ବର୍ତ୍ତମାନ ରାଜନୀତି କ୍ଷେତ୍ରରେ ନେତାଙ୍କର ଭିନ୍ନ ଭିନ୍ନ ରୂପ ଦେଖିବାକୁ ମିଳୁଛି । ବିଚିତ୍ର ପ୍ରକାର ବେଶପୋଷାକରେ ନେତାମାନେ ଏବେ ଖୁବ୍ ଚର୍ଚ୍ଚାରେ ରହିଛନ୍ତି । ଏଇ କିଛି ଦିନ ତଳେ ବିହାରର ଆରଜେଡି ନେତା ତେଜ୍ ପ୍ରତାପଙ୍କୁ ଧରି ନିଅନ୍ତୁ । ନିଜର ଭିନ୍ନ ରୂପକୁ ନେଇ ସେ ଖୁବ୍ ଚର୍ଚ୍ଚାରେ ଥିଲେ । କେତେବେଳେ କୃଷ୍ଣ ତ ଆଉ କେତେବେଳେ ଶିବଙ୍କ ରୂପ ନେଇ ସେ ଚର୍ଚ୍ଚା ସାଉଁଟିଥିଲେ । କିନ୍ତୁ ଏ ଦିଗରେ ତେଜ୍ ପ୍ରତାପଙ୍କୁ ପଛରେ ପକାଇ ଦେଇଛନ୍ତି ଆଉ ଜଣେ ନେତା । ସେ ହେଉଛନ୍ତି ଟିଡିପି ସାଂସଦ ଏନ୍.ଶିବପ୍ରସାଦ୍ ।
Kanak News is now on WhatsApp
Join and get latest news updates delivered to you via WhatsApp
ସାଂସଦ ଶିବପ୍ରସାଦଙ୍କ କହିବାନୁସାରେ ପ୍ରତିଦିନ ନୂଆ ନୂଆ ରୂପ ନେଇ ସଂସଦ ଭବନ ଆସିବା ପଛରେ ଏକ ଉଦ୍ଦେଶ୍ୟ ରହିଛି । ତାଙ୍କ ମତରେ ସେ ଆନ୍ଧ୍ରପ୍ରଦେଶର ଏଭଳି ଏକ ବର୍ଗକୁ ପ୍ରତିନିଧିତ୍ୱ କରୁଛନ୍ତି ଯେଉଁଠି କାହାଣୀ ଜରିଆରେ ତଥ୍ୟକୁ ଉପସ୍ଥାପନ କରାଯାଏ । ତେଣୁ ସେ ଚିରାଚରିତ ଢଙ୍ଗ ଅନୁସାରେ ନିଜ କଥା ସଂସଦ ଗୃହରେ ଉପସ୍ଥାପନ କରିବାକୁ ଏଭଳି ବେଶ ନେଇ ଆସିବା କଥା କହନ୍ତି ।
ମାର୍ଚ୍ଚ ମାସରେ ଟିଡିପି ସରକାର ଏନଡିଏରୁ ନିଜ ସମର୍ଥନ ଫେରାଇ ଆଣିବାରୁ ଏନ୍.ଶିବପ୍ରସାଦ୍ ଧିବର ବେଶ ଧାରଣ କରି କହିଥିଲେ, “ ମୋଦୀ ସାର୍ ସଂସଦରେ ଦେଖା ଯାଆନ୍ତି ନାହିଁ,ବିଦେଶ ବୁଲନ୍ତି,ଜନତାଙ୍କୁ କ’ଣ ଆବଶ୍ୟକ ତାହା ଉପରେ ଧ୍ୟାନ ଦିଅନ୍ତି ନାହି,ତେଣୁ ମୁଁ ତାଙ୍କୁ ମୋ ଜାଲରେ ଧରିବାକୁ ଚାହେଁ ।
ସେ କୃଷ୍ଣ,ଧିବର,ମହିଳା,ସ୍କୁଲ୍ ପିଲା,ରାଜା ହରିଶ୍ଚନ୍ଦ୍ର,ନାରଦ,ଶିବ,ବାଜାବାଲା ଆଦି ଆହୁରି ଅନେକ ବେଶ ଧରି ସଂସଦ ଗୃହରେ ପହଞ୍ôଚଥାନ୍ତି । ନିକଟରେ ସେ ସାଇବାବାଙ୍କ ବେଶରେ ଦେଖାଯାଇଥିଲେ । ସେ ନିଜର ଭିନ୍ନ ପ୍ରତିବାଦ ପାଇଁ ସଂସଦ ସମେତ ଗଣମାଧ୍ୟମ,ସୋସିଆଲ୍ ମିଡିଆ ଆଦି ଅନେକ କ୍ଷେତ୍ରରେ ଚର୍ଚ୍ଚାର ବିଷୟ ପାଲଟିଛନ୍ତି ।