ଜଳିଗଲା ସୁଖୋଇ ବିମାନ : ନାସିକ ନିକଟରେ ସୁଖୋଇ-୩୦ ଏମକେ ବିମାନ ପରୀକ୍ଷାମୂଳକ ଭାବେ ବ୍ୟବହାର କରାଯାଉଥିବା ବେଳେ ଦୁର୍ଘଟଣାଗସ୍ତ
କନକ ବ୍ୟୁରୋ : ସୁଖୋଇ ଯୁଦ୍ଧ ବିମାନ ଦୁର୍ଘଟଣାଗସ୍ତା ମୁମ୍ବାଇ ନାସିକ ନିକଟରେ ସୁଖୋଇ -୩୦ ଏମକେ ବିମାନ ଦୁର୍ଘଟଣାଗସ୍ତ ହୋଇ ଜଳିଯାଇଛିି । ବିମାନଟି ପୁରା ଜଳିଯାଇଥିବା ବେଳେ ସେଥିରେ ଥିବା ୨ ଜଣ ପାଇଲଟ ସୁରକ୍ଷିତ ଅଛନ୍ତି । ଏହି ଯୁଦ୍ଧ ବିମାନଟିକୁ ପରୀକ୍ଷାମୂଳକ ଭାବେ ବ୍ୟବହାର କରାଯାଇଥିବା ବେଳେ ଏହା ଦୁର୍ଘଟଣାଗସ୍ତ ହୋଇଛି ।
Kanak News is now on WhatsApp
Join and get latest news updates delivered to you via WhatsApp
ସୂଚନାଯୋଗ୍ୟ ଏହି ମାସରେ ଗୁଜରାଟର କଚ୍ଛ ଜିଲ୍ଲାରେ ଭାରତୀୟ ବାୟୁସେନାର ଏକ ଜାଗୁଆର ଫାଇଟର ଜେଟ୍ ଦୁର୍ଘଟଣାଗ୍ରସ୍ତ ହୋଇଥିଲା । ଏହା ବ୍ୟତୀତ ଗତବର୍ଷ ମେ ମାସରେ ଚୀନ ସୀମା ନିକଟରେ ଏକ ସୁଖୋଇ ଯୁଦ୍ଧ ବିମାନ ଦୁର୍ଘଟଣାଗ୍ରସ୍ତ ହେବା ଫଳରେ ଦୁଇଜଣ ପାଇଲଟଙ୍କର ମୃତ୍ୟୁ ଘଟିଥିଲା । ପାଇଲଟ ଦ୍ୱୟ ଯଦିଓ ଦୁର୍ଘଟଣା ପୂର୍ବରୁ ସୁଖୋଇ ବିମାନରୁ ନିଜକୁ ଇଜେକ୍ଟ କରି ଦେଇଥିଲେ । ମାତ୍ର ତଳେ ପଡ଼ି ସେମାନେ ଭୟଙ୍କର ଭାବେ ଆହତ ହେବା ସହିତ ମୃତ୍ୟୁ ବରଣ କରିଥିଲେ । ସେହିପରି ୨୦୧୫ରେ ସୁଖୋଇ -୩୦ଏମକେଆଇ ଲଢ଼ୁଆ ବିମାନ ମଧ୍ୟ ଆସାମରେ ଦୁର୍ଘଟଣାଗ୍ରସ୍ତ ହୋଇଥିଲା । ମାତ୍ର ଏଥିରୁ ଏହାର ପାଇଲଟ ଓ କୋ ପାଇଲଟ୍ ନିଜକୁ ସୁରକ୍ଷିତ ଭାବେ ବଞ୍ଚାଇ ପାରିଥିଲେ ।