ଦାଗୀ ନେତାଙ୍କ ଉପରେ ସୁପ୍ରିମକୋର୍ଟଙ୍କ କଡା ଆଭିମୁଖ୍ୟ । ଦୋଷୀ ସାବ୍ୟସ୍ତ ନେତା ନିର୍ବାଚନ ଲଢ଼ିବେ କି ନାହିଁ ଆଜି ଶୁଣାଇବେ ଗୁରୁତ୍ୱପୂର୍ଣ୍ଣ ରାୟ
ଅପରାଧୀ ନେତାଙ୍କୁ ନିର୍ବାଚନ ଲଢ଼ିବାକୁ ବ୍ୟାନ କରିବା ପାଇଁ ହୋଇଛି ଦାବି
ଦାଗୀ ନେତାଙ୍କ ଉପରେ ସୁପ୍ରିମକୋର୍ଟଙ୍କ କଡା ଆଭିମୁଖ୍ୟ । ବିଭିନ୍ନ ମାମଲାରେ ଦୋଷୀ ସାବ୍ୟସ୍ତ ହୋଇଥିବା ନେତାଙ୍କୁ ନିର୍ବାଚନ ଲଢିବା ଉପରେ ପ୍ରତିବନ୍ଧକ ଲଗାଯିବ ନା ନାହିଁ ସେ ଉପରେ ଆଜି ସୁପ୍ରିମକୋର୍ଟରେ ଶୁଣାଣି ହେବ । ଏ ନେଇ ସୁପ୍ରିମକୋର୍ଟରେ ମାମଲା ଦାୟର ହୋଇଥିଲା । କୋର୍ଟ କହିଛନ୍ତି, ମାମଲା ବହୁତ ଗମ୍ଭୀର । ଅଶ୍ୱିନୀ ଉପାଧ୍ୟାୟ ଏ ନେଇ ସୁପ୍ରିମକୋର୍ଟଙ୍କ ଦ୍ୱାରସ୍ଥ ହୋଇଛନ୍ତି । ଆବେଦନରେ କୁହାଯାଇଛି, ଜନପ୍ରତିନିଧି ଆଇନର ଧାରା ୮(ଗ) ଅନୁସାରେ ଯଦି କୌଣସି ନେତା ଅପରାଧିକ ମାମଲାରେ ଦଶ ବର୍ଷ ଲାଗି ଦୋଷୀ ସାବ୍ୟସ୍ତ ହୁଅନ୍ତି ତାହାହେଲେ ସେ ୬ ବର୍ଷ ଯାଏଁ ନିର୍ବାଚନ ଲଢିପାରିବେ ନାହିଁ । ତେଣୁ ଅପରାଧିକ ମାମଲାରେ ଦୋଷୀ ସାବ୍ୟସ୍ତ ହେଲେ ନେତାଙ୍କୁ ନିର୍ବାଚନ ଲଢିବା ଉପରେ ଆଜୀବନ ବ୍ୟାନ ଲଗାଯିବା ଦରକାର ବୋଲି ଆବେଦନରେ କୁହାଯାଇଛି । ସରକାରୀ କର୍ମଚାରୀ ଦୋଷୀ ସାବ୍ୟସ୍ତ ହେଲେ ଯଦି ଚାକିରୀରୁ ବରଖାସ୍ତ କରାଯାଉଛି ତାହାହେଲେ ନେତାଙ୍କ କ୍ଷେତ୍ରରେ କାହିଁକି ଆଜବୀନ ବ୍ୟାନ ଲାଗିବ ନାହିଁ ବୋଲି ଆବେଦନକର୍ତ୍ତା କହିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଏହା ଉପରେ ପ୍ରଧାନ ନ୍ୟାୟାଧୀଶ ରଂଜନ ଗୋଗୋଇ, ଜଷ୍ଟିସ୍ କେଏମ୍ ଯୋଶେଫଙ୍କ ବ୍ୟାଂଚ କହିଲେ କି ସେହି ଦୋଷୀ ନିର୍ବାଚିତ ଜନ ପ୍ରତିନିଧିଙ୍କ ଉପରେ ଆଜୀବନ ପ୍ରତିବନ୍ଧକ ଲଗାଇବା ଉପରେ ୪ ଡିସେମ୍ବରକୁ ବିଚାର କରିପାରନ୍ତି । ଏ ନେଇ କୋର୍ଟ କହିଛନ୍ତି, ଏଭଳି ମାମଲାର ଶୁଣାଣି ପାଇଁ ପ୍ରତ୍ୟେକ ଜିଲ୍ଲାରେ ସେସନ୍ସ କୋର୍ଟ ହେଉ । ଶୁଣାଣି ସମୟରେ କେନ୍ଦ୍ର ସରକାର ବି କହିଥିଲେ, ଏଥିପାଇଁ ସ୍ୱତନ୍ତ୍ର କୋର୍ଟ ଗଠନ କରାଗଲେ କୌଣସି ଆପତ୍ତି ନାହିଁ ।