ଆକାଶରେ ନିଖୋଜ ହେଲା କେନ୍ଦ୍ରମନ୍ତ୍ରୀଙ୍କ ବିମାନ ! ତ୍ରିଭେନ୍ଦ୍ରମରୁ ମରିସସ୍ ଯାଉଥିବାବେଳେ ୧୪ ମିନିଟ୍ ପାଇଁ କଂଟ୍ରୋଲ ରୁମ୍ ସହ ବିଚ୍ଛିନ୍ନ ହେଲା ମେଘଦୂତ
କନକ ବ୍ୟୁରୋ: ଆକାଶରେ ୧୪ ମିନିଟ ପାଇଁ ନିଖୋଜ ହେଲା ଭିଭିଆଇପି ବିମାନ ମେଘଦୂତ । ତେବେ ବଡ କଥା ହେଉଛି ମେଘଦୂତରେ ବୈଦେଶିକ ମନ୍ତ୍ରୀ ସୁଷମା ସ୍ୱରାଜ ଯାତ୍ରା କରୁଥିଲେ । ତ୍ରିଭେନ୍ଦ୍ରମରୁ ସୁଷମା ସ୍ୱରାଜ ମରିସସ ଯିବା ବେଳେ ଏହି ଅଘଟଣ ଘଟିଛି । ତାଙ୍କୁ ନେଇ ଯାଉଥିବା ବିମାନ ମେଘଦୂତ ସହ ୧୨ରୁ ୧୪ ମିନିଟ ଯାଏଁ କଂଟ୍ରୋଲ ରୁମ ଯୋଗାଯୋଗ ବିଛିନ୍ନ ହୋଇଯାଇଥିଲା । ତେବେ ମାରିସିଆନ ଏୟାର ଟ୍ରାଫିକ କଂଟ୍ରୋଲ ମେଘଦୂତ ବିମାନ ସହ ଯୋଗାଯୋଗ କରିନପାରିବା ପରେ ଚାଂଚଲ୍ୟ ଖେଳିଯାଇଥିଲା ।
Kanak News is now on WhatsApp
Join and get latest news updates delivered to you via WhatsApp
ମାରିସସ ଦ୍ୱୀପର ବାୟୁସୀମାରେ ସୁଷମାଙ୍କ ବିମାନ ପ୍ରବେଶ କରିବା ପରେ ଏପରି ଘଟିଥିଲା, ଯାହା ସମସ୍ତଙ୍କୁ ୧୨ରୁ ୧୪ ମିନିଟ ଯାଏଁ ସ୍ତବ୍ଧ କରିଦେଇଥିଲା । ଏୟାର ଟ୍ରାଫିକ୍ କଂଟ୍ରୋଲ ପ୍ରାୟତଃ କୌଣସି ବିମାନ ସହ ଯୋଗାଯୋଗ ବିଚ୍ଛିନ୍ନ ହେବାର ଅଧଘଂଟା ପରେ ନିଖୋଜ ଘୋଷଣା କରିଥାଏ । ହେଲେ ମାରିସିଆନ ଏୟାର ଟ୍ରାଫିକ ୧୨ ମିନିଟ ଭିତରେ ଆଲାର୍ମ ଦେଇଥିଲା । ହେଲେ କିଛି ସମୟ ପରେ ପୁଣି ମେଘଦୂତ ସହ ଯୋଗାଯୋଗ ସମ୍ଭବ ହୋଇଥିଲା ।
ମହାସଗାରୀୟ ଅଂଚଳରେ ରାଡାର କଭରେଜ ନଥିବା ବେଳେ ଯୋଗାଯୋଗର ଏକମାତ୍ର ମାଧ୍ୟମ ଭିଏଚଏଫ କମ୍ୟୁନିକେସନ । ତେବେ ଏହା ମହାସଗାରୀୟ ଅଂଚଳରେ ଠିକରେ କାମ କରିନଥିବାରୁ ବିମାନ ନିଖୋଜ ଭଳି ସ୍ଥିତି ସୃଷ୍ଟି ହୋଇଥିବା ସୂଚନା ମିଳିଛି । ୫ ଦିନିଆ ଆଫ୍ରିକା ଗସ୍ତରେ ଯାଇଛନ୍ତି ସୁଷମା ସ୍ୱରାଜ, ଗସ୍ତ ଅବସରରେ ସେ ବ୍ରିକ୍ସ ବୈଠକ ସହ ଇଣ୍ଡିଆ –ବ୍ରାଜିଲ- ସାଉଥ ଆଫ୍ରିକା ମିନିଷ୍ଟିରିଆଲ ମିଟିଙ୍ଗରେ ସାମିଲ ହେବେ ।