ଆସ୍ଥା ନାଁରେ ଆତଙ୍କ ସୃଷ୍ଟି କରୁଛନ୍ତି କି ଶିବଭକ୍ତ ? ସୁପ୍ରିମକୋର୍ଟ ଦେଖାଇଲେ କଡା ଆଭିମୁଖ୍ୟ
କନକ ବ୍ୟୁରୋ: ଦେଶର ବିଭିନ୍ନ ସହରରେ କାଉଡିଆଙ୍କ ଭଙ୍ଗାରୁଜା ଘଟଣାକୁ ନେଇ କଡା ଆଭିମୁଖ୍ୟ ଗ୍ରହଣ କରିଛନ୍ତି ସୁପ୍ରିମକୋର୍ଟ । ଯେଉଁ କାଉଡିଆ ଭଙ୍ଗାରୁଜା ଘଟଣାରେ ସଂପୃôକ୍ତ କିମ୍ବା ଆଇନକୁ ନିଜ ହାତକୁ ନେଇଛନ୍ତି, ତାଙ୍କ ବିରୋଧରେ କାର୍ଯ୍ୟାନୁଷ୍ଠାନ ନେବାକୁ କୋର୍ଟ ନିର୍ଦ୍ଦେଶ ଦେଇଛନ୍ତି । ଗତକାଲି ଭିଡତନ୍ତ୍ର ଦ୍ୱାରା ବ୍ୟକ୍ତିଗତ ସଂପତି ନଷ୍ଟ ସଂପର୍କିତ ଜନସ୍ୱାର୍ଥ ମାମଲାର ଶୁଣାଣି ସମୟରେ ଆଟର୍ଣ୍ଣି ଜେନେରାଲ କେକେ ବେଣୁଗୋପାଳ କାଉଡିଆଙ୍କ ଉତ୍ପାତକୁ ନେଇ କୋର୍ଟଙ୍କ ଦୃଷ୍ଟି ଆକର୍ଷଣ କରିଥିଲେ ।
Kanak News is now on WhatsApp
Join and get latest news updates delivered to you via WhatsApp
ପ୍ରଧାନ ବିଚାରପତି ଦିପକ ମିଶ୍ରଙ୍କ ଖଣ୍ଡପୀଠ ଆଗରେ ଏଜି କହିଥିଲେ ମହାରାଷ୍ଟ୍ର, ରାଜସ୍ଥାନ, ୟୁପିରେ କାଉଡିଆ ଗାଡି ଭାଙ୍ଗୁଥିବା ଭିଡିଓ ଭାଇରାଲ ହୋଇଛି । ହେଲେ ବେକାବୁ କାଉଡିଆ ଓ ଶ୍ରଦ୍ଧାଳୁଙ୍କୁ ଠିକ ଭାବେ ପୁଲିସର ନିୟନ୍ତ୍ରଣ କରିପାରି ନାହିଁ ବୋଲି ଅସନ୍ତୋଷ ପ୍ରକାଶ କରିଛନ୍ତି ଏଜି । ଏଥିସହ ଦେଶରେ ବଢୁଥିବା ଭିଡତନ୍ତ୍ରକୁ ନେଇ ବେଣୁଗୋପାଳ କହିଥିଲେ ଶିକ୍ଷିତ ଯୁବକ ଦଙ୍ଗା କରୁଥିବା ଜଣାଯାଇଛି, ଯାହା ଏକ ସଭ୍ୟ ଦେଶରେ କେବେ ବି ବରଦାସ୍ତ କରାଯାଇ ପାରିବ ନାହିଁ ।
ଅନ୍ୟପଟେ ଭିଡତନ୍ତ୍ର ଦ୍ୱାରା ପୀଡିତ ବ୍ୟକ୍ତି ଏତଲା ନ ଦେଲେ ବି ପୁଲିସ ନିଜ ଆଡୁ କାର୍ଯ୍ୟାନୁଷ୍ଠାନ ନେବାକୁ ନିର୍ଦ୍ଦେଶ ଦେଇଛନ୍ତି ସୁପ୍ରିମକୋର୍ଟ ।