ଅନ୍ଧବିଶ୍ୱାସର କରୁଣ ପରିଣତି : ଗୁଣି ସନ୍ଦେହରେ ୨ ଜଣଙ୍କୁ ପିଟି ପିଟି ହତ୍ୟା
ଗଜପତି : ଅନ୍ଧବିଶ୍ୱାସ ନେଲା ଜୀବନ । ଗୁଣି ସନ୍ଦେହରେ ଦୁଇ ଜଣଙ୍କୁ ପିଟି ପିଟି ହତ୍ୟା କରାଯାଇଛି । ପରେ ମୃତଦେହକୁ ପୋଡି ଦିଆଯାଇଛି । ମୋହନା ବ୍ଲକ୍ ଅଡବା ଥାନା ଚୁଡଙ୍ଗପୁରରେ ଘଟିଛି ଏଭଳି ଅମାନବୀୟ ଘଟଣା । ଗୁଣି ସନ୍ଦେହରେ ୨ ଜଣଙ୍କୁ ପିଟି ପିଟି ହତ୍ୟା କରିଛନ୍ତି ଗ୍ରାମବାସୀ । ମୃତକ ଦୁଇ ଜଣ ହେଲେ ଗଙ୍ଗା ଗମାଙ୍ଗ ଏବଂ ବିରଂଚି ସୁନ୍ଦରରାୟ।
Kanak News is now on WhatsApp
Join and get latest news updates delivered to you via WhatsApp
ଗାଁରେ ଏହି ଦୁଇ ଜଣ ଗୁଣି କରୁଥିବା ନେଇ ଗ୍ରାମବାସୀ ସନ୍ଦେହ କରିଥିଲେ । ଏହାପରେ ଉଭୟଙ୍କୁ ରାସ୍ତାରୁ ହଟାଇବାକୁ ଯୋଜନା ହୋଇଥିଲା । ଦୁଇ ଜଣଙ୍କୁ ପ୍ରଥମେ ପିଟି ପିଟି ହତ୍ୟା କରିବା ପରେ ଗାଁରୁ ୧ କିଲୋମିଟର ଦୂରରେ ପୋଡି ଦେଇଥିଲେ । ପୋଲିସ ଖବର ପାଇ ଘଟଣାସ୍ଥଳରୁ ହାଡ ଜବତ କରିଛି। ଘଟଣାରେ ପୋଲିସ ୭ ଜଣଙ୍କୁ ଗିରଫ କରିଛି । ପରେ ପୋଲିସ ଆଗରେ ଅଭିଯୁକ୍ତ ମାନେ ଦୋଷ ମାନିଛନ୍ତି ।