କନକ ବ୍ୟୁରୋ : ଏଭଳି ଅଭାବନୀୟ ଘଟଣା ଘଟିଛି କୋରାପୁଟ ସୁନାବେଡା ସ୍ଥିତ ହିନ୍ଦୁସ୍ଥାନ ଆରୋନେଟିକ୍ସ ଲିମିଟେଡ- ହାଲରେ । କଡା ସୁରକ୍ଷା ବଳୟ ଭିତରେ ଥିବା ଏହି ସ୍ଥାନରେ ଜଣେ କର୍ମଚାରୀଙ୍କୁ ଅନ୍ୟ ସହକାରୀ ଜୀବନ୍ତ ଜାଳି ଦେଇଥିବା ଅଭିଯୋଗ ଆସିଛି ।
Kanak News is now on WhatsApp
Join and get latest news updates delivered to you via WhatsApp
ସୁଖୋଇ ବିମାନର ଟେକନିସିଆନ ଭାବେ କାମ କରୁଥିବା ମାନସ ରଂଜନ ସେଠୀଙ୍କୁ ତାଙ୍କ ସହ କାମ କରୁଥିବା ଅନ୍ୟ ତିନିଜଣ ସହକର୍ମୀ ପେଟ୍ରୋଲ ପକାଇ ପୋଡି ଦେଇଥିବା ଅଭିଯୋଗ ହୋଇଛି । ନିଆଁ ଲାଗିଥିବା ଅବସ୍ଥାରେ ମାନସଙ୍କୁ ଅନ୍ୟମାନେ ଉଦ୍ଧାର କରି ପ୍ରଥମେ ସୁନାବେଡା ମେଡିକାଲ ଓ ପରେ ବିଶାଖାପାଟଣା ସ୍ଥାନାନ୍ତର କରାଯାଇଥିଲା । ସେଠାରେ ତାଙ୍କର ମୃତ୍ୟୁ ଘଟିଥିଲା ।
କୋଳରେ ୩ ବର୍ଷର ଝିଅକୁ ଧରି ବାହୁନି ବାହୁନି କାନ୍ଦୁଛନ୍ତି ମାନସଙ୍କ ପତ୍ନୀ । ସ୍ୱାମୀଙ୍କ ମୃତ୍ୟୁ ପଛରେ ହାଲକୁ ଦାୟୀ କରିବା ସହ ୩ ଜଣଙ୍କ କର୍ମଚାରୀଙ୍କ ହାତ ଥିବା ସେ ଅଭିଯୋଗ କରିଛନ୍ତି । ଘଟଣାର ତଦନ୍ତ କରିବା ସହ ଦୋଷୀକୁ ଦଣ୍ଡ ଦାବି କରିଛନ୍ତି ମାନସଙ୍କ ପତ୍ନୀ । ସେପଟେ ପୋଲିସ ଘଟଣାର ତଦନ୍ତ ଆରମ୍ଭ କରିଥିବା ବେଳେ ୩ ଜଣଙ୍କୁ ଅଟକ ରଖି ପଚରା ଉଚୁରା କରୁଛି ।
ଏହା ସହ ଦେଖନ୍ତୁ ଏହି ଭିଡିଓ –