ସବଇନସପେକ୍ଟରରୁ ବିଚାରପତି : ଦେଶର ସବୁଠୁ ଚର୍ଚ୍ଚିତ ଟୁଜି ଦୁର୍ନୀତିର ରାୟ ଶୁଣାଇଥିବା ବିଚାରପତିଙ୍କ ବିଷୟରେ ଜାଣନ୍ତୁ ।
ଆଜି ଦେଶର ସବୁଠାରୁ ବଡ ଦୁର୍ନୀତି ଟୁଜି ସ୍କାମର ରାୟ ଆସିଛି । ଏହି ରାୟ ପ୍ରକାଶ ପାଇବାପରେ ଯେତିକି ଚର୍ଚା ହୋଇଥିଲା ତାଠାରୁ ଅଧିକ ଚର୍ଚ୍ଚାରେ ରହିଥିଲେ ରାୟ ଶୁଣାଇଥିବା ବିଚାରପତି ଓ.ପି. ସାଇନି । ଦେଶର ସବୁଠାରୁ ବଡ ଦୁର୍ନୀତିରେ ଅଭିଯୁକ୍ତ ଥିଲେ ତତକାଳୀନ ଟେଲିକମ ମନ୍ତ୍ରୀ ଏ.ରାଜା । ସାତ ବର୍ଷ ଧରି ଚାଲିଥିବା ଏହି ମାମଲାରେ ଏ.ରାଜା ଓ ସାଂସଦ କାନିମୋଝୀଙ୍କ ସମେତ ସମସ୍ତ ଅଭିଯୁକ୍ତଙ୍କୁ ଦୋଷମୁକ୍ତ କରିଛନ୍ତି ସିବିଆଇର ସ୍ୱତନ୍ତ୍ର ଅଦାଲତ ।
Kanak News is now on WhatsApp
Join and get latest news updates delivered to you via WhatsApp
ଦେଶର ସବୁଠାରୁ ବଡ ଦୁର୍ନୀତିର ରାୟ ଶୁଣାଇଥିବା ସେହି ଜଣାଶୁଣା ବିଚାରପତିଙ୍କ ବିଷୟରେ ଜାଣିବା କିଛି ଗୁରୁତ୍ୱପୂର୍ଣ୍ଣ ତଥ୍ୟ:
-୬୨ ବର୍ଷିୟ ବିଚାରପତି ଦିଲ୍ଲୀ ପୋଲିସର ସବଇନସପେକ୍ଟର ଭାବେ କ୍ୟାରିୟର ଆରମ୍ଭ କରିଥିଲେ । ଛଅ ବର୍ଷ ଚାକିରୀ କରିବା ପରେ ଜୁଡିସିଆଲ ମାଜଷ୍ଟ୍ରେଟ ପରୀକ୍ଷା ଦେଇ ସଫଳତା ପାଇଥିଲେ ।
– ଟୁଜି କେସର ପରିଚାଳନା ପାଇଁ ସୁପ୍ରିମକୋର୍ଟର ବିଚାରପତି ଜି.ଏସ. ସାଙ୍ଗଭି ଓ ଏ.କେ. ଗାଙ୍ଗୁଲିଙ୍କ ଖଣ୍ଡପୀଠ ସାଇନିଙ୍କୁ ବାଛିଥିଲେ । କେନ୍ଦ୍ର ସରକାରଙ୍କୁ ସ୍ୱତନ୍ତ୍ର କୋର୍ଟରେ ବିଚାରପତି ଭାବେ ସାଇନିଙ୍କୁ ଦାୟିତ୍ୱ ଦିଆଯାଇଥିଲା ।
-ଟୁଜି କେସ ପରିଚାଳନା ପୂର୍ବରୁ କମନ ୱେଲଥ ଗେମସର ଶୁଣାଣି କରିଥିଲେ । ସୁରେଶ କାଲମାଡିଙ୍କ ସହଯୋଗୀ ଲଳିତ ଭାନଟ, ଭିକେ ବର୍ମା, କେ. ୟୁ.କେ. ରେଡ୍ଡୀ, ପ୍ରବୀଣ ବାଗଚି, ଦେଓରଖର ଶେଖରଙ୍କୁ ଜେଲ ପଠାଇଥିଲେ ।
-ଓପି ସାଇନି ଜଣେ କଡା ବିଚାରପତି ଭାବେ ଜଣାଶୁଣା ଥିଲେ । ଟୁଜି ଦୁର୍ନୀତି ମାମଲାରେ ଅଭିଯୁକ୍ତ କାନିମୋଝୀ ଓ ଅନ୍ୟ ସାତ ଜଣଙ୍କୁ ଜାମିନ ଦେଇନଥିଲେ ।
-ବିଚାରପତି ସାଇନି ମଧ୍ୟ ନାଲୋକ ବିରୋଧରେ ଆସିଥିବା ଦୁର୍ନୀତିର ଶୁଣାଣି କରିଥିଲେ ଏବଂ ତତକାଳୀନ ନାଲୋକ ଚେୟାରମ୍ୟାନ ଏ.କେ. ଶ୍ରୀବାସ୍ତବଙ୍କୁ ବେଲ ଦେବାକୁ ମନାକରିଦେଇଥିଲେ ।
-୨୦୦୦ ମସିହା ଡିସେମ୍ବର ମାସରେ ହୋଇଥିବା ରେଡଫୋର୍ଟ ଗୁଳିକାଣ୍ଡ ମାମଲାର ଶୁଣାଣି କରି ମୁଖ୍ୟ ଅଭିଯୁକ୍ତକୁ ଫାଶୀ ଓ ଅନ୍ୟ ୬ଜଣଙ୍କୁ ଆଜୀବନ ଦଣ୍ଡାଦେଶ ଶୁଣାଇଥିଲେ । ଆର୍ମି କ୍ୟାମ୍ପ ଉପରେ ଆକ୍ରମଣ କରି ୩ଜଣ ଯବାନଙ୍କୁ ମାରିଥିଲେ ଆରିଫ ଓ ତାଙ୍କ ସହଯୋଗୀ । ୨୦୦୫ରେ ଆରିଫଙ୍କୁ ଫାଶୀ ଶୁଣାଇଥିଲେ ସାଇନି ଯାହାକୁ ଦିଲ୍ଲୀ ହାଇକୋର୍ଟ ଓ ସୁପ୍ରିମକୋର୍ଟ କାଏମ ରଖିଥିଲେ ।