ଗଞ୍ଜାମ ଜିଲ୍ଲା ମହୋବରପୁର ଗ୍ରାମରେ ଦୁଃଖଦ ଘଟଣା ! ୩୦ ଟଙ୍କା ଚୋରିର ଅପମାନ ସହିନପାରି ଆତ୍ମହତ୍ୟା କଲେ ଛାତ୍ର
କନକ ବ୍ୟୁରୋ : ୩୦ ଟଙ୍କା ଚୋରିର ଅପମାନ ସହିନପାରି ଆତ୍ମହତ୍ୟା କଲେ ଛାତ୍ର । ଗଞ୍ଜାମ ଜିଲ୍ଲା ଖଲିକୋଟ ଥାନା ଅର୍ନ୍ତଗତ ମହୋବରପୁର ଗ୍ରାମରେ ଏକ ଦୁଃଖଦ ଘଟଣା ଘଟିଛି । ଟଙ୍କା ଚୋରୀ ଅଭିଯୋଗ ଆସିବା ପରେ ଅପମାନ ସହି ନପାରି ବାଳକ ଜଣକ ବିଷପିଇ ଆତ୍ମହତ୍ୟା କରିଛି ବୋଲି ପରିବାର ଲୋକ ଅଭିଯୋଗ କରିଛନ୍ତି।
Kanak News is now on WhatsApp
Join and get latest news updates delivered to you via WhatsApp
ଦୁଇ ଦିନ ପୂର୍ବରୁ ମାଙ୍କ ନିର୍ଦ୍ଦେଶ କ୍ରମେ ବଜାରକୁ ଛାତ୍ର ଜଣକ ଯାଇଥିଲେ । କିନ୍ତୁ ସେଠାରେ ସେ ୩୦ ଟଙ୍କା ଚୋରି କରିଥିବା ଅଭିଯୋଗ ହୋଇଥିଲା । ଏହାପରେ ଲୋକମାନେ ଛାତ୍ରକୁ ସ୍କୁଲଯିବା ସମୟରେ ଗାଁ ଦାଣ୍ଡରେ ମାଡ଼ ମାରିଥିଲେ ଓ ମାକୁ ମଧ୍ୟ ଗାଳି ଗୁଲଜ କରିଥିଲେ । ଏହାପରେ ବାଳକ ଏହି ଅପମାନ ସହି ନପାରି ସେ କୀଟନାଶକ ଖାଇଦେଇଥିଲେ । ଏହାପରେ ଗୁରତର ହେବାପରେ ବ୍ରହ୍ମପୁର ବଡ଼ମେଡ଼ିକାଲରେ ଭର୍ତି କରାଯାଇଥିଲା । ସେଠାରେ ତାଙ୍କର ମୃତ ହୋଇଥିଲା ।