରୁ ପ୍ରତିଶ୍ରୁତି ମିଳିବା ପରେ ୬୬୨ ବର୍ଗର ଅଧ୍ୟାପକ ଓ ୪୮୮ ବର୍ଗର ବ୍ଲକ ଗ୍ରାଣ୍ଟ ଶିକ୍ଷକ ଓ ଅଧ୍ୟାପକ ମାନେ ଆନ୍ଦୋଳନକୁ ସାମୟିକ ସ୍ଥଗିତ ରଖିଛନ୍ତି ।
ପୂର୍ଣ୍ଣ ଓ ପ୍ରତ୍ୟକ୍ଷ ଅନୁଦାନ ଚାକିରି ସର୍ତ୍ତାବଳୀ, ଓ ସପ୍ତମ ବେତନ କମିସନ ସୁପାରିଶ ଭିତ୍ତିରେ ଦରମା ପ୍ରଦାନ ଆଦି ଦାବିରେ ବ୍ଳକ୍ ଗ୍ରାଣ୍ଟ ଅଧ୍ୟାପକ ଓ ଶିକ୍ଷକମାନେ ଆନ୍ଦୋଳନ ଚଳାଇଥିଲେ । ଆଜି ଏନେଇ ଦୀର୍ଘ ୫୯ ଦିନ ପରେ ସରକାରଙ୍କ ଠାରୁ ଦାବି ବିଷୟରେ ପ୍ରତିଶ୍ରୁତି ମିଳିବାରୁ ଆନ୍ଦୋଳନକୁ ନଭେମ୍ବର ୩୦ ତାରିଖ ପର୍ଯ୍ୟନ୍ତ ସ୍ଥଗିତ ରଖିବାକୁ ଶିକ୍ଷକ ଓ ଅଧ୍ୟାପକ ମିଳିତ ମଞ୍ଚ ତରଫରୁ ନିଷ୍ପତି ହୋଇଛି ।