ଟ୍ରିପଲ ତଲାକ ମାମଲାରେ ସୁପ୍ରିମକୋର୍ଟ କଠୋର ଆଭିମୁଖ୍ୟ ! ଖରା ଛୁଟିରେ ଲଗାତାର ୪ଦିନ ଧରି ଏହି ମାମଲାର ହେବ ଶୁଣାଣି
କନକ ବ୍ୟୁରୋ : ଟ୍ରିପଲ ତଲାକ ମାମଲାରେ କଠୋର ଆଭିମୁଖ୍ୟ ଗ୍ରହଣ କରିଛନ୍ତି ସୁପ୍ରିମକୋର୍ଟ । ଏହି ମାମଲାକୁ ୫ ବିଚାରପତିଙ୍କ ସାମ୍ବିଧାନିକ ଖଣ୍ଡପୀଠକୁ ପଠାଇ ଦେଇଛନ୍ତି । ଖଣ୍ଡପୀଠ ମେ ୧୧ ତାରିଖରୁ ମାମଲାର ଶୁଣାଣି ଆରମ୍ଭ କରିବ । ଖରା ଛୁଟିରେ ଲଗାତାର ୪ଦିନ ଧରି ଟ୍ରିପଲ ତଲାକ ମାମଲାର ଶୁଣାଣି ହେବ ବୋଲି ଚିଫ ଜଷ୍ଟିସ ଜେ.ଏସ. ଖେହର ସୂଚନା ଦେଇଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ମୁସଲିମ ସଂପ୍ରଦାୟଙ୍କ ମଧ୍ୟରେ ହେଉଥିବା ଟ୍ରିପଲ ତଲାକ, ନିକାହ ହଲାଲ ପ୍ରଥା ସଂପର୍କରେ ସାମ୍ବିଧାନିକ ଖଣ୍ଡପୀଠ ଆଇନ ଆଧାରରେ ବିଶ୍ଲେଷଣ କରିବ । ଯଦି ସମସ୍ତ ପକ୍ଷ ମାମଲାର ଶୁଣାଣି ନେଇ ପ୍ରସ୍ତୁତ ନୁହଁନ୍ତି ତେବେ, କୋର୍ଟର ବିଚାରପତିମାନେ ମଧ୍ୟ ଖରା ଛୁଟିର ମଜା ନେବେ ବୋଲି କହିଥିଲେ, ଚିଫ ଜଷ୍ଟିସ ଜେଏସ ଖେହର । ତେବେ ଶୁଣାଣି ତାରିଖ ମେ ୧୧ ଧାର୍ଯ୍ୟ ହେବା ପରେ ସମସ୍ତ ପକ୍ଷକୁ ୨ ସପ୍ତାହ ଭିତରେ ଜବାବ ଦାଖଲ କରିବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି ।