ବିଜେପି ସଂସଦୀୟ କମିଟିରେ ୩ ଓଡ଼ିଆ । ସୁରେଶ ପୂଜାରୀ ହେଲେ ଲୋକସଭାରେ ବିଜେପି ସଚେତକ ।
କନକ ବ୍ୟୁରୋ: ସୁରେଶ ପୂଜାରୀଙ୍କୁ ନୂଆ ଦାୟିତ୍ୱ । ବରଗଡ ବିଜେପି ସାଂସଦ ସୁରେଶ ପୁଜାରୀ ଲୋକସଭାରେ ବିଜେପି ସଚେତକ ଭାବେ ନିଯୁକ୍ତ ହୋଇଛନ୍ତି । ବିଜେପି ସଂସଦୀୟ କାର୍ଯ୍ୟ ନିର୍ବାହୀ ବୈଠକରେ ଏନେଇ ନିଷ୍ପତି ହୋଇଛି । ତେବେ ସୁରେଶ ଓଡ଼ିଶା ସହ ତିନୋଟି ରାଜ୍ୟ ମଣିପୁର ଏବଂ ତେଲେଙ୍ଗାନା ଭଳି ରାଜ୍ୟର ସଚେତକ ଭାବେ ଦାୟିତ୍ୱ ତୁଲାଇବେ ବୋଲି ବିଜେପି ସଂସଦୀୟ କାର୍ଯ୍ୟ ନିର୍ବାହୀ ବୈଠକରେ ଏନେଇ ନିଷ୍ପତି ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସେପଟେ ସୁରେଶଙ୍କ ବାଦ୍ ପୂର୍ବତନ କେନ୍ଦ୍ରମନ୍ତ୍ରୀ ତଥା ସୁନ୍ଦରଗଡ଼ ବିଜେପି ସାଂସଦ ଜୁଏଲ ଓରାମଙ୍କୁ ମଧ୍ୟ ଖୁସି କରିବାକୁ ଉଦ୍ୟମ କରିଛି । ତେଣୁ ଲୋକସଭା ପାଇଁ ଜୁଏଲ ଓରାମଙ୍କୁ ସ୍ୱତନ୍ତ୍ର ଆମନ୍ତ୍ରିତ ସଦସ୍ୟ କରାଯାଇଥିବାବେଳେ ରାଜ୍ୟସଭା ପାଇଁ ଧର୍ମେନ୍ଦ୍ର ପ୍ରଧାନଙ୍କୁ ସ୍ୱତନ୍ତ୍ର ଆମନ୍ତ୍ରିତ ସଦସ୍ୟ ଭାବେ ଚୟନ କରାଯାଇଛି ।
ସେହିଭଳି ବିଜେପି ସଂସଦୀୟ କାର୍ଯ୍ୟ ନିର୍ବାହୀ କମିଟିର ଅଧ୍ୟକ୍ଷ ଭାବେ ଦାୟିତ୍ୱ ତୁଲାଇବେ ପ୍ରଧାନମନ୍ତ୍ରୀ ନରେନ୍ଦ୍ର ମୋଦି । ସେପଟେ ବିଜେପି ଲୋକସଭା ଉପନେତା ଭାବେ ରାଜନାଥ ସିଂହଙ୍କୁ ନିଯୁକ୍ତ ହୋଇଥିବା ବିଜେପି ସଂସଦୀୟ କାର୍ଯ୍ୟ ନିର୍ବାହୀ ବୈଠକରେ ଏନେଇ ନିଷ୍ପତି ହୋଇଛି ।