ସ୍ୱାଇନ୍ ଫ୍ଲୁରେ ଆଉ ଜଣେ ମୃତ ! ଏସସିବିରେ ମୃତ୍ୟୁ ସଂଖ୍ୟା ୧୭ରେ ପହଞ୍ଚିଲା
କନକ ବ୍ୟୁରୋ : ସ୍ୱାଇନ୍ ଫ୍ଲୁରେ ଆଉ ଜଣଙ୍କ ମୃତ୍ୟୁବରଣ କରିଛନ୍ତି । ଶ୍ରୀରାମ ଚନ୍ଦ୍ର ଭଞ୍ଜ ମେଡିକାଲ କଲେଜ ଓ ହସ୍ପିଟାଲ(ଏସସିବି) ରେ ଆଜି ଆଉ ଜଣଙ୍କର ଡେଙ୍ଗୁରେ ମୃତ୍ୟୁ ହୋଇଛି । ଏହାକୁ ମିଶାଇ ଏସ୍ସିବିରେ ମୃତ୍ୟୁ ସଂଖ୍ୟା ୧୭ରେ ପହଞ୍ଚିଛି । ମିଳିଥିବା ସୂଚନା ଅନୁସାରେ ମୃତକ ପୁରୀ ଜିଲ୍ଲା କାକଟପୁର ଅଞ୍ଚଳର ପୂର୍ଣ୍ଣଚନ୍ଦ୍ର ବେହେରା ବୋଲି ଜଣାପଡ଼ିଛି ।
Kanak News is now on WhatsApp
Join and get latest news updates delivered to you via WhatsApp
ତେବେ ସ୍ୱାଇନ୍ ଫ୍ଲୁ ମୃତ୍ୟୁ ସଂଖ୍ୟା ଦେଖିଲେ ଲାଗୁଛି ରାଜ୍ୟ ସରକାରଙ୍କ ସଚେତନତା ଆଶାତୀତ ପ୍ରଭାବ ପକାଇ ପାରି ନାହିଁ । ସ୍ୱାସ୍ଥ୍ୟ ବିଭାଗ ପକ୍ଷରୁ ରାଜ୍ୟର ବିଭିନ୍ନ ଗଣମାଧ୍ୟମରେ ସ୍ୱାଇନ୍ ଫ୍ଲୁ ପାଇଁ ସଚେତନତା ବିଜ୍ଞାପନ ଦିଆଯାଉଛି । ସୂଚନା ଅନୁସାରେ ସ୍ୱାସ୍ଥ୍ୟ ବିଭାଗ ପକ୍ଷରୁ ୧୪ଟି ଓଡ଼ିଆ ଖବରକାଗଜ ଓ ୪ଟି ଇଂରାଜୀ ଖବରକାଗଜରେ ସ୍ୱାଇନ୍ ଫ୍ଲୁ ସଚେତନତା ବିଜ୍ଞାପନ ଦିଆଯାଇଛି । କିନ୍ତୁ ସେପରି କିଛି ସୁଫଳ ମିଳିପାରି ନାହିିଁ । ଏହାସହ ବିଭିନ୍ନ ଜିଲ୍ଲାରେ ସ୍ୱାସ୍ଥ୍ୟ ବିଭାଗ ପକ୍ଷରୁ ଆଇସି କାର୍ଯ୍ୟକ୍ରମ ଚାଲୁଛି । ମାତ୍ର ଏତେସବୁ ସଚେତନତା ସତ୍ତ୍ୱେ ସ୍ୱାଇନ୍ ଫ୍ଲୁ କମିବା ନାଁ ନେଉନାହିଁ ।
ଏବେ ନଜର ପକାନ୍ତୁ କେମିତି ସ୍ୱାଇନ ଫ୍ଲୁକୁ ଚିହ୍ନଟ କରିହେବ । ଏନେଇ କିଛି ନିର୍ଦ୍ଦିଷ୍ଟ ଲକ୍ଷ୍ୟଣ ରହିଛି ।
• ଜ୍ୱର,କାଶ ଓ ଛିଙ୍କ ଲାଗି ରହିବା
• ନାକ ଜାମ୍ ହେବା
• ନିଶ୍ୱାସ ପ୍ରଶ୍ୱାସରେ ଅସୁବିଧା
• ମୁଣ୍ଡବିନ୍ଧା ଓ ଶରୀର ବିନ୍ଧା
• ସ୍ଥଳ ବିଶେଷରେ ବାନ୍ତି ଓ ରକ୍ତ ବାନ୍ତି ହେବା