ସାଧାରଣ ଜୀବନଶୈଳୀରେ ଫଳର ରସ ଶରୀର ପାଇଁ ବହୁତ ଉପକାରୀ । କିନ୍ତୁ ଏମିତି କିଛି ଫଳର ରସ ରହିଛି ତାହା ଶରୀର ପାଇଁ କ୍ଷତିକାରକ ଅଟେ । ବିଶେଷଜ୍ଞଙ୍କ ମତାନୁସାରେ ଏମିତି କିଛି ଫଳ ରସ ରହିଛି ଯାହା ଆମ ଶରୀର ପାଇଁ ହାନିକାରକ ମଧ୍ୟ ହୋଇପାରେ । ଫଳ ରସ ଏବଂ ଥଣ୍ଡାପାନୀୟରେ ଚିନିର ପରିମାଣ ସମାନ ଭାବରେ ରହିଥାଏ ।
Kanak News is now on WhatsApp
Join and get latest news updates delivered to you via WhatsApp
ଆମେ ଯଦି ତିନି ସପ୍ତାହ ପର୍ଯ୍ୟନ୍ତ ଲଗାତର ଭାବରେ ଫଳ ରସକୁ ପାନୀୟ ଭାବରେ ବ୍ୟବହାର କରିବା ତେବେ ଆମେ ମଧୁମେୟ ରୋଗର ଶିକାର ହେବା ସହିତ ମୋଟା ମଧ୍ୟ ହେଇଯାଇଥାଉ । ତେଣୁ ଆମେ ଫଳ ରସ ବ୍ୟବହାର କରିବା ପୂର୍ବରୁ କୋଉ ଫଳ ରସ ଆମ ପାଇଁ ହାନିକାରକ ହେବ ନାହିଁ, ତା’ ଉପରେ ନଜର ରଖିବା ବହୁତ ଜରୁରୀ ଅଟେ । ଏବେ ନଜର ପକାଇବା କୋଉ ଫଳ ରସ ଆମ ଶରୀର ପାଇଁ କ୍ଷତିକାରକ ହୋଇଥାଏ ।
ପ୍ରଥମେ ହେଲା କମଳାକୁ କେବଳ ଫଳ ଭାବରେ ବ୍ୟବହାର କରିବା ଉଚିତ୍, ଏହା ଶରୀର ପାଇଁ ଅତ୍ୟନ୍ତ ଲାଭଦାୟକ ସାବ୍ୟସ୍ତ ହୋଇଥାଏ । କମଳାର ରସ ଆମେ ବାହାର କରିଦେବା ପରେ ଏହାର ଫାଇବର ନଷ୍ଟ ହୋଇଯାଇଥାଏ, ଏବଂ ସେଥିରେ ରହିଥିବା ବଳକା ଫ୍ରପେଟଜ୍ ଶରୀରରେ ମଧୁମେୟ ରୋଗ ହେବାର ଭୟ ରହିଥାଏ ।
ଆଉ ଗୋଟିଏ ଫଳ ହେଲା ଡାଳିମ୍ବ । ଯଦି ଆମକୁ କୈାଣସି ରୋଗର ଶିକର ହୋଇଛେ ତେବେ,ଡାଳିମ୍ବର ରସ ଆମ ପାଇଁ କ୍ଷତିକାରକ ସାବ୍ୟସ୍ତ ହୋଇଥାଏ । ଡାଳିମ୍ବର ରସ ପିଇସାରିଲା ପରେ ଯଦି ଆମେ ସାଙ୍ଗେସାଙ୍ଗେ ଔଷଧ ଖାଇବା ତେବେ ଏହା ଆମ ଶରୀରରେ ଠିକ୍ ଭାବରେ କାମ କରିବ ନାହିଁ ।
ଆଖୁ ରସ ମଧ୍ୟ ଶରୀର ପାଇଁ ଠିକ୍ ନୁହଁ । ସାଧାରଣତଃ ଆଖୁ ରସ ବହୁତ ମିଠା, ଏହା ବହୁତ ମିଠା ହୋଇଥିବାରୁ ଆମେ ଯଦି ଏହାକୁ ସବୁଦିନ ପିଇବା ତେବେ ରକ୍ତରେ ଚିନିର ପରିମାଣ ବଢିଯାଇଥାଏ । ଯଦି ରକ୍ତରେ ଚିନିର ପରିମାଣ ବଢିଯିବ, ତେବେ ଆମେ ମୋଟା ହେବା ସହିତ ମଧୁମେୟରେ ମଧ୍ୟ ଆକ୍ରାନ୍ତ ହେବାର ଭୟ ରହିଥାଏ ।