ବିନା ଖର୍ଚ୍ଚରେ କରିହେବ ଚାଷ, ପ୍ରଶିକ୍ଷଣ ଦେଉଛନ୍ତି କୃଷକ ସୁଭାଷ ପାଲେକର ! କୃଷକଙ୍କ ପାଇଁ ସାଜିଛନ୍ତି ପ୍ରେରଣା
ଭାରତ ଏକ କୃଷିପ୍ରଧାନ ଦେଶ । ଆମ ଦେଶରେ ବିଭିନ୍ନ ପ୍ରକାର ଚାଷ କରାଯାଏ । ଚାଷ ଉପରେ ପ୍ରାୟ ୬୦ ରୁ ଅଧିକ ପ୍ରତିଶତ ଲୋକ ନିର୍ଭରଶୀଳ । ଧାନ ଚାଷ, ପରିବା ଚାଷ ଆଦି କରାଯାଏ । ଏତେ ଲୋକ ଚାଷ ଉପରେ ନିର୍ଭର କଲେ ସୁଦ୍ଧା ଉତ୍ପାଦନ କ୍ଷେତ୍ରରେ ଭାରତ ବହୁତ ପଛୁଆ । ଆଉ ଅମଳ ଭଲ ହେଉ ନଥିବାରୁ ଅନେକ ସମୟରେ ଚାଷୀମାନେ ଆତ୍ମହତ୍ୟା କରୁଥିବା ଘଟଣା ସାମ୍ନାକୁ ଆସୁଛି । ତେବେ ଆପଣ ଜାଣନ୍ତି କି ବିନା ଖର୍ଚ୍ଚରେ ମଧ୍ୟ ଆପଣ ଚାଷ କରି ଭଲ ଉତ୍ପାଦନ କରିପାରିବେ । ଆଉ ଲାଭବାନ ହୋଇପାରିବେ । ଆପଣ ଚିନ୍ତା କରୁଥିବେ ବିନା ଟଙ୍କା ଖର୍ଚ୍ଚ କରି କିପରି ଚାଷ ସମ୍ଭବ । ତେବେ ଏହାକୁ ସତ କରି ଦେଖାଇଛନ୍ତି ସୁଭାଷ ପାଲେକର ।
Kanak News is now on WhatsApp
Join and get latest news updates delivered to you via WhatsApp
ବିଦେଶର କୃଷି ବିଶ୍ୱବିଦ୍ୟାଳୟ ଠାରୁ ଆରମ୍ଭ କରି ଆମ ଦେଶରେ ଏବେ ସମସ୍ତଙ୍କ ମୁହଁରେ ଗୋଟିଏ ନାଁ ସୁଭାଷ । କିଛି ବର୍ଷ ପୂର୍ବରୁ ଲୋକେ ଚିନ୍ତା କରୁଥିଲେ, ବଜାରରୁ ବିନା କିଛି ସାମଗ୍ରୀ କିଣି କିମ୍ବା କିଛି ନିବେଶ ନକରି ଅଧିକ ଲାଭ ମିଳିବ ନାହିଁ । ତେବେ ଏପରି ଅସମ୍ଭବକୁ ସମ୍ଭବ କରି ଦେଖାଇଛନ୍ତି ସୁଭାଷ ପାଲେକର । ମହାରାଷ୍ଟ୍ର ଅମରାବତୀ ଜିଲ୍ଲା ବାସିନ୍ଦା ହେଲେ ସୁଭାଷ ପାଲେକର । କିଛି ଟଙ୍କା ଖର୍ଚ୍ଚ ନକରି ବା ନିନା ଟଙ୍କାରେ ହେଉଥିବା କୃଷିର ଜନ୍ମଦାତା ସିଏ । କୃଷକଙ୍କୁ ପ୍ରଶିକ୍ଷଣ ଦେବା ତାଙ୍କର ଲକ୍ଷ୍ୟ । ସୁଭାଷ ପାଲେକାର କହିଛନ୍ତି, କୃଷିରେ ସ୍ନାତକ କରିିବାପରେ ସେ ନିଜ ଗାଁର ୧୯୭୩ ରୁ ୧୯୮୫ ପର୍ଯ୍ୟନ୍ତ ଚାଷ କରିଥିଲେ । କିନ୍ତୁ ଆଧୁନିକ ଓ ରାସାୟନିକ ସାରା ବିନା ଉତ୍ପାଦନ ବଢ଼ିପାରିଲା ନାହିଁ । ସୁଭାଷଙ୍କ ଅନୁସାରେ ଜମିରେ ପର୍ଯ୍ୟାପ୍ତ ପରିମାଣ ସାର ସଇ ଖତ ଆଦି ଦେବା ପରେ ମଧ୍ୟ ଉତ୍ପାଦନ ବଢ଼ୁନି ।
