ଦିଲ୍ଲୀରେ ଆଉ ଏକ ପ୍ରଦ୍ୟୁମ କାଣ୍ଡ । ସନ୍ଦେହ ଘେରରେ ଖଜୁରୀଖାସ ସ୍କୁଲର ନବମ ଶ୍ରେଣୀ ଛାତ୍ରଙ୍କ ମୃତ୍ୟୁ । ବାଥରୁମରୁ ମିଳିଲା ମୃତଦେହ
କନକ ବ୍ୟୁରୋ : ଦିଲ୍ଲୀରେ ଆଉ ଏକ ପ୍ରଦ୍ୟୁମର ହତ୍ୟାକାଣ୍ଡ । ଦିଲ୍ଲୀ ଖଜୁରୀଖାସ ଅଂଚଳରେ ଥିବା ଜୀବନ ଜ୍ୟୋତି ନାମକ ଏକ ଘରୋଇ ସ୍କୁଲରେ ଜଣେ ନବମ ଶ୍ରେଣୀ ଛାତ୍ରଙ୍କର ସନ୍ଦେହଜନକ ଅବସ୍ଥାରେ ମୃତ୍ୟୁ ହୋଇଛି । ସ୍କୁଲର ବାଥରୁମରୁ ଛାତ୍ର ଜଣକୁ ଅଚେତ ଅବସ୍ଥାରେ ଉଦ୍ଧାର କରାଯାଇଥିଲା । ତାଙ୍କୁ ଡାକ୍ତରଖାନାକୁ ନିଆଯିବା ପରେ ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଛନ୍ତି ।
Kanak News is now on WhatsApp
Join and get latest news updates delivered to you via WhatsApp
ଛାତ୍ରର ଅସୁସ୍ଥତା ନେଇ ସ୍କୁଲ କର୍ତୃପକ୍ଷ ତାଙ୍କ ପରିବାରକୁ କୌଣସି ସଠିକ ସୂଚନା ଦେଇନଥିବା ପରିବାର ଲୋକେ ଅଭିଯୋଗ କରିଛନ୍ତି । ଛାତ୍ର ଜଣକୁ ବିଳମ୍ବରେ ଡାକ୍ତରଖାନା ନିଆଯାଇଥିବା ଯୋଗୁଁ ତାର ମୃତ୍ୟୁ ହୋଇଥିବା ପରିବାର ଲୋକେ ଅଭିଯୋଗ କରିଛନ୍ତି । ଏହାକୁ ନେଇ ସ୍କୁଲ ଫାଟକ ନିକଟରେ ଅଭିଭାବକମାନେ ହୋହାଲ୍ଲା କରିଛନ୍ତି ।
ଛାତ୍ର ଜଣକ ଅଚେତ ଥିବା ନେଇ ସ୍କୁଲ କର୍ତୃପକ୍ଷ ଖବର ଦେବା ପରେ ପରିବାର ଲୋକେ ସ୍ଥାନୀୟ ଡାକ୍ତରଖାନାକୁ ନେଇଥିଲେ । ତେବେ ସେମାନେ ଚିକିତ୍ସା କରିବା ପାଇଁ ମନା କରିବା ପରେ ଛାତ୍ର ଜଣକୁ ଆଉ ଏକ ଡାକ୍ତରଖାନାକୁ ନିଆଯାଇଥିଲା । ସେଠାରେ ତାଙ୍କୁ ମୃତ ଘୋଷଣା କରାଯାଇଥିଲା ବୋଲି ଛାତ୍ରଙ୍କ ପରିବାର ପକ୍ଷରୁ କୁହାଯାଇଛି ।