ଯୌତୁକ ନିର୍ଯାତନା ମାମଲାରେ ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ ! ତତ୍କାଳ ଗିରଫଦାରୀ ଉପରେ ରୋକ ଲଗାଇଲେ କୋର୍ଟ
କନକ ବ୍ୟୁରୋ : ଯୌତୁକ ନିର୍ଯାତନା ଅଭିଯୋଗ ମାମଲାରେ ସୁପ୍ରିମକୋର୍ଟଙ୍କ ଗୁରୁତ୍ୱପୂର୍ଣ୍ଣ ରାୟ । ଆଇପିସି ଧାରା ‘୪୯୮-ଏ’ ଯୌତୁକ ନିର୍ଯାତନା ମାମଲାରେ ତତ୍କାଳ ଗିରଫଦାରି ଉପରେ ରୋକ ଲଗାଇଛନ୍ତି ଉଚ୍ଚତମ ନ୍ୟାୟାଳୟ । ଏହି ମାମଲାଗୁଡିକୁ ଦେଖିବା ପାଇଁ ଆଇନ ପ୍ରାଧିକରଣ ପ୍ରତି ଜିଲ୍ଲାରେ ୩ ଜଣିଆ ପରିବାର କଲ୍ୟାଣ ସମିତି ଗଠନ ନେଇ ବିଚାରପତି ଏ.କେ ଗୋଏଲ ଓ ବିଚାରପତି ୟୁୟୁ ଲଳିତଙ୍କ ଦୁଇ ଜଣିଆ ଖଣ୍ଡପୀଠଙ୍କê ଜଣାଇଛନ୍ତି । ଏହି ସମିତି ଯୌତୁକ ନିର୍ଯାତନା ମାମଲାରେ ଅନୁଧ୍ୟାନ କରି, ରିପୋର୍ଟ ଦେବା ପରେ ହିଁ ଗିରଫଦାରୀ ପ୍ରକ୍ରିୟା ଆରମ୍ଭ ହେବ ବୋଲି କୋର୍ଟ ତାଙ୍କ ରାୟରେ ପ୍ରକାଶ କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
କୋର୍ଟ ଏହି ମାମଲାରେ ଆଉ ଏକ ଗୁରୁତ୍ୱପୂର୍ଣ୍ଣ ନିଷ୍ପତ୍ତି ମଧ୍ୟ ନେଇଛନ୍ତି, ଯଦି ନିର୍ଯାତନାରେ ମହିଳା ଆହତ କିମ୍ବା ମୃତ୍ୟୁ ବରଣ କରିଥାନ୍ତି ତେବେ ସିଧାସଳଖ ଗିରଫ କରିପାରିବ ପୁଲିସ । ଆଉ ଏହି ମାମଲାକୁ ସାଧାରଣ ଯୌତୁକ ମାମଲା ନୁହେଁ ଅନ୍ୟ ମାମଲା ଭଳି ବିଚାର କରାଯିବ । ଏଭଳି ମାମଲାରେ କୌଣସି ଗିରଫଦାରୀ ଉପରେ ରୋକ ଲାଗିବ ନାହିଁ ପରିବାର କଲ୍ୟାଣ ସମିତିର ରିପୋର୍ଟକୁ ଅପେକ୍ଷା କରାଯିବ ନାହିଁ ବୋଲି ସୁପ୍ରିମକୋର୍ଟର ୨ ଜଣିଆ ଖଣ୍ଡପୀଠ ଶୁଣାଇଛନ୍ତି । ତେବେ ଅନେକ ସମୟରେ ଯୌତୁକ ନିର୍ଯାତନା ମାମଲାରେ ଆଇନର ଦୁରୂପଯୋଗ ହେଉଥିବାରୁ ଏନେଇ ଚିନ୍ତା ପ୍ରକଟ କରିଛନ୍ତି କୋର୍ଟ ।