ଯୋଗାଣ ମନ୍ତ୍ରୀଙ୍କ ମୁହଁରେ ପେଟ୍ରୋଲ ଟାମ୍ପରିଂର କାହାଣୀ ! କହିଲେ, କିଛି ପେଟ୍ରୋଲ ଟାଙ୍କିରେ ଲାଗିଛି ପମ୍ପିଂ ମେସିନ, ଗାଁ ମାନଙ୍କରେ ହେଉଛି ଅଧିକ ଠକେଇ
କନକ ବ୍ୟୁରୋ : ପେଟ୍ରୋଲ ଟାଙ୍କିରେ କେମିତି ହୁଏ ତେଲ ଚୋରି । ଯୋଗାଣ ମନ୍ତ୍ରୀ ବଖାଣିଛନ୍ତି ପେଟ୍ରୋଲ ଟାମ୍ପରିଂର ରହସ୍ୟ । ମନ୍ତ୍ରୀ ସୂର୍ଯ୍ୟନାରାୟଣ ପାତ୍ର କହିଛନ୍ତି, ପେଟ୍ରୋଲ ଟାଙ୍କିରେ ଏକ ପମ୍ପିଂ ମେସିନ ଲଗାଯାଇଛି । ଯାହା ତୈଳ ପରିମାଣକୁ ଭିତରୁଆ ଟାଣି ଦିଏ । ଯେଉଁଥିପାଇଁ ନିର୍ଦ୍ଧାରିତ ପରିମାଣରୁ କମ୍ ପେଟ୍ରୋଲ ଗାଡିକୁ ମିଳିଥାଏ । ମନ୍ତ୍ରୀ କହିଛନ୍ତି ଏହା ମୁଖ୍ୟତଃ ଗାଁରେ ଥିବା ପେଟ୍ରୋଲ ପମ୍ପରେ ହୁଏ । କାରଣ ସେଠାରେ ମାନ ଯାଂଚ ପାଇଁ ପର୍ଯ୍ୟାପ୍ତ ବ୍ୟବସ୍ଥା ନଥାଏ । ଏମାନଙ୍କୁ ନିୟନ୍ତ୍ରଣ କରିବା ପାଇଁ ଭୁବନେଶ୍ୱରରୁ ଅଧିକାରୀ ପଠାଯାଉଛି ବୋଲି ମନ୍ତ୍ରୀ କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କିଛି ଦିନ ତଳେ କେନ୍ଦ୍ର ପେଟ୍ରୋଲିୟମ ବିଭାଗ ପକ୍ଷରୁ ରାଜ୍ୟ ଖାଦ୍ୟ ଯୋଗଣ ବିଭାଗକୁ ଏକ ପତ୍ର ଆସିଥିଲା । ଯେଉଁଥିରେ ଓଡିଶାର ୮୨ଟି ପେଟ୍ରୋଲ ପମ୍ପରେ ଜାପାନୀ ଚିପ୍ ଯୋଗେ ତୈଳ ହେରଫେର କରାଯାଉଥିବା ନେଇ ଅଭିଯୋଗ ଦର୍ଶାଯାଇଥିଲା । ପେଟ୍ରୋଲ ଟାମ୍ପରିଂ ନେଇ ଗତ କିଛି ଦିନେ ଯୋଗଣ ବିଭାଗ ପକ୍ଷରୁ ରାଜ୍ୟର ବିଭିନ୍ନ ପେଟ୍ରୋଲ ପମ୍ପରେ ଚଢାଉ କରାଯାଇଥିଲା ।