କନକ ବ୍ୟୁରୋ : ଆସନ୍ତା ମାର୍ଚ୍ଚ ୯ ତାରିଖ ପର୍ଯ୍ୟନ୍ତ ଆନ୍ଦୋଳନକୁ ସ୍ଥଗିତ ରଖିଛି ଓଡିଶା ଶିକ୍ଷକ ଅଧ୍ୟାପକ କର୍ମଚାରୀ ମିଳିତ ମଂଚ । ସରକାରଙ୍କ ସହ ଆଲୋଚନା ପରେ ଷ୍ଟଅରିଂ କମିଟି ବୈଠକ ପରେ ଏହି ନିଷ୍ପତି ନେଇଛି ମିଳିତ ମଂଚ । ରବିବାର ସତ୍ୱେ ସଚିବାଳୟରେ ଦୁଇ ମନ୍ତ୍ରୀଙ୍କ ଉପସ୍ଥିତିରେ ବିଭାଗୀୟ ସଚିବଙ୍କ ସହ ଶିକ୍ଷକ ସଂଘର ଆଲୋଚନା ହୋଇଛି । ସରକାର ଶିକ୍ଷକଙ୍କ ଦାବି ବାବଦରେ ସମ୍ବେଦନଶୀଳ ଅଛନ୍ତି । ବିଜେପୁର ଉପ-ନିର୍ବାଚନ ଲାଗି ଆଚରଣବିଧି ଲାଗୁ ହୋଇଥିବାରୁ ନିଷ୍ପତି ନିଆଯାଇ ପାରୁନି । ଏନେଇ ସରକାର ୯ ତାରିଖ ପର୍ଯ୍ୟନ୍ତ ସମୟ ମାଗିଛନ୍ତି ବୋଲି ମିଳିତ ମଂଚ ପକ୍ଷରୁ ସୂଚନା ଦିଆଯାଇଛି ।
Kanak News is now on WhatsApp
Join and get latest news updates delivered to you via WhatsApp
ସରକାରଙ୍କ ସକାରାତ୍ମକ ଆଭିମୁଖ୍ୟ ଏବଂ ଛାତ୍ରଛାତ୍ରୀଙ୍କ ପରୀକ୍ଷାକୁ ଦୃଷ୍ଟିରେ ରଖି ଏହି ଆନ୍ଦୋଳନକୁ ସ୍ଥଗିତ ରଖାଯାଇଛି ବୋଲି ମିଳିତ ମଂଚ ପକ୍ଷରୁ ଆବାହକ ସୂଚନା ଦେଇଛନ୍ତି । ତେବେ ସରକାର ଏହି ସମୟରେ ଉଚିତ ପଦକ୍ଷେପ ନନେଲେ ଆଗାମୀ ଦିନରେ ପୁଣି ଆନ୍ଦୋଳନକୁ ଓହ୍ଲାଇବା ସହ ଖାତା ମୂଲ୍ୟାୟନଙ୍କୁ ବର୍ଜନ କରିବେ ବୋଲି ମଧ୍ୟ ମଂଚ ଚେତାବନୀ ଦେଇଛି ।