କୃଷିରେ ଉତ୍ପାଦନ ନବଢ଼ିବା ପରେ ସେ ତାଙ୍କର ଶିକ୍ଷକଙ୍କୁ ଏହାର କାରଣ ପଚାରିଲେ । ତଥାପି ତାଙ୍କୁ ସନ୍ତୋଷଜନକ ଉତ୍ତର ମିଳିଲା ନାହିଁ । ସେ ଦିନେ ଚିନ୍ତା କରୁ କରୁ ଜଙ୍ଗଲ ଭିତରକୁ ପଶିଗଲେ । ଆଉ ଜଙ୍ଗଲକୁ ଦେଖି ତାଙ୍କ ମନରେ ଉଙ୍କିମାରିଲା ପ୍ରଶ୍ନ । ଜଙ୍ଗଲକୁ ଦେଖି ଚିନ୍ତା ସେ କଲେ ବିନା ସହାୟତାରେ ଜଙ୍ଗଲ କେତେ ସବୁଜ ଆଉ ସୁନ୍ଦର । ତାଙ୍କର ପୋଷଣ ପାଇଁ ରାସାୟନିକ ସାର ଦରକାର ପଡ଼ୁନାହିଁ । ସେହି ଆଧାରରେ ସସେ ବିନା ଟଙ୍କା ଖର୍ଚ୍ଚରେ କୃଷି କରିବା ପାଇଁ ମନସ୍ଥ କରିଥିଲେ । ୧୫ ବର୍ଷର ଅନୁସନ୍ଧାନ ପରେ ସେ ଏକ ପଦ୍ଧତି ବିକଶିତ କରିଥିଲେ । ଯାହାକୁ ଶୂନ୍ୟମୂଲ୍ୟରେ କୃଷି ବୋଲି ନାଁ ଦେଇଥିଲେ । ଏହି ପଦ୍ଧତିର ପ୍ରସାର ଆଉ ପ୍ରଚାର ପାଇଁ ସେ କୃଷକଙ୍କୁ ପ୍ରଶିକ୍ଷଣ ଦେଉଛନ୍ତି । ସେ କହିଛନ୍ତି ଶୁନ୍ୟ ନିବେଶରେ ପ୍ରାକୃତିକ ଚାଷ ପାଇଁ ପ୍ରଶିକ୍ଷଣ ଦେବା ପାଇଁ ସେ ଦେଶ ତଥା ବିଦେଶ ଭ୍ରମଣ କରିଛନ୍ତି । ଆଜି ଏହି ଉପାୟ ଅପାଣାଇ ଲକ୍ଷ ଲକ୍ଷ ଲୋକେ ବିନା ଟଙ୍କାରେ ଅଧିକ ଆୟ କରିବାରେ ସଫଳ ହୋଇପାରୁଛନ୍ତି ।
ଦେଶର କୃଷିରେ ସୁଭାଷ ପାଲେକରଙ୍କ ଯୋଗଦାନ ନେଇ ତାଙ୍କୁ ଅନେକ ସମ୍ମାନରେ ମଧ୍ୟ ସମ୍ମାନିତ କରାଯାଇଛି । ୨୦୧୬ରେ ତାଙ୍କୁ ପଦ୍ମଶ୍ରୀ ଉପାଧିରେ ବିଭୂଷିତ କରିଥିଲେ ଭାରତ ସରକାର । ଆନ୍ଧ୍ରପ୍ରଦେଶର ଚନ୍ଦ୍ରବାବୁ ନାଇଡ଼ୁ ସରକାର ତାଙ୍କୁ କୃଷି ପରାମର୍ଶଦାତା ନିଯୁକ୍ତ କରିଛନ୍ତି । ଏହା ସହ ବିନା ଟଙ୍କାରେ ପ୍ରାକୃତିକ କୃଷି ବିଦ୍ୟାଳୟ ସ୍ଥାପନ କରିବା ପାଇଁ ଘୋଷଣା କରିଛନ୍ତି ଆନ୍ଧ୍ରପ୍ରଦେଶ । ବର୍ତ୍ତମାନ କୃଷକଙ୍କ ସେବରେ ଜୀବନ ବ୍ୟତୀତ କରୁଛନ୍ତି ସୁଭାଷ । ସବୁଠାରୁ ବଡ଼କଥା ହେଲା ସେ କୃଷକଙ୍କୁ ବିନା ମୂଲ୍ୟରେ ତଥା ନିଶୁଳ୍କ ପ୍ରଶିକ୍ଷଣ ପ୍ରଦାନ କରୁଛନ୍ତି । ଏହାବ୍ୟତୀତ ସେ ହିନ୍ଦି ,ଇଂରାଜୀ, ମରାଠୀ ସହିତ ଅନେକ ଭାଷାରେ ୧୫ରୁ ଅଧିକ ବହି ଲେଖିଛନ୍ତି ।