ସୁଷମା ସ୍ୱରାଜ ଲଢ଼ିବେନି ଲୋକସଭା ନିର୍ବାଚନ ! ଦଳ ଉପରେ ପଡ଼ିବ କି ପ୍ରଭାବ ?
କନକ ବ୍ୟୁରୋ : ବୈଦେଶିକ ମନ୍ତ୍ରୀ ତଥା ବରିଷ୍ଠ ବିଜେପି ନେତ୍ରୀ ସୁଷମା ସ୍ୱରାଜ ୨୦୧୯ ଲୋକସଭା ନିର୍ବାଚନକୁ ନେଇ ବଡ଼ ଘୋଷଣା କରିଛନ୍ତି । ମଧ୍ୟପ୍ରଦେଶରେ ନିର୍ବାଚନ ପ୍ରଚାର ସମୟରେ ଏକ ସାମ୍ବାଦିକ ସମ୍ମିଳନୀରେ ସୁଷମା କହିଛନ୍ତି ମୁଁ ୨୦୧୯ ନିର୍ବାଚନ ଲଢ଼ିବି ନାହିଁ । କିନ୍ତୁ ଦଳ ନିଷ୍ପତି ନେଲେ ସେ ନିର୍ବାଚନ ଲଢ଼ିବା ନେଇ ବିଚାର କରିବେ । ସୁଷମା ସ୍ୱରାଜ ବିଜେପିର ଜଣେ ବଡ଼ ନେତା ଆଉ ମୋଦି ସରକାରରେ ତାଙ୍କର ଦବଦବା ରହିଛି । ସ୍ୱାସ୍ଥ୍ୟଗତ ସମସ୍ୟା ଯୋଗୁଁ ସେ ଏପରି ନିଷ୍ପତି ନେଇଛନ୍ତି ବୋଲି ଶୁଣିବା ପାଇଁ ମିଳୁଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ସୁଷମା ସ୍ୱରାଜ ଇନ୍ଦୋରେ ଏକ ସାମ୍ବାଦିକ ସମ୍ମଳନୀରେ ସେ ସ୍ପଷ୍ଟ କରିଛନ୍ତି ଯେ ନିର୍ବାଚନ ଲଢ଼ିବେ ନାହିଁ । ତେବେ ଶେଷ ନିର୍ଣ୍ଣୟ ନେବେ ଦଳ । ତେବେ ସୁଷମା ସ୍ୱରାଜଙ୍କ ଏହି ବୟାନ ଉପରେ ଦଳର କୌଣସି ନେତା କିଛି ବୟାନ ଦେଇନାହାନ୍ତି ।
ସୁଷମା ସ୍ୱରାଜ ମଧ୍ୟପ୍ରଦେଶର ବିଦିଶା ଲୋକସଭା ସିଟରୁ ସାଂସଦ ଅଛନ୍ତି । ବିଗତ କିଛି ଦିନ ହେଲା ଚର୍ଚ୍ଚା ହେଉଛି ସୁଷମା ସ୍ୱରାଜ ସ୍ୱାସ୍ଥ୍ୟଗତ କାରଣରୁ ଆଗାମୀ ନିର୍ବାଚନ ଲଢ଼ିବେ ନାହିଁ । ତେବେ ବର୍ତ୍ତମାନ ପାଇଁ ସେ ନିଜେ ଏହି ଘୋଷଣା କରିଛନ୍ତି । ଇନ୍ଦୋରରେ ଏହି ଘୋଷଣା କରିବା ସମୟରେ ସେ ନରେନ୍ଦ୍ର ମୋଦିଙ୍କର ଖୁବ ତାରିଖ କରିଥିଲେ । ଏହାସହ ସେ ମଧ୍ୟପ୍ରଦେଶ ମୁଖ୍ୟମନ୍ତ୍ରୀ ଶିବରାଜ ସିଂଙ୍କର ମଧ୍ୟ ଖୁବ ପ୍ରଶଂସା ମଧ୍ୟ କରିଛନ୍ତି ।