ପ୍ରଚୁର ଟଙ୍କା କମାଇବା ଲୋଭରେ ମା’ ଓ ଶିଶୁଙ୍କ ଜୀବନ ସହ ଖେଳୁଛି ଡାକ୍ତରଖାନା ! ଅନାବଶ୍ୟକ ପରିସ୍ଥିତିରେ ମଧ୍ୟ ସିଜରିଆନ୍ ଡେଲିଭରି କରି ଲୁଟିନେଉଛି ଟଙ୍କା ।
ବର୍ଷେ ମଧ୍ୟରେ ଭାରତରେ ବେସରକାରୀ ଡାକ୍ତରଖାନାରେ ହୋଇଥିବା ୭୦ ଲକ୍ଷ ପ୍ରସବରୁ ୯ ଲକ୍ଷ ପ୍ରସବ ପୂର୍ବ ଯୋଜନା ତଥା ସୂଚନା ନ ଦିଆଯାଇ ସିଜରିଆନ୍ ପ୍ରକ୍ରିୟାରେ କରାଯାଇଛି । ଯାହାକୁ ଚାହିଁଲେ ଡାକ୍ତର ରୋକି ପାରିଥାନ୍ତେ ଏବଂ ପ୍ରସବ ନର୍ମାଲ୍ ହୋଇପାରିଥାନ୍ତା । କିନ୍ତୁ ମା ଏବଂ ଶିଶୁର ଜୀବନ ଆଗରେ ଡାକ୍ତରଙ୍କୁ ଅଧିକ ଟଙ୍କାର ଲୋଭ ରହିଥିଲା । ଅଧିକ ଟଙ୍କା କମାଇବା ପାଇଁ ବେସରକାରୀ ଡାକ୍ତରଖାନାରେ ଡାକ୍ତର ନର୍ମାଲ ଡେଲିଭରି ଅପେକ୍ଷା ସିଜରିଆନ୍ ଡେଲିଭରି କରିଥାନ୍ତି ।
Kanak News is now on WhatsApp
Join and get latest news updates delivered to you via WhatsApp
ଭାରତୀୟ ପ୍ରବନ୍ଧନ ସଂସ୍ଥା ଅହମ୍ମଦାବାଦ ଆଇଆଇଏମ୍ –ଏ ତରଫରୁ ଏକ ଅଧ୍ୟୟନରେ କୁହାଯାଇଛି ଯେ, ଡାକ୍ତରଙ୍କ ଏଭଳି ଚିକିତ୍ସା ଦ୍ୱାରା ନା କେବଳ ଲୋକଙ୍କ ପକେଟ୍ ଖାଲି ହୁଏ ମା’ ସ୍ତନ୍ୟପାନ କରିବାରେ ମଧ୍ୟ ଅମଙ୍ଗ ହୁଏ । ନବଜାତ ଶିଶୁର ଓଜନ ହ୍ରାସ ପାଏ,ନିଶ୍ୱାସ ପ୍ରଶ୍ୱାସ ନେବାରେ ଅସୁବିଧା ଉପୁଜେ । ଅଧ୍ୟୟନ ମୁତାବକ ଯେଉଁ ମହିଳା ପ୍ରସବ ପାଇଁ ବେସରକାରୀ ଡାକ୍ତରଖାନାର ଚୟନ କରନ୍ତି ସେମାନଙ୍କୁ ଏଠାରେ କହିରଖୁଛୁ କି ସରକାରୀ ଡାକ୍ତରଖାନା ତୁଳନାରେ ବେସରକାରୀ ସଂସ୍ଥାରେ ପୂର୍ବ ଯୋଜନା ତଥା କୌଣସି ସୁଚନା ନଦେଇ ସିଜରିଆନ୍ ପ୍ରକ୍ରିୟାରେ ଡେଲିଭରୀ କରାଯାଏ । ଭାରତରେ ୪୦.୯ ପ୍ରତିଶତ ପ୍ରସବ ସିଜରିଆନ୍ ପ୍ରକ୍ରିୟାରେ ବେସରକାରୀ ଡାକ୍ତରଖାନାରେ ହୋଇଥାଏ । ତେବେ ସର୍ଭେରୁ ଏହା ପଛର କାରଣ ପ୍ରଚୁର ଟଙ୍କା କମାଇବା କମାଇବା ବୋଲି ଜଣାପଡିଛି । ନର୍ମାଲ୍ ଡେଲିଭରିରେ ଯେଉଁଠି ୧୦,୮୧୪ ଟଙ୍କା ଖର୍ଚ୍ଚ ହୁଏ ସିଜରିଆନ୍ ରେ ୨୩,୯୭୮ ଟଙ୍କା ଖର୍ଚ୍ଚ ହୁଏ ।
ଅଧ୍ୟୟନରୁ ଏହା ମଧ୍ୟ ଜାଣିବାକୁ ମିଳିଛି ଯେ ସିଜରିଆନ୍ ପଦ୍ଧତିରେ ଛୁଆ ଜନ୍ମ ହେଲେ ମାତୃ ଏବଂ ଶିଶୁ ମୃତ୍ୟୁ ଦର ଏବଂ ରୋଗରୁ ବଚିଂପାରିବେ । କିନ୍ତୁ ଅନାବଶ୍ୟକ ମୁହୂର୍ତ୍ତରେ ଏଭଳି ପ୍ରକ୍ରିୟାକୁ ଆପଣାଇଲେ ଏହାର ଓଲଟା ପ୍ରଭାବ ମା’ପିଲା ଉପରେ ପଡିଥାଏ ।