ସରିଲା ଟାଟା ଷ୍ଟିଲ ଲିଟେରାରି ମିଟ୍ ୨୦୧୯ : ଶେଷ ଦିନରେ ସାହିତ୍ୟ ଏବଂ ସାମ୍ବାଦିକତାର ସମ୍ପର୍କ ନେଇ ବିଶେଷ ଆଲୋଚନା
ମତ ରଖିଲେ ଲେଖକ ରସ୍କିନ ବଣ୍ଡ ଓ ସମ୍ବାଦ ସମ୍ପାଦକ ସୌମ୍ୟରଂଜନ
କନକ ବ୍ୟୁରୋ: ଟାଟା ଷ୍ଟିଲ ଲିଟେରାରି ମିଟ୍ ୨୦୧୯ର ଶେଷ ଦିନରେ ସାହିତ୍ୟ ଏବଂ ସାମ୍ବାଦିକତାର ସମ୍ପର୍କ ନେଇ ଏକ ବିଶେଷ ଆଲୋଚନା ଅନୁଷ୍ଠିତ ହୋଇଥିଲା । ଏଥିରେ ଭାଗ ନେଇ ବିଶିଷ୍ଟ ଲେଖକ ରସ୍କିନ ବଣ୍ଡ ସାହିତ୍ୟ ଓ ସମ୍ବାଦିକତା ମଧ୍ୟରେ ଥିବା ସମ୍ପର୍କ ନେଇ ଆଲୋଚନା କରିଥିଲେ । ବଣ୍ଡ କହିଥିଲେ, ଭଲ ଲେଖକ ପାଇଁ ଭାଷା ଉପରେ ଯଥେଷ୍ଟ ଜ୍ଞାନ ରହିବା ଆବଶ୍ୟକ କିନ୍ତୁ ସାମ୍ବାଦିକ ପାଇଁ ଯଥେଷ୍ଟ ଅନୁଭୂତି ଏବଂ ସବୁ ଘଟଣାକୁ ଜାଣିବାର ଆଗ୍ରହ ରହିବା ଆବଶ୍ୟକ ।
Kanak News is now on WhatsApp
Join and get latest news updates delivered to you via WhatsApp
ସାହିତ୍ୟ କ୍ଷେତ୍ରରେ ସେ ପ୍ରତିଷ୍ଠା ଲାଭ କରିଥିଲେ ବି ତାଙ୍କର ଖବର ପ୍ରତି ଦୁର୍ବଳତା ରହିଥିବା ରସ୍କିନ ବଣ୍ଡ କହିଛନ୍ତି । ସାମ୍ବାଦିକତା କେବେ ହେଲେ ସାହିତ୍ୟକୁ ଛାଡି ତିଷ୍ଠି ପାରିବ ନାହିଁ ବୋଲି କହିଛନ୍ତି ଆଲୋଚନାର ଅନ୍ୟତମ ଅତିଥି ସାଂସଦ ତଥା ସମ୍ବାଦ ସମ୍ପାଦକ ସୌମ୍ୟରଂଜନ ପଟ୍ଟନାୟକ । ସାହିତ୍ୟ ଓ ସମ୍ବାଦ ପତ୍ର ଅଙ୍ଗାଅଙ୍ଗି ଜଡିତ ଏବଂ ଲେଖକ ସେମାନଙ୍କ ସାହିତ୍ୟ ମାଧ୍ୟମରେ ସାମାଜିକ ସଂସ୍କାର ଆଣି ପାରିବେ ବୋଲି କହିଛନ୍ତି ସୌମ୍ୟରଂଜନ । ଏହି ଆଲୋଚନାର ପରିଚାଳନା କରିଥିଲେ ସୁକନ୍ୟା ଦାସ ।