ଶର୍କରାଯୁକ୍ତ ପାନୀୟ ବଢାଇପାରେ ଆପଣଙ୍କ ଚିନ୍ତା । ଜାଣନ୍ତୁ ନିୟମିତ ପିଇବେ ନାହିଁ କାହିଁକି ?
ଛୋଟ ପିଲା ହୁଅନ୍ତୁ କିମ୍ବା ବୟସ୍କ ସମସ୍ତେ ମୃଦୁ ପାନୀୟକୁ ପସନ୍ଦ କରିଥାନ୍ତି । ବିଶେଷ କରି ଖରା ଦିନେ ଏହାର ପରିମାଣ ଅଧିକ ରହିଥାଏ । ଏହାକୁ ଅନେକ ଲୋକ ମଧ୍ୟ ନିୟମିତ ପିଉଛନ୍ତି । କିନ୍ତୁ ଆଜିକାଲି ଏଭଳି ମୃଦୁ ପାନୀୟ ବଜାରକୁ ଆସିଲାଣି ଯାହା କେବଳ ଖରାଦିନେ ଅଧିକ ବିକ୍ରି ହୁଏ ନାହିଁ ବରଂ ଅନ୍ୟ ଦିନ ମାନଙ୍କରେ ମଧ୍ୟ ଲୋକମାନେ ପ୍ରଚୁର ମାତ୍ରାରେ ପିଉଥିବାର ଦେଖିବାକୁ ମିଳୁଛି । ଏକ ଗବେଷଣାରୁ ଜଣାପଡ଼ିଛିଯେ ଅଧିକ ମିଠା ଖାଇବା ଦ୍ୱାରା ମୋଟାପଣ ବଢିଥାଏ ।
Kanak News is now on WhatsApp
Join and get latest news updates delivered to you via WhatsApp
୨୦୧୩ରୁ ୧୦୧୫ କରାଯାଇଥିବା ୩୦ଟି ଅଧ୍ୟୟନରୁ ଜଣାପଡ଼ିଛିଯେ ଅଧିକ ମିଠା ଖାଇବା ଦ୍ୱାରା କେବଳ ଓଜନରେ ବୃଦ୍ଧି ଘଟି ନଥାଏ ବରଂ ମେଦ ବହୁଳତା ମଧ୍ୟ ହୋଇଥାଏ । ୩ ବର୍ଷ ଧରି ଅଧ୍ୟୟନ କରିବା ପରେ ଫଳାଫଳ ଆସିଲାଯେ ଛୋଟ ପିଲାଙ୍କ ଠାରୁ ଆରମ୍ଭ କରି ବୟସ୍କ ପର୍ଯ୍ୟନ୍ତ ଅଧିକାଂଶଙ୍କର ଓଜନ ବୃଦ୍ଧି ହେବା ସହିତ ମେଦ ବହୁଳତା ମଧ୍ୟ ହୋଇଛି ।
ଏହି ଅଧ୍ୟୟନରେ ମୋଟ ୨,୪୪,୬୫୧ ପ୍ରତିଯୋଗୀଙ୍କୁ ସାମିଲ କରାଯାଇଥିଲା । ଅଧ୍ୟୟନର ଭୌଗୋଳିକ କ୍ଷେତ୍ର ଅନୁସାରେ ଇଉରୋପରେ ୩୩ ପ୍ରତିଶତ, ଆମେରିକାରେ ୨୩ ପ୍ରତିଶତ, ମଧ୍ୟ ଏବଂ ଦକ୍ଷିଣ ଆମେରିକାରେ ୧୭ ପ୍ରତିଶତ, ଅଷ୍ଟ୍ରେଲିଆରେ ୧୦ ପ୍ରତିଶତ, ଦକ୍ଷିଣ ଆଫ୍ରିକାରେ ୧୦ ପ୍ରତିଶତ ଏବଂ ଇରାନ, ଥାଇଲାଣ୍ଡ ଏବଂ ଜାପାନରେ ୧୦ ପ୍ରତିଶତ ।
ମୃଦୁ ପାନୀୟ ଶରୀର ପାଇଁ ସଂପୂର୍ଣ୍ଣ କ୍ଷତିକାରକ । ଡାଏଟରେ ରହୁଥିବା ବ୍ୟକ୍ତି ଏହାକୁ ପିଇବା ଅନୁଚିତ । ମେଦ ବହୁଳତା ଓ ଓଜନ ବୃଦ୍ଧି ଏକ ବିରାଟ ସମସ୍ୟା ହୋଇଥିବାରୁ ଅତ୍ୟାଧିକ ମୃଦୁ ପାନୀୟ ଠାରୁ ଦୂରେଇ ରହିବା ଆବଶ୍ୟକ । କାରଣ ମେଦ ବହୁଳତା ଅନ୍ୟ କେତେକ ରୋଗକୁ ମଧ୍ୟ ଜନ୍ମ ଦେଇଥାଏ ।