ସାଂସଦ ସାଧ୍ୱୀ ପ୍ରଜ୍ଞାଙ୍କୁ ମିଳିଲା ପାଉଡର୍ ଲଗା ଅଜ୍ଞାତ ଚିଠି : ଚିଠିରେ ମୋଦି-ଶାହ-ଡୋଭାଲଙ୍କ ଫଟୋରେ ପଡିଛି ଛକିି ଚିହ୍ନ , ପୋଲିସର ଜାଞ୍ଚ୍ ଆରମ୍ଭ
ଭୋପାଳରେ ଭାରତୀୟ ଜନତା ପାର୍ଟି (ବିଜେପି) ର ସାଂସଦ ସାଧ୍ୱୀ ପ୍ରଜ୍ଞା ସିଂହ ଠାକୁରଙ୍କୁ ଜଣେ ସଂନ୍ଦିଗ୍ଧଙ୍କ ଚିଠି ମିଳିଛି । ଯେଉଁଥିରେ ଉର୍ଦ୍ଦୁ ଭାଷାରେ ଲେଖାହୋଇଛି । ଏହି ଚିଠିରେ ପାଉଡର ମଧ୍ୟ ମିଳିଛି । ଫରେନ୍ସିକ୍ ଟିମ୍ ସାଧ୍ୱୀ ପ୍ରଜ୍ଞାଙ୍କ ବାସଭବନରେ ଉପସ୍ଥିତ ରହି ଏହି ଘଟଣାର ଜାଞ୍ଚ୍ କରୁଛି । ପାଉଡର୍ ସହିତ ଉର୍ଦ୍ଦୁରେ ଯେଉଁ ଚିଠି ଲେଖାହୋଇଛି ସେଥିରେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି , ଗୃହମନ୍ତ୍ରୀ ଅମିତ୍ ଶାହ , ରାଷ୍ଟ୍ରୀୟ ସୁରକ୍ଷା ପରାମର୍ଶଦାତା ଅଜିତ୍ ଡୋଭାଲ୍ ଏବଂ ପ୍ରଜ୍ଞା ଠାକୁରଙ୍କ ଫଟୋରେ କ୍ରସ୍ ଚିହ୍ନ ହୋଇଛି । ସାଧ୍ୱୀ ପ୍ରଜ୍ଞାଙ୍କ ଜଣେ ଷ୍ଟାଫ୍ ଏହି ପତ୍ରକୁ ଦେଖିବା କ୍ଷଣି ପୋଲିସକୁ ସୂଚନା ଦେଇଥିଲେ । ଯାହାପରେ ସାଂସଦଙ୍କ ଘରେ ପୋଲିସ୍ ଅଧିକାରୀ ପହଁଚି ଯାଇଥିଲେ । ପୋଲିସ୍ ଚିଠିକୁ ଜାଞ୍ଚ୍ କରିବା ପାଇଁ ଏଫଏସଏଲ୍ ଟିମ୍ କୁ ହସ୍ତାନ୍ତର କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହି ଅଜଣା ଚିଠି ମିଳିବା ସାଂସଦ ସାଧ୍ୱୀ ପ୍ରଜ୍ଞା ସିଂହ ଠାକୁର କହିଛନ୍ତି ଏହା କୌଣସି ଆତଙ୍କବାଦୀଙ୍କ କାର୍ଯ୍ୟକଳାପ ହୋଇପାରେ , କିନ୍ତୁ ମୁଁ ଏଥିରେ ଡରୁନାହିଁ । ଏହି ପତ୍ର ଉର୍ଦ୍ଦୁରେ ଲେଖାଯାଇଥିବା ବେଳେ ଏହା ସହ ଆଉ କିଛି ପତ୍ର ମଧ୍ୟ ସଂଲଗ୍ନ ହୋଇରହିଛି । ମୋତେ ପୂର୍ବରୁ ମଧ୍ୟ ଏଭଳି ଚିଠି ମିଳିଛି ଏବଂ ପୋଲିସ୍ ମଧ୍ୟ ଏହି ଚିଠି ବିଷୟରେ ଅବଗତ ଅଛନ୍ତି । କିନ୍ତୁ ଏନେଇ କେବେ କିଛି ଜାଞ୍ଚ୍ ହୋଇନି । ଏହା ଦେଶର ଶତ୍ରୁଙ୍କ ଏକ ବହୁତ ବଡ଼ ଷଡ଼ଯନ୍ତ୍ର । ସିଏସପି ଭୁପେନ୍ଦ୍ର ସିଂହଙ୍କ କହିବାନୁଯାୟୀ , ଏହି ମାମଲାରେ ଧାରା ୩୨୬ ଏବଂ ୫୦୭ ଅନୁସାରେ ମାମଲା ଥାନାରେ ଦିଆଯାଇଛି ।