କନକ ବ୍ୟୁରୋ: କଶ୍ମୀରର ପୁର୍ନଗଠନକୁ ନେଇ ମୋଦି-ଶାହାଙ୍କୁ ବିରୋଧୀ ଘେରିଥିବାବେଳେ ସୁପରଷ୍ଟାର ରଜନୀକାନ୍ତ ଦେଇଛନ୍ତି ବଡ଼ ବୟାନ । ରଜନୀକାନ୍ତ ମହାଭାରତ ତତ୍ତ୍ୱ ନେଇ କହିଛନ୍ତି କି, ମୋଦି-ଶାହା ହେଉଛନ୍ତି କୃଷ୍ଣ-ଅର୍ଜୁନ ଯୋଡ଼ି । ଯେଉଁମାନେ ମୋଦି-ଶାହାଙ୍କୁ ଜାଣି ନାହାନ୍ତି ସେମାନେ ଜାଣିବା ଦରକାର । ତେଣୁ ଆପଣମାନେ ବିଚାର କରନ୍ତୁ ମୋଦି-ଶାହାଙ୍କ ମଧ୍ୟରୁ କିଏ କୃଷ୍ଣ ଆଉ କିଏ ଅର୍ଜୁନ? ତେବେ ସୁପରଷ୍ଟାର ରଜନୀକାନ୍ତଙ୍କ ଏଭଳି ମନ୍ତବ୍ୟକୁ ନେଇ ଏବେ ଚର୍ଚ୍ଚା ଜୋର ଧରିଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନା ମୁତାବକ, ଉପରାଷ୍ଟ୍ରପତି ଭେଙ୍କେୟା ନାଇଡୁଙ୍କ ପୁସ୍ତକ ଲିସେନିଙ୍ଗ,ଲର୍ଣ୍ଣିଙ୍ଗ ଆଣ୍ଡ ଲିଡିଙ୍ଗ ପୁସ୍ତକ ଉନ୍ମୋଚନ ଅବସରରେ ଏଭଳି ବୟାନ ରଖିଛନ୍ତି ରଜନୀକାନ୍ତ । ଆଉ କହିଛନ୍ତି, କଶ୍ମୀରରୁ ୩୭୦ ହଟିବା ଯୋଗୁଁ ୭୦ ବର୍ଷ ପରେ ଯେଉଁ ସ୍ୱାଧିନତା ମିଳିଲା ସେଥିଲାଗି ଦୁଇଜଣଙ୍କୁ ଅଭିନନ୍ଦନ ଜଣାଉଛି । ଏବେ ଲୋକମାନେ ଅମିତ ଶାହାଙ୍କ ଶକ୍ତିକୁ ଭଲଭାବେ ବୁଝି ପାରିବେ । ସବୁଠାରୁ ବଡ଼କଥା ହେଲା କି, ମୋଦି-ଶାହା ଏବେ ଅର୍ଜୁନ-କୃଷ୍ଣ ଯୋଡ଼ି ଭଳି କାର୍ଯ୍ୟ କରୁଛନ୍ତି ବୋଲି ରଜନୀକାନ୍ତ କହିଛନ୍ତି ।
ଅନ୍ୟପଟେ ରଜନୀକାନ୍ତଙ୍କ ଏଭଳି ବୟାନ ଏବେ ଜାତୀୟ ଗଣମାଧ୍ୟମର ଶିରୋନାମା ପାଲଟିଛି । କାରଣ ରଜନୀକାନ୍ତ ବିଭିନ୍ନ ସମୟରେ ଭାରତୀୟ ରାଜନୈତିକ ଗିତିବିଧି ଉପରେ ନଜର ରଖିଥାନ୍ତି । ଆଉ ମୋଦି ସରକାରଙ୍କ ସହ ରଜନୀକାନ୍ତଙ୍କ ସୁ-ସମ୍ପର୍କ ମଧ୍ୟ ରହିଥିବା ପୂର୍ବରୁ ଦେଖିବାକୁ ମିଳିଛି ।