ଭାରତୀୟ ସେନା ୨୦୧୬ ମସିହା ସେପ୍ଟେମ୍ବର ୨୮-୨୯ ତାରିଖ ରାତିରେ ପାକିସ୍ତାନରେ ପସି ସର୍ଜିକାଲ ଷ୍ଟ୍ରାଇକ ଆରମ୍ଭ କରିଥିଲେ । ସର୍ଜିକାଲ ଷ୍ଟ୍ରାଇକର ଦୁଇ ବର୍ଷ ପରେ ଏହି ଘଟଣାର ଭିଡିଓ ଏବେ ସାମ୍ନାକୁ ଆସିଛି । ଏହି ଭିଡିଓରେ ଭାରତକୁ କଣ କଣ ହାସଲ ହୋଇଛି ତାହା ବୁଝାଇଛି ଆଇଇଏ ।
Kanak News is now on WhatsApp
Join and get latest news updates delivered to you via WhatsApp
ଆର୍ମି ଚିଫ ବିପିନ ରାୱତଙ୍କ କହିବା ଅନୁସାରେ, ଭାରତର ଏହି ସର୍ଜିକାଲ ଷ୍ଟ୍ରାଇକ ପାକିସ୍ତାନ ବିରୁଦ୍ଧରେ ସଫଳ ହେବା ସହିତ ପାକିସ୍ତାନକୁ ଏକ କଡା ଜବାବ ଦେଇଛି । ପାକିସ୍ତାନୀ ଆତଙ୍କବାଦୀ ମାନଙ୍କୁ ଚେତାଇ ଦିଆଯାଇଛି ଯେ, ଆବଶ୍ୟକ ପଡିଲେ ଭାରତର ଯବାନ ମାନେ ଏପରି କିଛି ଭୟଙ୍କର କାଣ୍ଡ ଭିଆଇ ପାରିବେ ।
ସୂଚନା ମୁତାବକ, ଏହି ସର୍ଜିକାଲ ଷ୍ଟ୍ରାଇକରେ ସଫଳତା ହାସଲ କରିବା ପାଇଁ ଭାରତୀୟ ସେନା ତାର ସବୁଠାରୁ ଦକ୍ଷ କମାଣ୍ଡୋମାନଙ୍କୁ ପାକିସ୍ତାନକୁ ପଠାଇଥିଲେ । ଭାରତୀୟ ସେନା ପ୍ରଥମ ଥର ବାୟୁ ସେନାର ବିନା ସାହାଯ୍ୟରେ ଏହି ଅପରେସନକୁ ସଫଳ କରିପାରିଛି । କେବଳ ସେତିକି ନୁହେଁ ସବୁଠାରୁ ବଡ କଥା ହେଉଛି ପାକିସ୍ତାନର ପ୍ରାୟ ୫୦ ଆତଙ୍କବାଦୀ ଏହି ଅପରେସନରେ ନିହତ ହୋଇଛନ୍ତି ଏଥିସହିତ ଅନେକ ଆତଙ୍କବାଦୀ କ୍ୟାମ୍ପ ଗୁଡିକୁ ମଧ୍ୟ ଧ୍ୱଂସ କରିଦିଆଯାଇଛି ।
ଉଲ୍ଲେଖଯୋଗ୍ୟ, ସେପ୍ଟେମ୍ବର ୧୯ ତାରିଖ ୨୦୧୬ରେ ଉରୀ କ୍ୟାମ୍ପ ଉପରେ ଆତଙ୍କବାଦୀ ଆକ୍ରମଣ ହୋଇଥିଲା । ଯେଉଁଥିରେ ଭାରତର ୧୯ ଜଣ ଯବାନ ସହିଦ ହୋଇଯାଇଥିଲେ । ଆତଙ୍କବାଦୀଙ୍କ ଏପରି ଦୁଃସାହସିକତାକୁ ଯବାବ ଦେବା ପାଇଁ ଭାରତ ପକ୍ଷରୁ ଏହି ସର୍ଜିକାଲ ଷ୍ଟ୍ରାଇକ ଆରମ୍ଭ କରାଯାଇଥିଲା । ଯେଉଁଥିରେ ଭାରତ ସଫଳତା ଭାରତୀୟ ସେନାଙ୍କ ମନୋବଳକୁ ବଢାଇଛି ।