କନକ ବ୍ୟୁରୋ : ମାସ ଚାରିଟାରେ ଟମାଟୋ ଦର ୧୦୦ ଗୁଣା । ଫେବ୍ରୁଆରୀ ମାସରେ ଯେଉଁଠି ଟମାଟୋ କିଲୋ ୭୦ ପଇସାରେ କିଣିବାକୁ ରାଜି ହେଉନଥିଲେ ବ୍ୟବସାୟୀ, ଏବେ ସେହି ଟମାଟୋ ବାହାରୁ ଆସି ୭୦ ଟଙ୍କାରେ ବିକ୍ରି ହେଉଛି । ନିଜ ରାଜ୍ୟରେ ଉତ୍ପାଦିତ ଟମାଟୋକୁ ସାଇତି ରଖିବାକୁ ବ୍ୟବସ୍ଥା କରିପାରିଲେନି ସରକାର । ଉଚିତ ମୂଲ୍ୟ ନମିଳିବାରୁ ରାସ୍ତାରେ ଟମାଟୋ ଫିଙ୍ଗିଦେବାକୁ ବାଧ୍ୟହେଲେ ଚାଷୀ । ଏବେ ବେଙ୍ଗାଳୁରୁରୁ ଆମଦାନୀ ହେଉଛି ଟମାଟୋ, ଯାହାକୁ ଖୁଚୁରା ବଜାରରୁ ୬୦ରୁ ୭୦ ଟଙ୍କାରେ କିଣୁଛନ୍ତି ଖାଉଟି ।
Kanak News is now on WhatsApp
Join and get latest news updates delivered to you via WhatsApp
ଏପଟେ ଏଭଳି ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ଅତି ଖାମଖିଆଲି ଭାବେ ମନ୍ତବ୍ୟ ଦେଇଛନ୍ତି କୃଷିମନ୍ତ୍ରୀ ଡାକ୍ତର ଦାମୋଦର ରାଉତ । କହିଛନ୍ତି ବିଲାତି ଜିନିଷ ଖାଉଛ କାହିଁକି । ବାଇଗଣ ଥାଇକି ବିଲାତି ବାଇଗଣ ପ୍ରତି ଏତେ ପ୍ରୀତି କଣ ପାଇଁ । ଏଭଳି ଏକ ଗୁରୁତ୍ୱପୂର୍ଣ୍ଣ ପ୍ରସଙ୍ଗରେ ରାଜ୍ୟ କୃଷିମନ୍ତ୍ରୀଙ୍କ ଦାୟିତ୍ୱହୀନ ମନ୍ତବ୍ୟ ସବୁଠାରୁ ବେଶି ଚର୍ଚ୍ଚାର କାରଣ ହୋଇଛି ।