ନବମ ଶ୍ରେଣୀରୁ ବିଦ୍ୟାର୍ଥୀଙ୍କୁ କ୍ୟାରିୟର ଚୟନ କରିବାର ମିଳେ ସୁଯୋଗ : ପାଠପଢ଼ା ସହିତ ବମ୍ ନିଷ୍କ୍ରିୟ କରିବା ଏବଂ ପିସ୍ତଲ ଚଲାଇବାର ଦିଆଯାଏ ପ୍ରଶିକ୍ଷଣ
ଛାତ୍ରଛାତ୍ରୀଙ୍କୁ ପାଠପଢ଼ା ସହିତ ବମ୍ ନିଷ୍କ୍ରିୟ କରିବା ଓ ପିସ୍ତଲ ଚଲାଇବାର ଟ୍ରେନିଙ୍ଗ ଦିଆଯାଏ
ଦମୋହ ଜିଲ୍ଲାରେ ଏମିତି ଏକ ସ୍କୁଲ ଅଛି, ଯେଉଁଠି ଛାତ୍ରଛାତ୍ରୀଙ୍କୁ ପାଠପଢ଼ା ସହିତ ବମ୍ ନିଷ୍କ୍ରିୟ କରିବା ଓ ପିସ୍ତଲ ଚଲାଇବାର ଟ୍ରେନିଙ୍ଗ ଦିଆଯାଏ । ଏପର୍ଯ୍ୟନ୍ତ ଦ୍ୱାଦଶ ପାସ୍ କରିବା ପରେ ହିଁ ଅଧିକାଂଶ ଛାତ୍ରଛାତ୍ରୀ କ୍ୟାରିୟରର ରାସ୍ତା ବାଛନ୍ତି । କିନ୍ତୁ ଏବେ ତାଙ୍କୁ ଏହି କ୍ୟାରିୟର ନିର୍ଦ୍ଧାରଣ କରିବାର ସୁଯୋଗ ନବମ ଶ୍ରେଣୀରେ ପ୍ରବେଶ କରୁ କରୁ ମିଳିବା ଆରମ୍ଭ ହେଲାଣି ।
Kanak News is now on WhatsApp
Join and get latest news updates delivered to you via WhatsApp
ଜାତୀୟ ମାଧ୍ୟମିକ ଶିକ୍ଷା ଅଭିଯାନ ଅଧିନରେ ନବମ ଶ୍ରେଣୀରେ ପହଂଚିବାକୁ ଥିବା ବିଦ୍ୟାର୍ଥୀଙ୍କ ପାଇଁ ନୂଆ ଟ୍ରେଡ ବିଷୟ ଆରମ୍ଭ କରାଯାଇଛି । ଯାହା ଅଧିନରେ ନବମ ଶ୍ରେଣୀରେ ପହଂଚିବା କ୍ଷଣି ଛାତ୍ରଛାତ୍ରୀ ଏହା ନିର୍ଦ୍ଧାରିତ କରିବପାରିବେ କି, ତାଙ୍କୁ ଭବିଷ୍ୟତରେ କେଉଁ ବ୍ୟବସାୟ କରିବେ । ଏକ୍ସିଲେନ୍ସ ସ୍କୁଲରେ ନବମ ଶ୍ରେଣୀରେ ପ୍ରବେଶ କରୁଥିବା ପିଲାଙ୍କ ପାଇଁ ସିକ୍ୟୁରିଟି ଏବଂ ସୂଚନା ଓ ପ୍ରଯୁକ୍ତିିବିଦ୍ୟା ଟ୍ରେଡ୍ ଆରମ୍ଭ କରାଯାଇଛି ।
ଏହି ଟ୍ରେଡରେ ଶ୍ରେଣୀ ନବମ ଓ ଦଶମରେ ସଂସ୍କୃତ ବିଷୟ ସ୍ଥାନରେ ଏବଂ ଶ୍ରେଣୀ ଏକାଦଶ ଓ ଦ୍ୱାଦଶରେ ଇଂରାଜୀ ବିଷୟ ସ୍ଥାନରେ ନିଆଯାଏ, ଯେଉଁଥିପାଇଁ ଏଇଠି ଏକ ବିଶେଷ ଲ୍ୟାବ ନିର୍ମାଣ କରାଯାଇଛି । ଯେଉଁଥିରେ ସୁରକ୍ଷା ସମ୍ବନ୍ଧିତ ସମସ୍ତ ପ୍ରକାରର ଉପକରଣ ରଖାଯାଇଛି । ଯାହା ମାଧ୍ୟମରେ ସେ ପିଲାଙ୍କୁ ପ୍ରାକ୍ଟିକାଲ ମାଧ୍ୟମରେ ପ୍ରଶିକ୍ଷଣ ଦିଆଯାଏ । ଏଥିରେ ବମ୍ କୁ ନିଷ୍କ୍ରିୟ କରିବା ବ୍ୟତୀତ ଭିଭିଆଇପି ସୁରକ୍ଷା ସମ୍ବନ୍ଧିତ ସମସ୍ତ ପ୍ରକାରର ଉପକରଣ ବିଷୟରେ ପ୍ରଶିକ୍ଷଣ ଦିଆଯାଏ । ଦ୍ୱାଦଶ ଶ୍ରେଣୀ ପରେ ଏହି କୋର୍ସ ସଂପୂର୍ଣ୍ଣ ହେବାପରେ ସିଧାସଳଖ ବ୍ୟକ୍ତିଗତ ଓ ସରକାରୀ ସୁରକ୍ଷା ଏଜେନ୍ସିରେ ପ୍ରାଥମିକତା ସହିତ ଚୟନ କରାଯାଏ ।