ସାତକୋଶିଆରେ ପୁଣି ଶିକାର କଲା ସୁନ୍ଦରୀ ! ଟାଇଁସି ଗାଁ ନିକଟ କୁମୁରିରେ ବଳଦ ଶିକାର କରିଛି ବାଘୁଣୀ
କନକ ବ୍ୟୁରୋ : ସାତକୋଶିଆରେ ପୁଣି ଶିକାର କରିଛି ସୁନ୍ଦରୀ । ପୁରୁଣାକୋର୍ଟ ଥାନା ଅନ୍ତର୍ଗତ ଟାଇଁସି ଗାଁ ନିକଟ କୁମୁରିରେ ଆଜି ବଳଦ ଶିକାର କରିଛି ବାଘୁଣୀ। ଏପରିକି ବାଘୁଣୀ ଗାଁ ପାଖରେ ବୁଲୁଥିବା କେତେକ ଗ୍ରାମବାସୀ କହିଛନ୍ତି । ଏହାକୁ ନେଇ ସ୍ଥାନୀୟ ଅଂଚଳରେ ଭୟ ବଢ଼ିବାରେ ଲାଗିଛି । ଗତକାଲି ବାଘୁଣୀ ଜଣେ ମଣିଷ ଶିକାର କରିବା ପରେ ନିକଟବର୍ତି ଗାଁରେ ଆତଙ୍କ ଖେଳିଯାଇଥିଲା । ଏହାକୁ ନେଇ ସେହି ଅଂଚଳରେ ଉତେଜନା ଲାଗି ରହିଛି ।
Kanak News is now on WhatsApp
Join and get latest news updates delivered to you via WhatsApp
ବାଘକୁ ତୁରନ୍ତ ସ୍ଥାନାନ୍ତର କରିବା ଦାବିରେ ହଜାର ହଜାର ବନବାସୀ ୫୫ନମ୍ବର ଜାତୀୟ ରାଜପଥ ମୁଣ୍ଡାସାହି ଛକ ନିକଟରେ ଏକାଠି ହୋଇ ପୋଡାଜଳା କରିଥିଲେ । ଆନ୍ଦୋଳନକାରୀଙ୍କୁ ଘଉଡାଇବାକୁ ପୁଲିସ୍ ଉଦ୍ୟମ କରିବାରୁ ମୁହାଁମୁହିଁ ହୋଇଥିଲେ । ଲୋକଙ୍କ ଉପରକୁ ପୁଲିସ୍ ଲାଠିଚାର୍ଜ, ଫାଙ୍କା ଗୁଳିଚାଳନା କରିଥିବାବେଳେ ଉତ୍ୟକ୍ତ ଲୋକମାନେ ଢ଼େଲା, ପଥର ବର୍ଷା କରିଛନ୍ତି । ପୁଲିସର ଦୁଇଟ୍ ଭ୍ୟାନକୁ ପୋଡି ଦେଇଥିବାବେଳେ ଏକାଧିକ ଗାଡି ଭଙ୍ଗାରୁଜା କରିଛନ୍ତି । ଆଇନଶୃଙ୍ଖଳା ପରିସ୍ଥିତିକୁ ନଜରରେ ରଖି ଅନୁଗୁଳରେ ସୁରକ୍ଷା ବ୍ୟବସ୍ଥା କଡାକଡି କରାଯାଇଛି । ଅନୁଗୁଳୁରେ ୧୩ପ୍ଲାଟୁନ ଫୋର୍ସ ମୂତୟନ କରାଯାଇଛି ।
ସମ୍ବଲପୁର ଓ ଢ଼େଙ୍କାନାଳରୁ ସ୍ପେଶାଲ ଫୋର୍ସ ମଗାଯାଇଛି । ସେପଟେ ବାଘୁଣୀକୁ ଧରିବା ପାଇଁ ସେଠାକୁ ଯାଇଛନ୍ତି ସ୍ପେଶାଲ ଟ୍ରାଙ୍କୁଲାଇଜ୍ ଟିମ୍ । ସେମାନେ ଆଜି ବାଘକୁ ଟାଙ୍କୁଲାଇଜ୍ କରିପାରନ୍ତି । ଟାଙ୍କୁଲାଇଜ୍ ଟିମ୍ରେ ପଶୁ ବିଶେଷଜ୍ଞ ସାମିଲ ହୋଇଛନ୍ତି । ଡେରାଡୁନର ମଧ୍ୟ ବନ୍ୟଜନ୍ତୁ ବିଶେଷଜ୍ଞ ଆସିଛନ୍ତି । ସେମାନଙ୍କ ସହ ଆଲୋଚନା ପରେ ପରବର୍ତି ପଦକ୍ଷେପ ନିଆଯିବ ବୋଲି କହିଛନ୍ତି ପିସିସିଏଫ୍ । ତେବେ ଏସପି କହିଛନ୍ତି ସାଧାରଣ ଲୋକଙ୍କ ନାଁରେ ହିଂସା ସୃ୍ଷ୍ଟି କରୁଛନ୍ତି କେତେକ ଅସାମାଜିକ ବ୍ୟକ୍ତି ।