ସୁଷମାଙ୍କ ସହାୟତା ! ଇରାନୀ ମହିଳାଙ୍କ ପାଇଁ ଓଡିଶା ସରକାରଙ୍କୁ ମାଗିଲେ ରିପୋର୍ଟ
କନକ ବ୍ୟୁରୋ : ରାୟଗଡାରେ ଜଣେ ଇରାନୀୟ ମହିଳା ସ୍ୱେଛାସେବୀଙ୍କୁ ଜେଲ ଦଣ୍ଡାଦେଶ ପ୍ରସଙ୍ଗକୁ ନେଇ ବୈଦେଶିକ ବ୍ୟାପାର ମନ୍ତ୍ରୀ ସୁଷମା ସ୍ୱରାଜ ରାଜ୍ୟ ସରକାରଙ୍କୁ ରିପୋର୍ଟ ତଲବ କରିଛନ୍ତି । ଗତ କିଛିଦିନ ତଳେ ନର୍ଗିସ କେ. ଆସ୍ତରୀଙ୍କୁ ରାୟଗଡା ଏସଡିଜେଏମ କୋର୍ଟରେ ବର୍ଷେ ଜେଲଦଣ୍ଡ ଓ ୩ ଲକ୍ଷ ଟଙ୍କାର କ୍ଷତିପୂରଣ ପ୍ରଦାନ କରିବାକୁ ନିର୍ଦ୍ଦେଶ ଦେଇଥିଲେ ।
Kanak News is now on WhatsApp
Join and get latest news updates delivered to you via WhatsApp
୨୦୧୪ ନଭେମ୍ବର ୧୭ରେ ରାୟଗଡା ଜିଲ୍ଲା ମୁକୁନ୍ଦପୁର ପ୍ରିଜନ ଫାଉଣ୍ଡେସନର କିଛି ଦିବ୍ୟାଙ୍ଗ ପିଲାଙ୍କୁ ନେଇ ନାଗାବଳୀ ନଇଳୂଳକୁ ଯାଇଥିଲେ ନର୍ଗିସ । ତେବେ ଏହି ସମୟରେ ଅନୁଷ୍ଠାନର ଜଣେ କର୍ମଚାରୀଙ୍କ ପିଲା ଭାସିଗଲା ନାଗାବଳୀ ନଇରେ । ଯାହାର ପତା ଆଜି ଯାଏଁ ମିଳିନାହିଁ । ପିଲାର ବାପା ଥାନାରେ ନର୍ଗିସଙ୍କ ବିରୋଧରେ ଦଫା ଲାଗିଲା ।
ନର୍ଗିସଙ୍କ ଅବହେଳା ପାଇଁ ପିଲାର ଜୀବନ ଯାଇଥିବା ନେଇ କେସ ଚାଲିଲା । ଆଉ ଗତ କିଛି ଦିନ ତଳେ ଏ ମାମଲାରେ ରାୟ ପ୍ରକାଶ କରି କୋର୍ଟ ନର୍ଗିସଙ୍କୁ ଦୋଷୀ ପାଇଥିଲେ । ଏହାରି ଭିତରେ ଇରାନ ଦୂତାବାସ ନର୍ଗିସଙ୍କ ପାଇଁ ଚିନ୍ତା ବ୍ୟକ୍ତ କରିଥିଲା । ଆଉ ଶେଷରେ ବୈଦେଶିକ ବ୍ୟାପାର ମନ୍ତ୍ରୀ ସୁଷମା ସ୍ୱରାଜ ଏହି ପୂରା ପ୍ରସଙ୍ଗ ଉପରେ ଓଡିଶା ସରକାରଙ୍କ ଠାରୁ ରିପୋର୍ଟ ତଲବ କରିଛନ୍ତି ।