ପ୍ରକାଶ ପାଇଲା ବିବିସିର ଶ୍ରେଷ୍ଠ ୧୦୦ ପ୍ରଭାବଶାଳୀ ମହିଳାଙ୍କ ତାଲିକା । ସ୍ଥାନ ପାଇଲେ ଓଡ଼ିଶା ଝିଅ ସୁସ୍ମିତା ମହାନ୍ତି, ‘ମହାକାଶ ମହିଳା’ ଭାବେ ପୂରା ବିଶ୍ୱରେ ନାଁ କରିଛନ୍ତି ସୁସ୍ମିତା ।
କନକ ବ୍ୟୁରୋ : ବିଶ୍ୱର ଶ୍ରେଷ୍ଠ ୧୦୦ ପ୍ରଭାବଶାଳୀ ମହିଳାଙ୍କ ତାଲିକାରେ ସ୍ଥାନ ପାଇଲେ ସୁସ୍ମିତା ମହାନ୍ତି । ଅନ୍ତର୍ଜାତୀୟ ଗଣମାଧ୍ୟମ ବିବିସି ପକ୍ଷରୁ ପ୍ରସ୍ତୁତ ହୋଇଥିବା ଏହି ତାଲିକାରେ ୭ ଭାରତୀୟ ମହିଳା ରହିଛନ୍ତି । ଯେଉଁଥିରେ ସୁସ୍ମିତାଙ୍କ ନାଁ ମଧ୍ୟ ରହିଛି । ସ୍ୱେଶ ୱିମେନ୍ ନାମରେ ଜଣାଶୁଣା ସୁସ୍ମିତା ଦେଶରେ ପ୍ରଥମ ସ୍ୱେଶ ଷ୍ଟାର୍ଟଅପ୍ ଆରମ୍ଭ କରି ଚର୍ଚ୍ଚାକୁ ଆସିଥିଲେ । ଇସ୍ରୋର ପୂର୍ବତନ ବୈଜ୍ଞାନିକ ନୀଳମଣି ମହାନ୍ତିଙ୍କ ଝିଅ ସୁସ୍ମିତା ଏହାପୂର୍ବରୁ ବିଭିନ୍ନ ଦେଶର ସରକାରୀ ଓ ବେସରକାରୀ ମହାକାଶ ସଂସ୍ଥା ସହ କାମ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ବୋଇଂ, ନାସା, ଇରୋପୀୟ ସ୍ପେଶ ଏଜେନ୍ସି, ଇସ୍ରୋ ଭଳି ବଡ ବଡ ମହାକାଶ ସଂସ୍ଥା ସହ କାମ କରିଥିବା ସୁସ୍ମିତା ୨୦୦୮ରେ ଦେଶରେ ପ୍ରଥମକରି ନିଜସ୍ୱ ସ୍ପେଶ ଷ୍ଟାର୍ଟଅପ୍ ଆର୍ଥ ଟୁ ଅରବିଟ୍ ଆରମ୍ଭ କରିଥିଲେ । ନ୍ୟାସନାଲ ଇନଷ୍ଟିଚ୍ୟୁଟ୍ ଅଫ୍ ଡିଜାଇନ୍, ଅହମ୍ମଦାବାଦରୁ ମାଷ୍ଟର ଡିଗ୍ରୀ ହାସଲ କରଥିବା ସୁସ୍ମିତା ଫ୍ରାନ୍ସ, ସ୍ୱିଡେନ ଭଳି ଦେଶରୁ ମଧ୍ୟ ଉଚ୍ଚଶିକ୍ଷା ଲାଭ କରିଛନ୍ତି । ଏବେ ସେ ନିଜର ମହାକାଶ ସଂସ୍ଥା ମାଧ୍ୟମରେ ଜଳବାୟୁ ପରିବର୍ତ୍ତନ ପଛର କାରଣ ଓ ଏହାକୁ କିଭଳି ରୋକାଯାଇପାରିବ ତାହା ଉପରେ କାର୍ଯ୍ୟ କରୁଛନ୍ତି ।
ସୁସ୍ମିତା ବିଶ୍ୱର ପ୍ରଥମ ମହିଳା ମହାକାଶ ଉଦ୍ୟୋଗପତୀ ଯିଏ ୩ଟି ମହାଦେଶରେ ନିଜର କମ୍ପାନି ଆରମ୍ଭ କରିଛନ୍ତି । ଗତ ଶିଶୁ ଦିବସରେ ମୁଖ୍ୟମନ୍ତ୍ରୀ ମୋ ସ୍କୁଲ କାର୍ଯ୍ୟକ୍ରମ ଘୋଷଣା କରିଥିଲେ । ଏହି ଯୋଜନା ଅନୁସାରେ ନିଜ ପଢିଥିବା ସ୍କୁଲର ବିକାଶ ପାଇଁ କୌଣସି ବ୍ୟକ୍ତି ଆର୍ଥିକ ସହାୟତା ଦେଲେ, ସେହି ସ୍କୁଲର ଭିତିଭୂମି ବିକାଶ ପାଇଁ ରାଜ୍ୟ ସରକାର ସମାନ ପରିମାଣର ଆର୍ଥିକ ଅନୁଦାନ ଦେବେ ।